মেৰিন কিটাগাৱা

মেৰিন কিটাগাৱা (জাপানী ভাষা: 喜多川 海夢) এটা কাল্পনিক চৰিত্ৰ আৰু শ্বিনিচি ফুকুডাৰদ্বাৰা নিৰ্মিত মাংগা ধাৰাবাহিক মাই ড্ৰেছ-আপ ডাৰ্লিঙৰ মহিলা নায়িকা তথা হাইস্কুলৰ প্ৰথম বৰ্ষৰ ছাত্ৰী আৰু পুৰুষ নায়ক ৱাকানা গ'জোৰ সহপাঠী।

চৰিত্ৰ বিৱৰণ

মেৰিন কিটাগাৱা এজনী গ্যালু'(জাপানী উপসংস্কৃতিৰ এজনী ছোৱালী, যি সাধাৰণতে ধূসৰ বা স্বৰ্ণালী ৰঙৰ চুলি, ফেশ্বনবাহুল্য পৰিধান, উজ্জ্বল মেকআপ আদিৰদ্বাৰা চিনাক্ত কৰা হয়), যাৰ বহিৰ্মুখী স্বভাৱ আছে। তেওঁ উৎসাহী আৰু সক্ৰিয়, কিন্তু সূক্ষ্ম-সূক্ষ্ম বিষয়ে অগোচৰ হৈ পৰে আৰু কাম-কাজত বিশেষ দক্ষ নহয়।^১ তেওঁ অন্য লোকৰ প্ৰতি সদয় আৰু সন্মানজনক। তেওঁ এজনী উৎসাহী ওটাকু'(এজন ব্যক্তি যিয়ে এনাইম, মাংগা আৰু ভিডিঅ’ গেম আদি জাপানী জনপ্ৰিয় সংস্কৃতিত অতিৰিক্ত আগ্ৰহ দেখুৱায়), যাৰ পছন্দৰ ক্ষেত্ৰ বহল – মেজিকেল গাৰ্ল এনাইমৰপৰা আৰম্ভ কৰি ইৰ’টিক ভিডিঅ’ গেমলৈকে। মেৰিনে মডেল হিচাপে কাম কৰে আৰু ফেশ্বন শৈলী, মেকআপ, আৰু ৰূপ-প্ৰদৰ্শন তথা ফটোগ্ৰাফিৰ জৰিয়তে অনুভূতি প্ৰকাশৰ বিষয়ে দখল ৰাখে।^২

বিকাশ

মাংগা শিল্পী শ্বিনিচি ফুকুডায়ে এনে এজনী চৰিত্ৰ সৃষ্টিৰ কথা ভাবিছিল, যি সাধাৰণ "ত্‌ছুন্দেৰ"^৩ বা "নিখুঁত waifu"^৪ নহয়, বৰং জীৱন্ত, উচ্ছ্বাসভৰ্তি আৰু সমৰ্থনশীল। ফুকুদাই বহু সময়তে কৈছে যে তেওঁ ক’স্প্লে আৰু এনাইম প্ৰতি উদ্দীপ্ত বাস্তৱিক ছোৱালীৰপৰা অনুপ্ৰাণিত হৈছিল আৰু সৃষ্টিশীল শখসমূহ প্ৰতি তেওঁৰ সন্মানৰ ফলত এই চৰিত্ৰ সৃষ্টি কৰিছিল।^৫ লগতে, ফুকুদাই এনে এজনী নায়িকা সৃষ্টি কৰিবলৈ বিচাৰিছিল, যিয়ে ৰোমাণ্টিক মাংগাৰ মহিলা চৰিত্ৰবোৰৰ বিষয়ে থকা পৰম্পৰাগত ধাৰণাবোৰ ভাঙি পেলাব পাৰে।^১৬

হিনা সুগুতা, মেৰিনৰ জাপানী কণ্ঠশিল্পীগৰাকীয়ে, এই চৰিত্ৰটো অভিনয় কৰাটো এটা বিশেষকৈ কঠিন অভিজ্ঞতা বুলি উল্লেখ কৰিছিল, বিশেষকৈ তেওঁৰ অনুভূতিসমূহ প্ৰকাশ কৰিবলৈ। মেৰিনৰ উৰ্জা যথাযথভাৱে প্ৰকাশ কৰিবলৈ তেওঁ ৰেকৰ্ডিঙৰ সময়ত নিজৰ দেহটোও সৰোৱা-নচোৱা কৰিছিল। এই কাৰণে সংলাপ ৰেকৰ্ড কৰাৰ পাছত তেওঁ নিজৰ প্ৰচেষ্টা আৰু শক্তি খৰচৰ বাবে প্ৰায়ে খুব ক্ষুধাৰ্ত অনুভৱ কৰিছিল।^৭

