বাৰ্মিজ বজাৰ

বাৰ্মিজ বজাৰ হৈছে বাংলাদেশৰ কক্সবাজাৰ চহৰত অৱস্থিত এক প্ৰকাৰৰ বজাৰ।^১ প্ৰসাধন সামগ্ৰীৰ পৰা আৰম্ভ কৰি চুৰিকটাৰী, লুঙি, শংখ, চকলেট, ডেকোৰেচনৰ সামগ্ৰী আদি কম দামত পোৱা যায়। ম্যানমাৰৰ পৰা ইয়ালৈ অহা সামগ্ৰীৰ বাবে ই বাৰ্মিজ বজাৰ নাম পাইছে।^২ বাৰ্মিজ বজাৰ আচাৰৰ বাবেও জনপ্ৰিয়। ম্যানমাৰৰ পৰা অহা সকলো ধৰণৰ আচাৰৰ ইয়াত পোৱা যাব।^৩ পৰম্পৰাগত বাৰ্মিজ বজাৰ কক্সবজাৰ চহৰৰ টেকপাৰাত অৱস্থিত। এই বাৰ্মিজ বজাৰত ৩০৬খন দোকান আছে।^৪ ইয়াৰ উপৰিও কক্সবজাৰত কৰিম বাৰ্মিজ বজাৰ, আবু চেণ্টাৰ, বীচ টাৱাৰ, বানু প্লাজা, আমেনা শ্বপিং কমপ্লেক্স, উম্ম বাৰ্মিজ মাৰ্কেট, চৌদিয়া বাৰ্মিজ মাৰ্কেট, এন নাহাৰ শ্বপিং কমপ্লেক্স, আলোচয়া শ্বপিং কমপ্লেক্স, ৰুকিয়া বাৰ্মিজ মাৰ্কেট, চৌধুৰী শ্বপিং কমপ্লেক্স, জেএন প্লাজা, বীচ টাৱাৰ বাৰ্মিজ মাৰ্কেটকে ধৰি বিভিন্ন বাৰ্মিজ বজাৰ আছে।^৫৩ কক্সবজাৰৰ উপৰিও পাটেংগা আৰু বান্দৰবানত বাৰ্মিজ বজাৰ আছে।^৬৭

বাৰ্মিজ বজাৰ ১৯৬২ চনত এগৰাকী বৰ্মীয় মহিলাৰ উদ্যোগত সৃষ্টি হৈছিল। তেওঁ টেকপাৰাৰ বাৰ্মিজ প্ৰাথমিক বিদ্যালয়ৰ কাষত থকা তেওঁৰ ঘৰতে স্থানীয় ৰাখাইন হস্তশিল্প, মোনা, লুঙি, বিছনা-চাদৰ, চুৰট আদিৰ এখন সৰু দোকান স্থাপন কৰে। কক্সবজাৰলৈ অহা ঘৰুৱা আৰু বিদেশী পৰ্যটকসকলে তেওঁৰ দোকানত সজাই ৰখা বস্তুবোৰ চাবলৈ আহিছিল। পৰ্যটকৰ চাহিদাৰ কথা বিবেচনা কৰি তেওঁ নিজৰ ঘৰৰ সন্মুখত উনাং কক্সবজাৰ কটেজ ইণ্ডাষ্ট্ৰিজ নামৰ এখন দোকান খোলে। ইয়াৰ পিছত ৰাখাইন ষ্টোৰ, উমে ষ্টোৰ, নুৰানি এম্পোৰিয়াম, বিবি ফেশ্বন ডায়মণ্ড ষ্ট'ৰ আদি নামেৰে বহু কেইখন বাৰ্মিজ দোকান স্থাপন হয়। লাহে লাহে সেই সৰু দোকানখন এখন ডাঙৰ বজাৰ হৈ পৰিল।^৮