বৈষ্ণো দেৱী

বৈষ্ণো দেৱী (Vaishno Devi) কিছু বিশ্বাস মতে হিন্দু মাতৃ দেৱী দুৰ্গাৰ ৰূপ আৰু আন কিছু বিশ্বাসত তেওঁ লক্ষ্মী দেৱীৰ ৰূপ। তেওঁক মাতা ৰাণী, ত্ৰিকুতা, অম্বে আৰু বৈষ্ণৱী বুলিও জনা যায়। বৈষ্ণো দেৱীক মহাকালি, মহালক্ষ্মী আৰু মহাসৰস্বতী দেৱীৰ সংযুক্ত অৱতাৰ হিচাপে পূজা কৰা হয়।^১২৩

কিংবদন্তী

অধ্যাপক তথা লেখক মনোহৰ সাজনানীয়ে কৈছে, হিন্দু বিশ্বাস অনুসৰি বৈষ্ণো দেৱীৰ আদি বাসস্থান আছিল অৰ্ধ কুঁৱৰী, যি কটৰা চহৰ আৰু গুহাৰ মাজৰ বাটত থকা অৱস্থিত। শিশুৱে ৯ মাহ মাকৰ গৰ্ভত যেনেকৈ স্থিত হয়, ঠিক তেনেকৈয়ে তেওঁ গুহাটোত ৯ মাহ ধ্যান কৰিছিল।^৪ কোৱা হয় যে ভৈৰৱ নাথে বৈষ্ণো দেৱীক কৰায়ত্ব কৰিবলৈ পিছে পিছে দৌৰিছিল। দেৱীয়ে পাহাৰৰ এটা গুহাৰ ওচৰ পালে, তেওঁ হনুমানক মাতি আনি ক'লে, "মই এই গুহাত ন মাহ তপস্যা কৰিম, তেতিয়ালৈকে ভৈৰৱ নাথক গুহাত প্ৰৱেশ কৰিবলৈ নিদিবা।" হনুমানে মাতৃৰ আদেশ পালন কৰে। ভৈৰৱনাথক হনুমানে গুহাৰ ভিতৰত প্ৰবেশ কৰিব দিয়া নাছিল আৰু আজি এই পবিত্ৰ গুহাটোক 'অৰ্ধ কুঁৱৰী' নামেৰে জনা যায়।^৫

লগতে চাওক

• বৈষ্ণো দেৱী মন্দিৰ

বাহ্যিক সংযোগ

• Maa Vaishno Devi Shrine Board