বাৰ্বাৰা আলিমাডি

বাৰ্বাৰা এন আলিমাডি (Barbara Ann Allimadi; প্ৰায় ১৯৭২ – ২৭ এপ্ৰিল ২০২০) এগৰাকী উগাণ্ডাৰ ৰাজনীতিবিদ আৰু মানৱ অধিকাৰ কৰ্মী আছিল।

প্ৰাৰম্ভিক জীৱন

আলিমাডিৰ উগাণ্ডাত জন্ম হৈছিল৷ তেওঁৰ পিতৃ এৰিফাছ ওটেমা আলিমাডি^১, যি আছিল উগাণ্ডাৰ তৃতীয় প্ৰধানমন্ত্ৰী (১৯৮০–১৯৮৫)।^২ তেওঁৰ ভাতৃ মিল্টন আলিমাদি, সাংবাদিক আৰু বাতৰি কাকতৰ প্ৰতিষ্ঠাপক।^৩

আলিমাডীয়ে গয়াজা হাইস্কুলত শিক্ষা গ্ৰহণ কৰিছিল৷ তাৰ পিছত তেওঁৰ পৰিয়াল নিৰ্বাসনলৈ গৈছিল যেতিয়া দ্বিতীয় ওবোটে চৰকাৰক উৎখাত কৰা হৈছিল।^১ লণ্ডন মেট্ৰ'পলিটান বিশ্ববিদ্যালয়ত ইলেক্ট্ৰনিক্স আৰু যোগাযোগ অভিযান্ত্ৰিকীত তেওঁ ডিগ্ৰী লাভ কৰে।^৪ আলিমাডিয়ে ইংলেণ্ডত অভিযান্ত্ৰিক অনুশীলন কৰিছিল^১ আৰু তাৰ পিছত ২০০৭ চনত উগাণ্ডালৈ উভতি আহিছিল।^৪

সক্ৰিয়তা

২০১২ চনত ফ'ৰাম ফৰ ডেম'ক্ৰেটিক চেঞ্জ (এফডিচি)ৰ "আইৰন লেডী" নামেৰে পৰিচিত বিৰোধী ৰাজনীতিবিদ ইংগ্ৰিড টুৰিনাৱক,^৫ এজন আৰক্ষী বিষয়াই স্তন চেপি ধৰাৰ পিছত এই আক্ৰমণ টেলিভিছনত প্ৰচাৰ কৰাৰ পিছত বাৰ্বাৰা আলিমাডিয়ে সহযোগিতামূলকভাৱে এক প্ৰতিবাদৰ আয়োজন কৰে। ইয়াক উগাণ্ডাত "ব্ৰা প্ৰতিবাদ" বুলি জনা যায়।^৪ আলিমাডিয়ে কয় যে "আমাক সুৰক্ষা দিয়াৰ দায়িত্বত থকা আৰক্ষী বাহিনীয়ে সকলোৰে সন্মুখত এগৰাকী মহিলাক আক্ৰমণ কৰাত মই গুৰুতৰভাৱে ক্ষুন্ন হৈছিলোঁ।"^৩

২০১২ চনত সংসদত সংশ্লিষ্ট নাগৰিক গোটৰ সৈতে বিক্ষোভ প্ৰদৰ্শন কৰাৰ পিছত আলিমাডিক গ্ৰেপ্তাৰ কৰা হয় আৰু দুৰ্নীতি বিৰোধী শ্লোগান থকা টি-চাৰ্ট জব্দ কৰা হয়।^৬

আলিমাডি ৰাজনৈতিক দল এফ ডি চিৰ এজন কৰ্মী আছিল,^৭আৰু ২০১৯ চনত নতুনকৈ গঠন হোৱা এলায়েন্স ফৰ নেচনেল ট্ৰেন্সফৰ্মেচনত যোগদান কৰে৷ আলিমাডি তেওঁলোকৰ আন্তঃৰাষ্ট্ৰীয় পৰিক্ৰমা সচিব হয় আৰু প্ৰব্ৰজনকাৰী উগাণ্ডাৰ লোকসকলৰ সমন্বয় সাধন কৰে।^৮২

মৃত্যু আৰু উত্তৰাধিকাৰ

২০২০ চনৰ ২৭ এপ্ৰিলত কাম্পালাৰ কিৱাটুলেত থকা নিজৰ ঘৰত আলিমাডিক মৃত অৱস্থাত উদ্ধাৰ কৰা হৈছিল।^৯১০ আৰক্ষীয়ে তেওঁৰ মৃত্যুৰ তদন্ত আৰম্ভ কৰে।^৩৯ ২০২১ চনত তেওঁৰ স্মৃতিত বাৰ্বাৰা আলিমাডি ফাউণ্ডেশ্যন আৰম্ভ কৰা হৈছিল, যাতে ছাত্ৰ-ছাত্ৰীসকলক বিশেষকৈ ছোৱালীক কলেজ আৰু বিশ্ববিদ্যালয়ৰ বৃত্তি প্ৰদান কৰিব পাৰি।^২