জয় ইছি বেৱাজী

জয় ইছি বেৱাজী (Joy Isi Bewaji; জন্ম: ৮ জুন, ১৯৭৭) এগৰাকী নাইজেৰিয়ান ৰচনাকাৰ, চিত্ৰনাট্যকাৰ, নাট্যকাৰ, নতুন সংবাদ মাধ্যমৰ উদ্যোগী আৰু সামাজিক পৰিক্ৰমা কৰ্মী। তেওঁৰ লেখা আৰু নাটকসমূহ সাংস্কৃতিক অনুপযুক্ততা আৰু ধৰ্মীয় বিজুতিৰ ওপৰত কেন্দ্ৰিত হৈ আহিছে। তেওঁ নাৰীবাদী বুলি পৰিচয় দিয়ে, ৰাজহুৱা বিষয়ত তেওঁৰ দৃষ্টিভংগীয়ে তেওঁক সংবাদ মাধ্যমে "আধুনিক নিৰ্ভীক নাৰীবাদী" বুলি অভিহিত কৰিবলৈ বাধ্য কৰাইছে।

বেৱাজীয়ে কাংকন বডাগ্ৰীৰ লাগোছ ষ্টেট মডেল কলেজত হাইস্কুলীয়া শিক্ষা লাভ কৰিছিল। ইবাদানৰ দ্য পলিটেকনিকত গণ যোগাযোগ বিষয়ত তেওঁ অধ্যয়ন কৰিছিল। তাৰ পিছত তেওঁ সংবাদ মাধ্যমত কেৰিয়াৰ গঢ়িবলৈ লয়।^১

তেওঁৰ বিবাহ বিচ্ছেদ হৈছে। ২০১৬ চনৰ এটা সাক্ষাৎকাৰত তেওঁ কৈছিল যে "তেওঁ অকলে ভাল কাম কৰে"।^২

বেৱাজী হেপেনিংছ ৰেডিঅ’ৰ পৰিচালন সঞ্চালক আছিল আৰু হেপেনিংছ আলোচনীৰ সম্পাদক আছিল। ইয়াৰ পূৰ্বে তেওঁ জেনেভিভ আলোচনীৰ পৰিচালন সম্পাদক আছিল। নাইজেৰিয়াৰ সমাজত নাৰীবাদ, যৌনতাবাদ আৰু নাৰীবিদ্বেষক কেন্দ্ৰ কৰি গঢ় লৈ উঠা দ্য কনভাৰ্চেচনৰ প্ৰৱৰ্তক। ২০১৬ চনত তেওঁ ছোৱালী-শিশুৰ আশে-পাশে থকা বিষয়সমূহৰ ওপৰত ৰাষ্ট্ৰসংঘক সম্বোধন কৰে।^২৩ বেৱাজী নাইজেৰিয়ানসকলৰ মাজত ধৰ্মীয় পদ্ধতিৰ জনপ্ৰিয়তাৰ সমালোচক৷ তেওঁ শেষ ফলাফলক "দুৰ্বল, আত্মকেন্দ্ৰিক আৰু স্পষ্টভাৱে মোহময়ী" নাগৰিকৰ সৃষ্টি বুলি বৰ্ণনা কৰিছে। তেওঁ আৰু আগবাঢ়ি গৈ ধৰ্ম যে কাল্পনিক পৰিৱেশত সাময়িক সন্তুষ্টি প্ৰদানৰ এক মাত্ৰ আহিলা বুলি সমৰ্থন কৰিছিল। তেওঁৰ এই মন্তব্যক বহুতে সমালোচনা কৰিছিল, য'ত ৱাইনাইজাৰ মাৰ্ক এন্থনী অছুচুকুৱেও কৈছিল যে তেওঁ নিজৰ ব্যৱসায়ত গুৰুত্ব দিব লাগে৷ তেওঁ হেলেলুজা চেলেঞ্জ বনাম জয় ইছি বেৱাজি চেলেঞ্জ শীৰ্ষক এটা প্ৰবন্ধত এই বিষয়ে আলোকপাত কৰিছিল।^৪৫৬