শ্বিলং বিমানবন্দৰ

শ্বিলং বিমানবন্দৰ হৈছে ভাৰতৰ শ্বিলং, মেঘালয়ৰ উমৰৈ নামৰ ঠাইত অৱস্থিত এটা বিমানবন্দৰ। যি শ্বিলঙৰ পৰা প্ৰায় ৩০ কিলোমিটাৰ দূৰত অৱস্থিত।

ইতিহাস

বিমানবন্দৰটো ১৯৬০-ৰ দশকৰ মাজভাগত নিৰ্মাণ কৰা হৈছিল আৰু ১৯৭০-ৰ দশকৰ মাজভাগত কাৰ্যক্ষম হৈছিল। ২০০৯ চনত বিমানবন্দৰৰ সম্প্ৰসাৰণৰ বাবে ২২৪.১৬ একৰ মাটি অধিগ্ৰহণ কৰা হৈছিল। কামটো ২০০৯ চনৰ জুনমাহত আৰম্ভ হৈছিল আৰু ২০১০ চনৰ মে মাহত সম্পূৰ্ণ হৈছিল।^১ নতুুুন টাৰ্মিনাল বিল্ডিংটো নিৰ্মাণ কৰোঁতে ₹৩০ কোটি খৰচ গৈছিল। আৰু এয়া ২০১১ চনৰ জুুুন মাহত সম্পূৰ্ণ হৈছিল।^২

2015 চনত, ভাৰতীয় বিমানবন্দৰ কৰ্তৃপক্ষক বিমানবন্দৰৰ অধিক সম্প্ৰসাৰণৰ বাবে ভূমি আৱণ্টন কৰা হৈছিল।^৩ 2017 চনত, এ.এ.আই.-য়ে শ্বিলঙত আন্তঃগাঁথনি উন্নীত কৰে, এটা ইনষ্ট্ৰুমেণ্ট লেণ্ডিং চিষ্টেম (আই.এল.এছ.) স্থাপন, দুটা ইন্ধন ভৰ্তি সুবিধা নিৰ্মাণ, ৰানৱে সম্প্ৰসাৰণ আৰু উৰণ-পথৰ বাধা আঁতৰ কৰে।^৪ বিমানবন্দৰটোৱে জুন ২০১৯ ত ভাৰতীয় ডিজিচিএৰ পৰা ইয়াৰ শ্ৰেণী ৩চি অনুজ্ঞাপত্ৰ লাভ কৰিছিল, যাৰ ফলত কিউ৪০০/এটিআৰ ৭২ বিমানৰ পৰিচালনাৰ অনুমতি দিয়া হৈছিল।^৫ ইণ্ডিগ'ই ২০ জুলাই ২০১৯ তাৰিখে শ্বিলঙৰ পৰা কলিকতা বিমানবন্দৰৰ পৰা দৈনিক বিমানেৰে উড়ান আঁচনিৰ অধীনত এটিআৰ-৭২ ব্যৱহাৰ কৰি কাম আৰম্ভ কৰিছিল।^৬

বৰ্তমানৰ ৬,০০০ ফুটৰ ৰানৱেটো প্ৰায় ৮,০০০ ফুটলৈ সম্প্ৰসাৰিত কৰাৰ পৰিকল্পনা কৰা হৈছিল যাতে বোয়িং ৭৩৭ আৰু এয়াৰবাছ এ৩২০ ৰ দৰে সংকীৰ্ণ বডী জেট বিমানপৰিচালনাৰ সুবিধা হয়।^৭ অৱশ্যে, ইয়াৰ বাবে ৰানৱে সম্প্ৰসাৰিত হোৱাৰ পিছত বিমানৰ ওচৰলৈ অহাৰ পথত আহিব লগা হিললকৰ গোটবোৰ কাটিব লাগিব। এই বাধা আঁতৰোৱাৰ ব্যয় আছিল ₹৮,০০০ কোটি।^৮ মেঘালয়ৰ মুখ্যমন্ত্ৰীয়ে কৈছিল যে সেই ব্যয়ত বিমানবন্দৰৰ সম্প্ৰসাৰণৰ সৈতে আগবাঢ়ি যোৱাটো কঠিন হ'ব।^৯

বাহ্যিক সংযোগসমূহ

• ভাৰতীয় বিমানবন্দৰ প্ৰাধিকৰণৰ অফিচিয়েল চাইট