ড’ৰা কামিনস্কি

ড’ৰা ডেব’ৰা কামিনস্কি (জন্ম: ১৯০৯– মৃত্যু: ১৯৭৭) এগৰাকী আমেৰিকান শিল্পী আছিল।^১২

প্ৰাথমিক জীৱন আৰু শিক্ষা

১৯০৯ চনত নিউয়ৰ্ক চহৰত ড’ৰা ডেব’ৰা কামিনস্কিৰ জন্ম হৈছিল।^১ সৰুতে তেওঁ দ্য এডুকেচনেল এলায়েন্সত পঢ়িছিল, তাৰ পিছত নিউয়ৰ্কৰ আৰ্ট ষ্টুডেণ্টছ লীগত পঢ়িছিল। ১৯৩০ চনত ভিয়েনা, পেৰিছ, ষ্টুটগাৰ্ট, মিউনিখকে ধৰি ইউৰোপত অধ্যয়ন কৰিবলৈ আগবাঢ়ি যায়। শিল্পীৰ মডেল হিচাপে তেওঁ ধন ঘটিবলৈ লয়।^৩

মধ্যজীৱন

কামিনস্কিয়ে ব্ৰুকলিন সংগ্ৰহালয়ত শিক্ষক গোটৰ অংশ হিচাপে তিনি বছৰ কাম কৰিছিল। ১৯৪৩ চনত তেওঁ নেচনেল চেৰিগ্ৰাফ ছ'চাইটি গঠন কৰা চাৰ্টাৰ সদস্যসকলৰ ভিতৰত অন্যতম আছিল আৰু ১৩ বছৰ ধৰি সদস্য হৈ আছিল।^৪ ১৯৪৪ চনত কামিনস্কিয়ে প্ৰথমবাৰৰ বাবে নিউ মেক্সিকোৰ টাওছ ভ্ৰমণ কৰিছিল আৰু ১৯৫৪ চনত তাত বসতি স্থাপন কৰাৰ আগতে প্ৰতিটো আন গ্ৰীষ্মকাল কটায়। গ্ৰীচৰ ডেলফিতো তেওঁৰ ঘৰ আছিল। তেওঁ হাৱাইত কিছুসময়ৰ বাবে কাম কৰিছিল।^৩ ১৯৪৭ আৰু ১৯৫১ চনত নেচনেল চেৰিগ্ৰাফ ছ'চাইটিৰ ডালাছ মিউজিয়াম অৱ ফাইন আৰ্টছ প্ৰদৰ্শনীত কামিনস্কিক অন্তৰ্ভুক্ত কৰা হৈছিল।^৫৬

১৯৫৮ চনত কামিনস্কিয়ে সহযোগী টাওছ শিল্পী লিঅ’ন গাছপাৰ্ডৰ সৈতে বিবাহপাশত আবদ্ধ হয়। ১৯৬৪ চনত তেওঁৰ মৃত্যুৰ পাছত তেওঁ পশ্চিম টেক্সাছ সংগ্ৰহালয় আৰু নিউ মেক্সিকো মিউজিয়াম অৱ আৰ্টত অনুষ্ঠিত হোৱা তেওঁৰ কৰ্মৰাজিৰ পুৰ্বদৃষ্টিসম্পন্ন প্ৰদৰ্শনীৰ কিউৰেটৰ হিচাপে কাম কৰিছিল। ১৯৭২ চনৰপৰা ১৯৭৩ চনলৈকে তেওঁ আফ্ৰিকা আৰু ভাৰত ভ্ৰমণ কৰে।^৩

তেওঁ চেৰিগ্ৰাফ প্ৰিণ্টিং, পেষ্টেল ড্ৰয়িং আৰু পেইণ্টিঙৰ কাম কৰিছিল।^৩ তেওঁৰ চেৰিগ্ৰাফসমূহ মেম্ফিছ একাডেমী অৱ আৰ্টছ, বাল্টিমোৰ মিউজিয়াম আৰু মেট্ৰ'পলিটান মিউজিয়ামৰ দৰে সংগ্ৰহত প্ৰকাশ পাইছে।^৭

পিছৰ জীৱন আৰু উত্তৰাধিকাৰ

তেওঁৰ বঁটাসমূহৰ ভিতৰত ১৯৪০ চনত ৰাষ্ট্ৰীয় কোষাগাৰ প্ৰতিযোগিতা ক্ৰয় বঁটা, ১৯৪১ চনত মেট্ৰ'পলিটান মিউজিয়াম ক্ৰয় বঁটা^৮ আৰু চাণ্টা ফে আৰ্ট মিউজিয়ামৰপৰা চেৰিগ্ৰাফত শীৰ্ষ ক্ৰয় বঁটা।^৯ ১৯৫৬ আৰু ১৯৫৭ চনৰ বাবে তেওঁ ৱুৰলিটজাৰ ফাউণ্ডেশ্যনৰ অনুদান লাভ কৰে।^১০

১৯৭৭ চনত তেওঁৰ মৃত্যু হয়।^১

তেওঁৰ উল্লেখযোগ্য সংগ্ৰহ হ’ল, দ্য এবেণ্ডনড স্লুইচ, ৱাটাৰকালাৰ, স্মিথছ'নিয়ান আমেৰিকান আৰ্ট মিউজিয়াম, ৱাশ্বিংটন, ডি.চি.^১১