বকাসুৰ (কংসৰ অনুচৰ)

বকাসুৰ হিন্দু দেৱতা কৃষ্ণই হত্যা কৰা বগলীৰূপী অসুৰ। তেওঁ কংস ৰজাৰ সংগী আৰু পুতনা আৰু অঘাসুৰৰ ভাতৃ।^১ তেওঁক কংসই কৃষ্ণক বধ কৰিবলৈ এটা বিশাল বগলীৰ ৰূপত পঠিয়াইছিল যাতে ৰজা নিষ্কণ্টক হ’ব পাৰে, যি ভয় এটা অজ্ঞাত কণ্ঠ আৰু দেৱী যোগমায়াই ভৱিষ্যদ্বাণী কৰিছিল।^২৩ তাৰ পিছত কৃষ্ণই বকাসুৰৰ ঠোঁটটো ফাটি যোৱালৈকে টানি হত্যা কৰে।^৪

কিংবদন্তি

বাল কৃষ্ণই তেওঁৰ ভাতৃ বলোৰাম আৰু গোপালক ল'ৰা (গোপ)ৰ সৈতে যমুনা নদীৰ পাৰৰ ওচৰত গৰুৰ সৈতে খেল উপভোগ কৰি আছিল, আনহাতে আন কিছুমান বিৱৰণীত তেওঁলোক গোকুলৰ অৰণ্যত আছিল।^৫৬ তীক্ষ্ণ ঠোঁট থকা বগলীৰ ৰূপত বকাসুৰে আকাশৰ পৰা তললৈ নামি আহি সাউতকৈ কৃষ্ণক গিলি পেলালে যদিও ডিঙিত তীব্ৰ তাপ অনুভৱ কৰিলে আৰু শিশুটিক বমি কৰি উলিয়াই দিলে।^৭ তাৰ পিছত কৃষ্ণই বকাসুৰক ঠোঁটত ধৰি আচাৰি আচাৰি বধ কৰে, যাৰ ফলত অসুৰৰ পৃথিৱীত ম্যাদ উকলি যায় আৰু মোক্ষ (মুক্তি) লাভ কৰে, কিয়নো বিশ্বাস কৰা হয় যে কৃষ্ণৰ হাতত মৃত্যু হোৱা যিকোনো ব্যক্তিৰ আত্মাই মোক্ষ লাভ কৰিব পাৰে।^৮