নিন ডুয়ং লান ঙক

নিন ডুয়ং লান ঙক^১২ (জন্ম: ৪ এপ্ৰিল ১৯৯০) আধুনিক প্ৰজন্মৰ অন্যতম শ্ৰেষ্ঠ ভিয়েটনামী অভিনেত্ৰী। যিয়ে দ্য ফ্লটিং লাইভছত মুখ্য চৰিত্ৰত অভিনয় কৰি জনপ্ৰিয়তা লাভ কৰে, যাৰ বাবে তেওঁ ২০১০ চনৰ কাইট বঁটাত শ্ৰেষ্ঠ মুখ্য অভিনেত্ৰীৰ বঁটা লাভ কৰে।^৩

প্ৰাথমিক জীৱন

ঙকে ১৯৯০ চনৰ ৪ এপ্ৰিলত ভিয়েটনামৰ হো চি মিন চহৰত জন্মগ্ৰহণ কৰিছিল। তেওঁ হো চি মিন চিটি কলেজ অৱ ষ্টেজ পাৰফৰ্মেন্স এণ্ড চিনেমেটিক্সৰপৰা স্নাতক ডিগ্ৰী লাভ কৰে।

কেৰিয়াৰ

২০০৯ চনৰপৰা লান ঙকে মিউজিক ভিডিঅ’ আৰু বিজ্ঞাপন ভিডিঅ’ত কেইটামান সৰু সৰু ভূমিকা ল’বলৈ আৰম্ভ কৰে। ২০১০ চনত তেওঁ দ্য ফ্লটিং লাইভছত নুয়ঙৰ চৰিত্ৰত অভিনয় কৰে। এই ভূমিকাই তেওঁক ২০১০ চনৰ গোল্ডেন কাইট বঁটাত শ্ৰেষ্ঠ মুখ্য অভিনেত্ৰীৰ বঁটা^৪ আৰু ২০সংখ্যক গোল্ডেন ৰুষ্টাৰ বঁটাত বিদেশী ছবিৰ প্ৰিয় অভিনেত্ৰী বঁটা লাভ কৰাত সহায় কৰে।^৫

তাৰ পিছৰ বছৰবোৰত লান ঙকে দ্য টেইলাৰ, টাম কেম: দ্য আনটল্ড ষ্ট'ৰী, আৰু দ্য ৰয়েল ব্ৰাইড আদি হিট ছবিত অভিনয় কৰে। ২০১৬ চনত জেকপটত অভিনয় কৰি তেওঁ দ্বিতীয়বাৰৰ বাবে গোল্ডেন কাইট বঁটাত শ্ৰেষ্ঠ মুখ্য অভিনেত্ৰীৰ বঁটা লাভ কৰে।^৬

অভিনয়ৰ উপৰি তেওঁ আন বহুতো মনোৰঞ্জনমূলক কাৰ্যত অংশ গ্ৰহণ কৰে। ২০১৫ চনত তেওঁ ভিয়েটনামী সংস্কৰণ Bước nhảy hoàn vũৰ ষষ্ঠ ছিজনৰ বিজয়ী হয়।^৭৮

২০২৩ চনত তেওঁ VTV3-ৰ ৰিয়েলিটি কণ্ঠশিল্পী অনুষ্ঠান, ভিয়েটনামী সংস্কৰণ Sisters Who Make Wavesত অংশগ্ৰহণ কৰে আৰু সফলতাৰে চূড়ান্ত সাতজনীয়া লাইনআপত স্থান লাভ কৰে।^৯১০

২০২৪ চনৰ ৪ এপ্ৰিলত তেওঁ ছোৱালী গোট LUNAS-ৰ সদস্য হয়।^১১১২