অভ্যৰ্থনা

এনিমে কৰ্ণাৰৰ "বেষ্ট গাৰ্ল অৱ ৱিণ্টাৰ ২০২২ ছিজন"ত মেৰিনে প্ৰথম স্থান লাভ কৰে, য’ত তেওঁ ৮.৯৯% ভোট লাভ কৰিছিল।^৮ ২০২২ চনৰ এনিমে গ্ৰেণ্ড প্ৰিক্সত মেৰিনে শ্ৰেষ্ঠ মহিলা চৰিত্ৰৰ বাবে পঞ্চম স্থান লাভ কৰে।^৯ দ্বাদশ নিউটাইপ এনিমে বঁটাত তেওঁ একেটা শাখাতে সপ্তম স্থান লাভ কৰে।^১০ ২০২৩ চনৰ এনিমেক্লিক ডট নেকো বঁটাত মেৰিনে ২৬১ জন ভোটাৰৰপৰা ৫২.৬২% ভোট লাভ কৰি শ্ৰেষ্ঠ ৱাইফু বঁটা লাভ কৰে।^১১ ৭ম ক্ৰাঞ্চিৰল এনিমে বঁটাত মেৰিনে "শ্ৰেষ্ঠ মূল চৰিত্ৰ" আৰু "সমস্ত খৰচত সুৰক্ষা দিব লাগিব" চৰিত্ৰৰ বাবে মনোনীত হয়। মেৰিনৰ পাঁচজন আন্তঃৰাষ্ট্ৰীয় কণ্ঠ অভিনেতাক "শ্ৰেষ্ঠ কণ্ঠশিল্পী অভিনয়" শিতানৰ বাবে মনোনীত কৰা হয়, তেওঁলোক হ'ল – আমালি (ইংৰাজী), উলা জিডান (আৰবী), গেব্ৰিয়েল পিটাৰমেন (জাৰ্মান), ডেব'ৰা ম'ৰেজ (ইটালীয়), আৰু এৰিকা লেংগাৰিকা (স্পেনিছ); কিন্তু তেওঁলোকে ক্ৰমে জেক এগুইলাৰৰ ডেভিদ মাৰ্টিনেজ, অমল হাজিৱাৰ গন ফ্ৰীক্স, ৰেনে ডন-ক্ল'ডৰ ছাটৰু গ'জো, এলিছা জৰ্জিঅ'ৰ মাকি জেন'ইন আৰু আলেজান্দ্ৰ' অৰ'জকোৰ গ্যুটাৰ'ৰ হাতত পৰাস্ত হয়।^১২

জাপানী মডেল আৰু প্ৰভাৱশালী আকাৰি আকাছে মেৰিনৰ চৰিত্ৰত কচপ্লে কৰাটো টেলিভিছন আৰু ছ'চিয়েল মিডিয়া প্লেটফৰ্মত ব্যাপকভাৱে প্ৰচাৰিত হৈছিল, যাৰ ফলত মেৰিনক পৰম্পৰাগত এনিমে দৰ্শকৰ বাহিৰেও বিখ্যাত হৈ পৰিছিল।^১৩ মেৰিনৰ প্ৰতিচ্ছবিয়ে মাংগাৰ প্ৰিমিয়াৰৰ পিছৰেপৰা বহু কচপ্লেয়াৰক অনুপ্ৰাণিত কৰিছে; বিখ্যাত সাজ-পোছাক ডিজাইনাৰ নিম্ফাহ্ৰিয়ে স্কুলীয়া ছোৱালীজনীৰ বিষয়ে তেওঁৰ দৃষ্টিভংগী ভাগ কৰিছিল, চৰিত্ৰটোৰ কিছুমান স্বাক্ষৰ ভংগিমা পুনৰ সৃষ্টি কৰিছিল।^১৩১৪

এটা সাক্ষাৎকাৰত, পৰিচালক কেইছুকে শিনোহাৰাই মেৰিনক "এজনী অদ্বিতীয় চৰিত্ৰ" বুলি অভিহিত কৰিছিল আৰু কৈছিল যে তেওঁ প্ৰেম প্ৰকাশ কৰা প্ৰথমগৰাকী ছোৱালী হিচাপে এনাইমত এক নতুন অভিজ্ঞতা আগবঢ়াইছে, যি বিশেষকৈ মহিলা দৰ্শকৰ মাজত গভীৰভাৱে প্ৰতিধ্বনি হৈছিল।^৬

দ্য টাইম্‌ছ অৱ ইণ্ডিয়াই এই ধাৰাৱাহিকক "অতি সীমিত পৰা বৈশ্বিক পৰিসৰত" হোৱা এক অভূতপূৰ্ব সাফল্য বুলি বৰ্ণনা কৰিছিল, য’ত মেৰিন "ক’স্প্লেয়াৰ আৰু এনাইম অনুৰাগীসকলৰ মাজত এক বিশেষ প্ৰিয় চৰিত্ৰ" হৈ পৰিছিল।^১৪১৫