ফাং ৱানয়ি

ফাং ৱানয়ি (ইংৰাজী ভাষা: Fang Wanyi; ১৭৩২ – ১৭৭৯) এগৰাকী চীনা ভাষা কবি আৰু চিত্ৰশিল্পী আছিল।^১^২ ১৭৫২ চনত তেওঁ চিত্ৰশিল্পী লুঅ' পিঙৰ সৈতে বিবাহপাশত আৱদ্ধ হয় আৰু স্বামীৰ সৈতে যুটীয়াভাৱে তথা স্বতন্ত্ৰভাৱেও কেইবাখনো ছবি অংকন কৰে।^৩^৪^৫ তেওঁৰ জীৱনকালতে এই শিল্পকৰ্মসমূহৰ বহুতো বেইজিঙত প্ৰদৰ্শিত হৈছিল আৰু বিশেষ জনপ্ৰিয়তা লাভ কৰিছিল।^৬

তেওঁৰ পৰিয়াল আনহুইৰ আছিল যদিও বিয়াৰ পিছত তেওঁ স্বামীৰ সৈতে ইয়াংঝৌলৈ গুচি যায়।^১ তেওঁৰ পিতৃৰ নাম আছিল বাওজিয়ান আৰু ককাক ফাং ইউয়ানয়িং এজন কবি তথা ৰাজনীতিবিদ আছিল।^১^৭

ফাং ৱানয়ি এগৰাকী উচ্চ শিক্ষিত মহিলা আছিল। তেওঁ সন্মানীয় কবি শ্বেন দাচ্যেঙৰ ওচৰত কবিতা চৰ্চা কৰিছিল।^১^৭ তেওঁ এগৰাকী চিত্ৰশিল্পী, কবি আৰু লিপিকাৰ হিচাপে খ্যাতি অৰ্জন কৰিছিল।^১^৩ তেওঁৰ কৰ্মৰাজিৰ কেইবাখনো কিতাপ আছে, যাৰ ভিতৰত পয়েমছ বাই বাইলান অন্যতম। তেওঁৰ এটা কাব্য সংকলন গ্ৰীভিং এ য়াং মেইডেন ইমানেই জনপ্ৰিয় আছিল যে চহৰখনৰ সকলোৱে ইয়াক মুখস্থ কৈ দিব পাৰিছিল বুলি কোৱা হয়।^১

১৭৫৪ চনৰ আশে-পাশে ফাং ৱানয়িয়ে কেইবাগৰাকীও বিশিষ্ট মহিলা কবিৰ এক সমাৱেশৰ আয়োজন কৰিছিল। এই অনুষ্ঠানটো শিল্পী গুয়ান জিনীঙৰ ৰিচাইটিং পয়েমছ ইন দ্য ফিমেল কোৱাৰ্টাৰ্ছ অন এ উইণ্টাৰ ডে শীৰ্ষক চিত্ৰখনত অংকিত কৰা হৈছে।^৮^১

ফাং ৱানয়ি আৰু লুঅ' পিঙে তেওঁলোকৰ কৰ্মশালাত একেলগে শিল্প চৰ্চা কৰিছিল। তেওঁলোকৰ মাজত এক গভীৰ প্ৰেমৰ সম্পৰ্ক আছিল আৰু তেওঁলোকে কবিতাৰ জৰিয়তে এজনে আনজনক প্ৰশংসা কৰিছিল।^১ কবিতাত তেওঁলোকে প্ৰায়ে এজনে আনজনক ছদ্মনামেৰে সম্বোধন কৰিছিল: লুঅ' পিং আছিল 'টু পিকছ' আৰু ফাং ৱানয়ি আছিল 'হোৱাইট লটাছ'।^৬ ফাং ৱানয়িৰ মৃত্যুৰ বহু বছৰ পিছতো লুঅ' পিঙে অংকন কৰা এটা প্ৰতিকৃতিত বৃদ্ধ ব্যক্তিজনে এটি বগা পদুম ফুল ধৰি থকা দেখা গৈছিল।^১

তথ্যসূত্ৰ

↑ Karlsson, Kim. (2004). Luo Ping: The Life, Career, and Art of an Eighteenth-century Chinese Painter. Peter Lang. ISBN 978-3-03910-223-5
↑ Lu, Weijing. (2021-07-22). Arranged Companions: Marriage and Intimacy in Qing China. University of Washington Press. ISBN 978-0-295-74913-6
↑ Li, Xifan. (2022-10-03). A General History of Chinese Art: Qing Dynasty. Walter de Gruyter GmbH & Co KG. ISBN 978-3-11-079093-1
↑ Patron, Ernesto Carlos Pujazon; Choon Woon, Chong; Elias, Jose Domingo. (2022-09-01). THE PECULIAR REVELATIONS: SCROLLS PAINTINGS FROM THE WORLDS OF LUÓ PÌNG - 罗聘 (1733-1799). International Journal of Heritage, Art and Multimedia. পৃ. 01–15
↑ Hsü, Cheng-chi. (1987). Patronage and the Economic Life of the Artist in Eighteenth Century Yangchow Painting. University of California, Berkeley
↑ Rogers, Howard; Lee, Sherman E. (1988). Masterworks of Ming and Qing Painting from the Forbidden City. International Arts Council. ISBN 978-0-9621061-2-5
↑ Lee, Lily Xiao Hong; Lau, Clara; Stefanowska, A. D. (2015-07-17). Biographical Dictionary of Chinese Women: v. 1: The Qing Period, 1644-1911. Routledge. ISBN 978-1-317-47588-0
↑ Lee, De-Nin D. (2017). More Than Mere Diversion: Painting and Tihuashi in the Life of Luo Qilan. Archives of Asian Art. পৃ. 61–82

সম্পৰ্কিত শ্ৰেণী

চীনা মহিলা কবি

উৎস আৰু অনুজ্ঞাপত্ৰ

উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ফাং ৱানয়ি” প্ৰবন্ধৰ সংশোধন ৫৯১১৫৩ (২০ মাৰ্চ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।