মেটিয়েল মগানাম

মেটিয়েল মগানাম (Matiel Mogannam; ১৮৯৯–১৯৯২) এগৰাকী পেলেষ্টাইনী আৰব উকীল আছিল যি ১৯২০ আৰু ১৯৩০ চনত বাধ্যতামূলক পেলেষ্টাইনত মহিলা আন্দোলনৰ নেতৃত্ব দিছিল৷ তেওঁ আৰব মহিলা কাৰ্যবাহী (AWE)ৰ সম্পাদিকা হিচাপে কাৰ্যনিৰ্বাহ কৰিছিল।

প্ৰাৰম্ভিক জীৱন আৰু শিক্ষা

১৮৯৯ চনত লেবাননত পেলেষ্টাইনী খ্ৰীষ্টান পৰিয়ালত মাটিয়েলৰ জন্ম হৈছিল।^১২ তেওঁৰ জন্মৰ কিছু সময়ৰ পিছতে পৰিয়ালটো আমেৰিকালৈ গুচি যায়।^২ তাতেই তেওঁ আইন বিভাগৰ ডিগ্ৰী লাভ কৰে।^৩

জীৱন

১৯২১ চনত মগানাম আৰু তেওঁৰ স্বামীয়ে জেৰুজালেম, মেণ্ডেট পেলেষ্টাইনত বসতি স্থাপন কৰে।^৪ তেওঁ আৰব মহিলা সংস্থা (এ ডব্লিউ এ) আৰু পেলেষ্টাইনত আৰব মহিলা আন্দোলনৰ বাবে বিত্তীয় সাহায্য প্ৰদান কৰা এ ডব্লিউ ইৰ দুগৰাকী সচিবৰ ভিতৰত অন্যতম হিচাপে কাম কৰিছিল।^৫

মগানাম ১৯২৯ চনত জেৰুজালেমত অনুষ্ঠিত হোৱা পেলেষ্টাইন আৰব মহিলা সন্মিলনৰ অন্যতম অংশগ্ৰহণকাৰী আছিল। ১৯৩০ চনত বেইৰুটত অনুষ্ঠিত আৰব মহিলা সন্মিলনতো তেওঁ অংশগ্ৰহণ কৰে।^৪ ১৯৩৩ চনৰ এপ্ৰিল মাহত ওমৰৰ মছজিদত পেলেষ্টাইনী জাতীয়তাবাদৰ ওপৰত ভাষণ দিছিল।^৫ সেই বছৰতে জাফাত জাতীয়তাবাদী বিক্ষোভৰ সময়ত তেওঁ আন এটা ভাষণ দিছিল।.^২

মোগানামে পেলেষ্টাইনৰ বাতৰি কাকতত প্ৰবন্ধ প্ৰকাশ কৰিছিল আৰু আৰব উইমেন এণ্ড দ্য পেলেষ্টাইন প্ৰব্লেম নামৰ এখন গ্ৰন্থৰ লেখক আছিল।^৬ ১৯৩৭ চনত লণ্ডনৰ হাৰ্বাৰ্ট জোচেফে এই গ্ৰন্থখন প্ৰথম প্ৰকাশ কৰিছিল।^৩৭মেণ্ডেট যুগৰ মহিলা আন্দোলনৰ বিষয়ে লিখা এইখন একমাত্ৰ গ্ৰন্থ।^৪

১৯৩৮ চনত মগানাম আৰু তেওঁৰ স্বামী ৰামাল্লাত বসতি স্থাপন কৰে।^২ ১৯৮০ চনত তেওঁ আমেৰিকালৈ উভতি আহি ভাৰ্জিনিয়াৰ ফল্ছ চাৰ্চত বাস কৰে।^৮

ব্যক্তিগত জীৱন আৰু মৃত্যু

তেওঁ আমেৰিকাত মগানাম মগানামৰ সৈতে বিবাহপাশত আবদ্ধ হয়।^৪ তেওঁ এজন উকীল আছিল আৰু জেৰুজালেমৰ পৰা অহা আৰব এংলিকান পৰিয়ালৰ সদস্য আছিল।^৯ মেটিয়েলৰ স্বামী আছিল নেশ্যনেল ডিফেন্স পাৰ্টিৰ এজন বিষয়া। ১৯৪৩ চনত তেওঁৰ মৃত্যু হয়।^৮ তেওঁলোকৰ দুটা সন্তান আছিল থিয়ডৰ আৰু লেইলা।^৮

১৯৯২ চনৰ ১১ আগষ্টত ভাৰ্জিনিয়াৰ আৰ্লিংটনত কনজেষ্টিভ হাৰ্ট ফেইলাৰৰ ফলত মেটিয়েলৰ মৃত্যু হয়।^৮