মাৰ্চিডিজ ৰাকেল বৰচা পাৰ্ডো (৬ নৱেম্বৰ, ১৯৩২ – ১৫ আগষ্ট, ২০২০) ঔপন্যাসিক গাব্ৰিয়েল গাৰ্ছিয়া মাৰ্কেছ (১৯২৭–২০১৪)ৰ পত্নী আছিল।১
জীৱনী
মাৰ্চিডিছ বৰচা ১৯৩২ চনৰ ৬ নৱেম্বৰত মাগাংগুৱে, কলম্বিয়াত জন্মগ্ৰহণ কৰে। তেওঁ ছিৰিয়ান মূলৰ এটা পৰিয়ালৰ সন্তান আছিল। তেওঁৰ পিতৃ এজন ব্যৱসায়ী আছিল আৰু তেওঁ ঔষধৰ দোকান তথা ফাৰ্মাচী আৰু গেলামালৰ দোকান চলাইছিল।২ মাৰ্চিডিছ বৰচা মূলতঃ তেওঁৰ স্বামী, গেব্ৰিয়েল গাৰ্চিয়া মাৰ্কেজৰ জীৱনত আগবঢ়োৱা আৰ্থিক আৰু মানসিক সহায়ৰ বাবে জনাজাত। গাব্ৰিয়েল গাৰ্চিয়া মাৰ্কেজে সাহিত্যৰ ন'বেল বঁটা লাভ কৰিছিল।৩৪
মাৰ্চিডিছে মাৰ্কেজৰ বিখ্যাত উপন্যাস ৱান হাণ্ড্ৰেদ য়েৰ অৱ চলিটিউদ (One Hundred Years of Solitude) লিখাৰ সময়ত তেওঁক বিশেষভাৱে সহায় কৰিছিল। কোৱা হয় যে প্ৰকাশকৰ ওচৰলৈ উপন্যাসখনৰ পাণ্ডুলিপি পঠিয়াবলৈ প্ৰয়োজন হোৱা ডাক খৰচ যোগাৰ কৰিবলৈ তেওঁ নিজৰ হেয়াৰ ড্ৰায়াৰ বা চুলি শুকুৱোৱা যন্ত্ৰ বন্ধকত ৰাখিছিল।৫
তেওঁক মৰমেৰে লা গাবা (La Gaba) বুলি কোৱা হৈছিল। এই নামটো তেওঁৰ স্বামী মাৰ্কেজৰ ঘৰৰ নাম “গাবো” (Gabo)-ৰ নাৰী ৰূপৰপৰা আহিছিল।৫
বিবাহ
তেওঁ গাব্ৰিয়েল গাৰ্চিয়া মাৰ্কেছৰ সৈতে প্ৰথম দেখা হৈছিল ১৯৪১ চনত, যেতিয়া তেওঁলোক দুয়ো কিশোৰ বয়সৰ আছিল। সেই সময়ত গাব্ৰিয়েল গাৰ্চিয়া মাৰ্কেছৰ বয়স আছিল ১৪ বছৰ আৰু তেওঁৰ (ভৱিষ্যৎ পত্নীৰ) বয়স আছিল ৯ বছৰ। "দ্য ফ্ৰেগ্ৰেন্স অৱ গুৱাভা" (The Fragrance of Guava) গ্ৰন্থত উল্লেখ কৰা হৈছে যে, গাৰ্চিয়া মাৰ্কেছে ১৩ বছৰ বয়সত এখন বিদ্যালয়ৰ নৃত্য অনুষ্ঠানত তেওঁক বিবাহৰ প্ৰস্তাৱ দিছিল।৬ অৱশেষত তেওঁলোকৰ বিবাহ হয় ২১ মাৰ্চ, ১৯৫৮ চনত, কলম্বিয়াৰ বেৰাংকিয়াত (Barranquilla)। সেই সময়ত গাৰ্চিয়া মাৰ্কেছৰ বয়স আছিল ৩১ বছৰ আৰু তেওঁৰ পত্নীৰ বয়স আছিল ২৫ বছৰ।৭৫ তেওঁলোকৰ দুজন পুত্ৰ সন্তান আছিল। ৰড্ৰিগো গাৰ্চিয়া (Rodrigo García) চলচ্চিত্ৰ পৰিচালক আৰু গনজালো গাৰ্চিয়া (Gonzalo García) এজন গ্ৰাফিক ডিজাইনাৰ।৮৯ "দ্য ফ্ৰেগ্ৰেন্স অৱ গুৱাভা" গ্ৰন্থৰ শেষভাগত যেতিয়া গাৰ্চিয়া মাৰ্কেছক সোধা হৈছিল যে তেওঁ জীৱনত লগ পোৱা আটাইতকৈ আকৰ্ষণীয় ব্যক্তি কোন, তেতিয়া তেওঁ উত্তৰ দিছিল— "মোৰ পত্নী।" ৬
জীৱিকা
২০১৪ চনত গাৰ্চিয়া মাৰ্কেজৰ মৃত্যুৰ পাছত তেওঁ কলম্বিয়াৰ কাৰ্টাজেনাত গেব্ৰিয়েল গাৰ্চিয়া মাৰ্কেজ আইবেৰ’আমেৰিকান ফাউণ্ডেশ্যন ফৰ নিউ জাৰ্নেলিজমৰ এমেৰিটা সভাপতি হিচাপে কাৰ্যনিৰ্বাহ কৰিছিল। ২০১৭ চনত তেওঁ গাৰ্চিয়া মাৰ্কেজৰ উত্তৰাধিকাৰক প্ৰচাৰৰ বাবে ফাণ্ডেচন গাবো প্ৰতিষ্ঠা কৰে। ১০১১
মৃত্যু
২০২০ চনৰ ১৫ আগষ্টত মেক্সিকো চহৰত বাৰ্চাৰ মৃত্যু হয়। ৭
তথ্যসূত্ৰ
- ↑ Green, Penelope. (23 August 2020). Mercedes Barcha, Gabriel García Márquez's Wife and Muse, Dies at 87. The New York Times
- ↑ Stavans, Ilan. (2010-01-05). Gabriel García Márquez: The Early Years. Macmillan + ORM. ISBN 978-0-230-10480-8
- ↑ (16 August 2020). Addio a Mercedes Barcha, moglie di Gabriel Garcia Marquez. L'HuffPost
- ↑ Mercedes Barcha, 1932-2020. Financial Times
- ↑ Walch, Louis. (2020-11-06). The Discreet Strength of Mercedes Barcha. Words Without Borders
- ↑ Mendoza, Plinio Apuleyo. (1983). The Fragrance of Guava. Faber and Faber. ISBN 9780571193264
- ↑ (16 August 2020). Mercedes Barcha, el gran amor y la musa de Gabriel García Márquez. ABC
- ↑ Osorio, Camila. (15 August 2020). Muere Mercedes Barcha, la mujer que hizo posible el éxito de García Márquez. EL PAÍS
- ↑ Tiempo, Redacción El. (2008-05-17). Gonzalo García Barcha, hijo diseñador de Gabo, está en Colombia para dictar el taller 'Bogotipos'. El Tiempo
- ↑ (30 November 2016). Fundador. Fundación Gabo
- ↑ Bhattacharyya, Indradeep. (24 August 2020). Mercedes Barcha Pardo Fuelled Gabriel Garcia Marquez's Literary World. The Wire
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “মাৰ্চিদিজ বৰচা” প্ৰবন্ধৰ সংশোধন ৬১৫৫৯৭ (৪ জুলাই ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।