ভাতুৰা

ভাতুৰা ( bhatoora, batoora, batura, বা pathora ) ভাৰতীয় উপমহাদেশৰ খাদ্যাভ্যাসৰ পৰা উৎপত্তি হোৱা এবিধ ফুলি উঠা বেকিং মিশ্ৰিত টেঙা আটা বা ময়দাৰে কৰা ৰুটি।^১ উত্তৰ আৰু পূব ভাৰতত ইয়াক সাধাৰণতে দুপৰীয়াৰ আহাৰ বা ব্ৰেকফাষ্টৰ খাদ্য হিচাপে পৰিৱেশন কৰা হয়।^১ ডাঙৰ বুটৰ তৰকাৰী (চোলে বা চানে বুলি কোৱা হয়)ৰ সৈতে লগ কৰিলে ই চোলে ভাতুৰে নামৰ পৰম্পৰাগত খাদ্য গঠন কৰে।

ভতুৰা পুৰিৰ সৈতে মিল আছে যদিও দৈ যুক্ত ময়দা বা আটাৰ গুড়িৰে তৈয়াৰ কৰা হয়।^২

প্ৰস্তুতি

এটা সাধাৰণ ৰেচিপিত সৰ্বকাৰ্যকৰী আটা ( বা ময়দা), দৈ, ঘিউ বা তেল আৰু চেনি আৰু বেকিং পাউদাৰ আদি মিহলি কৰা হয়। এবাৰ ভালদৰে মিহলি কৰি লডা কৰি লডাটো ভালদৰে কোমল হ’বলৈ দিয়া হয়, আৰু তাৰ পিছত এই লডাটোৰ পৰা সৰু সৰু বলবোৰ হয় হাতেৰে গোল কৰি লোৱা হয় আৰু বেলনা মাৰি ব্যৱহাৰ কৰি সমান কৰা হয়। তাৰ পিছত ৰুটিৰ টুকুৰাবোৰ ডিপ ফ্ৰাই কৰা হয়, যেতিয়ালৈকে সেইবোৰ ফুলি উঠি লাহে লাহে ব্ৰাউন হোৱালৈ ভাজিব লাগে। কোমল আৰু ফুলি উঠা ৰুটি ৰবৰৰ দৰে হয় আৰু চোবাই খোৱা হয়।^৩

ভাতুৰা প্ৰায়ে দৈ, আচাৰ, বা শাক-পাচলিৰ লগত খোৱা হয়। চোলেৰ সৈতে খালে ই চোলে ভাতুৰে নামেৰে জনাজাত জনপ্ৰিয় পৰম্পৰাগত খাদ্যৰ সৃষ্টি কৰে।^১৪

ভিন্নতা

এই খাদ্যৰ এটা ভিন্নতাত সৰ্বকাৰ্যকৰী আটাৰ পৰিৱৰ্তে চেমোলিনাৰ আটা ব্যৱহাৰ কৰা হয়।^৫ আন আন ভিন্নতাসমূহ হ'ল আলু ভাতুৰা (আলুৰে ভৰোৱা ভাতুৰা) আৰু পনীৰ ভতুৰা (পনীৰেৰে ভৰোৱা ভতুৰা)।

এটা ননফ্ৰাইড ভেৰিয়েন্ট হ’ল কুলচা, যিটো চেপেটা কেৰাহীত বেক বা ৰান্ধিব পাৰি আৰু ধনীয়াৰ পাতেৰে সজাই লোৱা হয়।