মোমাই মাতা দেৱী

মোমাই বা মোমাই মাতা যাক দশমা নামেৰেও জনা যায়, এগৰাকী গুজৰাট ৰাজ্যৰ আঞ্চলিক হিন্দু দেৱী, বিশেষকৈ কুচ্চৰ মৰুভূমি অঞ্চলত এই দেৱী অধিক জনপ্ৰিয়।^১২

বিৱৰণ

মোমাই মাতা ৰাবাৰী জনগোষ্ঠীৰ সৰ্বোচ্চ দেৱী। ৰাবাৰীৰ সোৰথিয়া দলে তেওঁক মাম্মাই বুলি মাতে। কুচ্চৰ ৰাপাৰৰ সমীপত অৱস্থিত মোমাই মোৰা গাঁওখনতেই মোমাই মাতা দেৱীৰ প্ৰথম আবিৰ্ভাৱ হোৱা বুলি কোৱা হয়, দেৱীৰ মন্দিৰটো তীৰ্থযাত্ৰাৰ স্থান আৰু প্ৰতি বছৰে নৱৰাত্ৰিৰ প্ৰাকক্ষণত ইয়াত এক বিশাল উৎসৱ পালন কৰা হয়। তেওঁক মাভ (ভানুশালি), হিয়াদ (ৰাবাৰী), জাদেজা, চাৱদা (অহিৰ),পাৰমাৰ, সোধা, যাদৱ, বৰালিয়া (আহিৰ), টাংক, ওডেদ্ৰা আৰু পূৰ্বৰ কুচ ৰাজ্যৰ অন্যান্য শাসক আৰু যোদ্ধা বংশৰ দ্বাৰা অন্যতম কুলদেৱী হিচাপে পূজা কৰা হয় আৰু দেৱী আশাপুৰাৰ সৈতে ঘনিষ্ঠভাৱে জড়িত।^২ তেওঁক উটৰ ওপৰত আৰোহণ কৰা আৰু চাৰিখন হাতৰ সৈতে চিত্ৰিত কৰা হৈছে। তেওঁৰ ওপৰৰ সোঁ আৰু বাওঁহাতত ক্ৰমে তৰোৱাল আৰু ত্ৰিশূল আৰু তলৰ সোঁ আৰু বাওঁহাতত পদুম আৰু কৱচ আছে।^৩১ জাদেজা, পৰমাৰ, সোধা বংশৰ বাহিৰেও ৰাজপুৰোহিত সম্প্ৰদায়ৰ উদেশ গোত্ৰই তেওঁক কুলদেৱী হিচাপে পূজা কৰে। কুচ্চৰ ৰাবাৰী বংশয়ো তেওঁক পূজা কৰে। ৰাবাৰিছৰ প্ৰায় প্ৰতিটো ঘৰতে তেওঁৰ প্ৰতিচ্ছবি ৰখা দেখা যায়।^৪৫৬ বৰদাই ব্ৰাহ্মণসকলেও তেওঁক কুলদেৱী বুলি পূজা কৰে। কুচ্চৰ মিষ্ট্ৰিছৰ বহু উপগোত্ৰয়ো তেওঁক নিজৰ কুলদেৱী হিচাপে পূজা কৰে।^৭

দশমা ব্ৰত

• মূল প্ৰবন্ধ: দশমা ব্ৰত

দশমা ব্ৰত হৈছে বাৰ্ষিক ১০ দিনীয়া হিন্দু উৎসৱ বা ব্ৰত (ধৰ্মীয় ব্ৰত), প্ৰধানকৈ ভাৰতৰ গুজৰাট আৰু দিউ ৰাজ্যত পালন কৰা হয়। এই ব্ৰত সাধাৰণতে হিন্দু আষাৰ মাহৰ অমাৱস্যাত জুলাই–আগষ্ট মাহত পালন কৰা হয়। চৈত্ৰ মাহত (মাৰ্চ মাহৰ)ও বহুতে ব্ৰত পালন কৰে। প্ৰধানকৈ মহিলাসকলে নিজৰ পৰিয়ালৰ সমৃদ্ধি আৰু সৌভাগ্যৰ বাবে এই ব্ৰত পালন কৰে।