মৌলিন (ভূ-ৰূপবিজ্ঞান)

মৌলিন ( Moulin or glacier mill) বা হিমবাহ মিল মোটামুটিভাৱে বৃত্তাকাৰ, উলম্ব (বা প্ৰায় উলম্ব) কুঁৱাৰ দৰে খাদ যিটো ভূ-পৃষ্ঠৰ উষ্ণতাই বৰফৰ কঠিনতা দুৰ্বল কৰাৰ ফলত সৃষ্টি হয়। মৌলিন শব্দটো ফৰাচী শব্দ মিলৰ পৰা উদ্ভৱ হৈছে।^১২

ইহঁত ১০ মিটাৰ পৰ্যন্ত বহল হ’ব পাৰে আৰু সাধাৰণতে অনুপ্ৰস্থ ফাট থকা অঞ্চলত হিমবাহৰ বৰফৰ তৰপ আৰু সমতল অঞ্চলত এইবোৰ পোৱা যায়। মৌলিনে হিমবাহৰ শ শ মিটাৰ দলৈ যাব পাৰে,^৩৪৫ বা সাধাৰণ ফাট গঠনৰ গভীৰতা (প্ৰায় ১০–৪০ মিটাৰ)হে পাব পাৰে। য'ত ধাৰাটো হিমবাহৰ বিপৰীতে বৈ যায়।^৬ হিমবাহৰ গুহা গঠনৰ আটাইতকৈ সাধাৰণ কাৰণ হ’ল মৌলিন।

মৌলিন হৈছে হিমবাহৰ অভ্যন্তৰীণ গঠনৰ অংশ, যিয়ে গলিত পানীক পৃষ্ঠৰ পৰা যলৈকে যাব পাৰে তললৈ কঢ়িয়াই লৈ যায়।^৭ মৌলিনৰ পানী প্ৰায়ে ভিত্তি স্তৰত হিমবাহৰ পৰা ওলাই যায়, কেতিয়াবা সাগৰলৈও যায় আৰু মাজে মাজে মৌলিনৰ তলৰ মূৰটো হিমবাহৰ সন্মুখত বা স্থবিৰ হৈ থকা বৰফৰ ব্লকৰ প্ৰান্তত উন্মুক্ত হ’ব পাৰে।

মৌলিনৰ পৰা ওলোৱা পানীয়ে হিমবাহৰ গুৰিঅংশ নিমজ কৰাত সহায় কৰিব পাৰে, যাৰ ফলত হিমবাহৰ গতিত প্ৰভাৱ পৰিব পাৰে। বৰফৰ তৰপ আৰু ভূখণ্ডৰ মাজত উপযুক্ত সম্পৰ্ক থাকিলে মৌলিনত থকা পানীৰ মূৰে সুৰংগ উপত্যকা গঠন হ’ব পৰা শক্তি আৰু মাধ্যম প্ৰদান কৰিব পাৰে। বৰফৰ তৰপ আৰু হিমবাহৰ গুৰি নিমজ কৰাত এই পানীৰ ভূমিকা জটিল আৰু ই হিমবাহৰ গতি আৰু নতুন হিমবাহৰ জন্মৰ হাৰ ত্বৰান্বিত কৰাত জড়িত হৈ পৰে।^৮