ডোৰা চেটাৰ্জী

ডোৰা চেটাৰ্জী ( Dora Chatterjee) হ'ল পেনচিলভেনিয়াৰ মহিলা চিকিৎসা মহাবিদ্যালয়ৰ পৰা স্নাতক হোৱা তৃতীয়গৰাকী ভাৰতীয় মহিলা আৰু পঞ্জাৱৰ পৰা চিকিৎসা বিজ্ঞানৰ ডিগ্ৰী লাভ কৰা প্ৰথমগৰাকী মহিলা।^১২৩৪ তেওঁ হোছিয়াৰপুৰত ডেনি হস্পিতাল ফৰ উইমেন এণ্ড চিলড্ৰেন প্ৰতিষ্ঠা কৰে।^১

জীৱনী

"হিন্দু ৰাজকুমাৰৰ কন্যা" বুলি অভিহিত হোৱা চেটাৰ্জী আচলতে ভাৰতৰ পঞ্জাৱত জন্মগ্ৰহণ কৰা এক বিশিষ্ট বাঙালী খ্ৰীষ্টান মিছনেৰী পৰিয়ালৰ কন্যা আছিল। তেওঁৰ পিতৃ আছিল কালি চৰণ চেটাৰ্জী, এজন খ্ৰীষ্টান ধৰ্মান্তৰিত আৰু বিখ্যাত প্ৰেছবিটেৰিয়ান মিছনেৰী; তেওঁৰ মাতৃ মেৰী চেটাৰ্জী আৰু তেওঁৰ মাতৃৰ ফালৰ পৰা দাদা ৰেভাৰেণ্ড গোলকনাথো খ্ৰীষ্টান মিছনৰ কামত সক্ৰিয় আছিল।^৫৬ শিশু অৱস্থাত তেওঁ পিতৃ-মাতৃৰ সৈতে ১৮৮৭ চনত নিউয়ৰ্কত অনুষ্ঠিত হোৱা আন্তঃৰাষ্ট্ৰীয় মিছন সভালৈ গৈছিল।^৫৭

পাঁচজন ভাই-ভনীৰ ভিতৰত আটাইতকৈ সৰু ডোৰা চেটাৰ্জীয়ে ১৯ শতিকাৰ শেষৰ ফালে চিকিৎসা বিজ্ঞানৰ অধ্যয়নৰ বাবে আমেৰিকালৈ উভতি আহে। ১৯০১ চনত ফিলাডেলফিয়াৰ উইমেন মেডিকেল কলেজ অৱ পেনচিলভেনিয়াৰ পৰা বৰ্তমানৰ ড্ৰেক্সেল ইউনিভাৰ্চিটি কলেজ অৱ মেডিচিনৰ পৰা স্নাতক ডিগ্ৰী লাভ কৰি বিদ্যালয়খনৰ পৰা স্নাতক হোৱা তৃতীয়গৰাকী ভাৰতীয় মহিলা আৰু পঞ্জাৱৰ পৰা চিকিৎসা বিজ্ঞানৰ ডিগ্ৰী লাভ কৰা প্ৰথমগৰাকী মহিলা হিচাপে পৰিগণিত হয়।^১২ বিদ্যালয়ৰ প্ৰথমগৰাকী ভাৰতীয় স্নাতক আছিল আনন্দিবাই যোশী, যি আমেৰিকাৰ চিকিৎসা বিদ্যালয়ত পঢ়া প্ৰথমগৰাকী ভাৰতীয় মহিলা আছিল। দ্বিতীয়জন আছিল গুৰুবাই কৰ্মৰকাৰ ^১২ চেটাৰ্জীক সমগ্ৰ আমেৰিকা যুক্তৰাষ্ট্ৰৰ বাতৰি কাকতত "স্নাতক শ্ৰেণীৰ মুখ্য আগ্ৰহ" হিচাপে বৰ্ণনা কৰা হৈছিল, কেতিয়াবা সেই পাৰ্থক্যটো ৰাছিয়ান স্নাতক ওলগা পোভিট্জকিৰ সৈতে ভাগ বতৰা কৰিছিল।^৮৯

চেটাৰ্জীয়ে ভাৰতলৈ উভতি আহি হোছিয়াৰপুৰত মহিলা আৰু শিশুৰ বাবে ডেনি হাস্পতাল স্থাপন কৰে।^১ তেওঁ উত্তৰ-পশ্চিম সীমান্ত প্ৰদেশত বাস কৰা চৰকাৰী চাকৰিয়াল ৰাই চাহাব মংঘাট ৰাইৰ সৈতে বিবাহপাশত আৱদ্ধ হয়।^৫ তেওঁলোকৰ দুগৰাকী কন্যা হ'ল প্ৰিয়বালা আৰু লীনা শ্বিলাৰানী আৰু দুজন পুত্ৰ ক্ৰমে‍ এডৱাৰ্ড নিৰ্মল মংগত ৰায় আৰু চাৰ্লছ ৰাজিন্দৰ মংগত ৰাই।