নাহু সেনয় গিৰ্মা

নাহু সেনই গিৰ্মা (Nahu Senay Girma) এগৰাকী ইথিঅ'পিয়াৰ মহিলা অধিকাৰ কৰ্মী। ২০১০ চনৰ এপ্ৰিল মাহত মহিলাসকলক নেতৃত্বৰ ভূমিকাত প্ৰশিক্ষণ দিবলৈ স্থাপিত বেচৰকাৰী সংস্থা এছ’চিয়েশ্যন অৱ উইমেন ইন বল্ডনেছ (AWiB)ৰ তেওঁ সহ-প্ৰতিষ্ঠাপক৷ কাৰ্যবাহী সঞ্চালিকা হিচাপে কেইবাটাও দাতব্য সংস্থা স্থাপন কৰিছে।

কৰ্মজীৱন

নাহু সেনায় গিৰ্মাৰ জন্ম মেকেলেত হৈছিল। ৩৪ বছৰ বয়সত মৃত্যু হোৱা তেওঁৰ পিতৃয়ে তেওঁক পৰম্পৰাগতভাৱে পুৰুষসুলভ নাম দিছিল যাৰ অনুবাদ হৈছে "এতিয়া ভাল কিবা এটা হৈছে", কাৰণ তেওঁ কন্যা সন্তান পাই ইমানেই আনন্দিত হৈছিল।^১তেওঁৰ তিনিজন ভাই-ভনী আছিল, ইয়াৰে দুজন ডেৰ্গ শাসনৰ কাৰ্য্যৰ বলি হৈছিল। গিৰ্মাই ৭ বছৰ বয়সলৈকে আদিছ আবাবাত পৈতৃক আইতাকৰ সৈতে বাস কৰিছিল আৰু তাৰ পিছত সম্পূৰ্ণ ছোৱালীৰ বৰ্ডিং স্কুলত পঢ়িছিল। ইথিঅ'পিয়ালৈ উভতি অহাৰ আগতে তেওঁ কানাডা, আমেৰিকা আৰু ইটালীত বিদেশত কাম কৰিছিল।^১

গিৰমাই পৰিচালনা পৰামৰ্শদাতা হিচাপে কাম কৰে।^১ তেখেতৰ কমিচনসমূহৰ ভিতৰত আই বি এম, চাইণ্টিফিক আটলাণ্টা, ডেল্টা এয়াৰ লাইনছ, আৰু বেলচাউথৰ বাবে ক্ৰছ-কলচাৰেল ৱৰ্কিঙৰ ওপৰত প্ৰশিক্ষণ আলোচনা চক্ৰ অন্তৰ্ভুক্ত কৰা হৈছে। ইয়াৰ উপৰি তেওঁ আমেৰিকা চৰকাৰৰ বাবে দল গঠনৰ পাঠ্যক্ৰম আৰু আফ্ৰিকাৰ বাবে ৰাষ্ট্ৰসংঘৰ অৰ্থনৈতিক আয়োগ আৰু ইথিঅ'পিয়ান বিমান সংস্থাৰ বাবে প্ৰশিক্ষণ কাৰ্যসূচী প্ৰস্তুত কৰিছে।^২

গিৰমা আফ্ৰিকান উইমেন ইন বিজনেছৰ সহ-প্ৰতিষ্ঠাপক (ৰোমান কিফ্লেৰ সৈতে) আৰু কাৰ্যবাহী সঞ্চালক, যিটো ২০১০ চনৰ এপ্ৰিল মাহত মহিলাসকলক তেওঁলোকৰ সম্প্ৰদায়ত নেত্ৰী হ'বলৈ প্ৰশিক্ষণ দিবলৈ স্থাপিত কৰা এটা বেচৰকাৰী সংস্থা।^৩৪৫ সংস্থাটোৱে মহিলাসকলক উদ্যোগী হিচাপে গঢ়ি তুলিবলৈ অনলাইন মঞ্চ আৰু ই-লাৰ্নিং পাঠ্যক্ৰম আয়োজন কৰে।^৫ ২০১৪ চনৰ মাৰ্চ মাহত তেওঁ ৰাষ্ট্ৰসংঘৰ যোগাযোগ গোট আৰু আদিছ আবাবা বিশ্ববিদ্যালয়ে আয়োজন কৰা নেতৃত্ব আৰু উন্নয়নত মহিলাৰ ভূমিকা সম্পৰ্কে যুৱক-যুৱতীসকলৰ সৈতে আলোচনাৰ মডাৰেটৰ আছিল।.^৬