ছুৱী লে থেইন

ছুই লে থেইন হৈছে মালয়েছিয়াৰ এগৰাকী ৰক্ত বিশেষজ্ঞ আৰু চিকিৎসক-বিজ্ঞানী যি “নেশ্যনেল ইনষ্টিটিউট অৱ হেল্থ’’ৰ জ্যেষ্ঠ তদন্তকাৰী। ছিকেল চেল ৰোগ আৰু থেলাছেমিয়াকে ধৰি হিম’গ্লবিন বিকাৰৰ পেথ’ফিজিঅ’লজীত তেওঁ কাম কৰে

প্ৰাৰম্ভিক জীৱন আৰু শিক্ষা

থেইনৰ জন্ম হৈছিল মালয়েছিয়াৰ কুৱালালামপুৰত।^১ তেওঁ মালয়েছিয়া আৰু আমেৰিকাত চিকিৎসা শাস্ত্ৰ অধ্যয়ন কৰিছিল।^২ ১৯৭৬ চনত মালয় বিশ্ববিদ্যালয়ৰ পৰা স্নাতক ডিগ্ৰী লাভ কৰে।^৩ ৰয়েল পোষ্টগ্ৰেজুৱেট মেডিকেল স্কুল আৰু ৰয়েল ফ্ৰী হস্পিতালত ৰক্তবিজ্ঞানত বিশেষজ্ঞতা লাভ কৰিছিল।

অক্সফৰ্ডলৈ গুচি যায় আৰু ৱেদাৰল ইনষ্টিটিউট অৱ মলিকুলাৰ মেডিচিন আৰু জন ৰেডক্লিফ হাস্পতালত মেডিকেল ৰিচাৰ্চ কাউন্সিল (এম আৰ চি) মলিকুলাৰ হেমেট’লজী ইউনিটত কাম কৰে।

তেওঁ অক্সফৰ্ডত এম আৰ চি ক্লিনিকেল ট্ৰেইনিং পদ, ৱেলকাম ট্ৰাষ্টৰ জ্যেষ্ঠ ফেল’শ্বিপ আৰু সন্মানীয় পৰামৰ্শদাতাকে ধৰি বিভিন্ন পদবীত কাৰ্যনিৰ্বাহ কৰিছিল।^১

গৱেষণা আৰু কেৰিয়াৰ

২০০০ চনত থেইনে কিংছ কলেজ লণ্ডনত আণৱিক ৰক্তবিজ্ঞানৰ অধ্যাপক হিচাপে যোগদান কৰে। কিংছ কলেজ হাস্পতালৰ ৰেড ব্লাড চেল ক্লিনিকৰ ক্লিনিকেল ডাইৰেক্টৰ নিযুক্তি দিয়া হয়। তেওঁৰ কামত হিম’গ্লবিন বিকাৰৰ পেথ’ফিজিঅ’লজী বিবেচনা কৰা হৈছে; যিবোৰৰ ভিতৰত চিকেল চেল ৰোগ আৰু থেলাছেমিয়া আদি অন্তৰ্ভুক্ত। ছিকেল চেল ৰোগ আৰু থেলাছেমিয়াৰ একমাত্ৰ নিৰাময় হ’ল হাড়ৰ মজ্জা সংৰোপণ, কিন্তু এইবোৰ সদায় উপলব্ধ নহয়। দুয়োটা অৱস্থাই বিভিন্ন ধৰণৰ ক্লিনিকেল গুৰুত্বৰ সৈতে দেখা দিব পাৰে যদিও এটা প্ৰতিকাৰকাৰী কাৰক হ’ল ভ্ৰুণৰ হিম’গ্লবিন (HbF) উৎপাদন কৰাৰ ক্ষমতা। ভ্ৰুণৰ হিম’গ্লবিন হৈছে ভ্ৰুণৰ জীৱনকালত আৰু শিশুৰ ছমাহ বয়সলৈকে অক্সিজেন পৰিবহণ কৰা হিম'গ্লবিন।^৪ ভ্ৰুণৰ হিম’গ্লবিন গঠনৰ বাবে দায়ী ব্যৱস্থাৰ বিষয়ে তেওঁ অধ্যয়ন কৰিছে।

তেওঁ প্ৰমাণ কৰিলে যে HbF ৰ মাত্ৰা প্ৰধানকৈ জিনীয় বিজ্ঞানৰ দ্বাৰা নিয়ন্ত্ৰিত হয় আৰু জিনীয় তাৰতম্যৰ অধিকাংশই গ্ল'বিন লোকাছৰ বাহিৰৰ কাৰকৰ দ্বাৰা হিচাপ কৰা হয়।^৫ এই HbF পৰিৱৰ্তনশীলতাৰ বাবে পৰিমাণগত বৈশিষ্ট্যৰ স্থান (QTL) দুটা চিনাক্ত কৰিবলৈ তেওঁলোকে লিংকেজ বিশ্লেষণ ব্যৱহাৰ কৰিছিল। এই ল’চিবোৰ নিয়ন্ত্ৰণ ৰক্তসৃষ্টি আৰু HbF উৎপাদনৰ সৈতে জড়িত। ল’চিবোৰ ৬q আৰু ২p ক্ৰম’জমত অৱস্থিত যিবোৰ BCL11A জিনৰ ভিতৰত অৱস্থিত। বিচিএল১১এ কেন্সাৰৰ সৈতে জড়িত বুলি জনা গৈছিল যদিও থেইনে প্ৰথমে দেখুৱাইছিল যে বিচিএল১১এ ৰক্তকণিকাৰ বিকাৰৰ সৈতে জড়িত।^৬ 6q QTL ত MYB আৰু HBS1L ৰ মাজৰ এটা আন্তঃজেনিক অঞ্চলত তিনিটা লিংকেজ অসন্তুলন ব্লকত বিতৰণ কৰা একক-নিউক্লিঅ'টাইড বহুৰূপতা থাকে।^১ থাইনে দেখুৱাইছে যে এই ব্যৱধানত নিয়ন্ত্ৰণমূলক ক্ৰম থাকে। তাই অনুসন্ধান কৰিছে যে QTL এ MYB আৰু HBS1L ৰ প্ৰকাশ কেনেকৈ নিয়ন্ত্ৰণ কৰে।^১ এই দুটা QTL (6q আৰু 2p), আৰু HBB ক্লাষ্টাৰত থকা একক-নিউক্লিঅ'টাইড বহুৰূপতাই HbFৰ মাত্ৰাৰ প্ৰায় আধা পৰিৱৰ্তন ঘটায়।^১ তেওঁ প্ৰতিষ্ঠা কৰিছিল যে এই দুটা ভিন্নতা আফ্ৰিকাৰ পৰা প্ৰায় সকলো মানৱ জনসংখ্যালৈ বিয়পি পৰিছে।^৭

প্ৰাপ্তবয়স্কৰ ভ্ৰুণৰ হিম’গ্লবিন নিয়ন্ত্ৰণৰ জেনেটিক্স চিত্ৰিত কৰি তাই প্ৰাপ্তবয়স্কৰ বৈশিষ্ট্যৰ ভিন্নতাক ব্যাখ্যা কৰাৰ লগতে ভিন্নতাৰ ল’চি আৰু ক্ৰম চিনাক্ত কৰাৰ আশা কৰিছে।তেওঁৰ মতে এইচ বি এফ কিউ টি এল চিনাক্ত কৰি তেওঁ নতুন চিকিৎসা পদ্ধতি, অধিক অত্যাধুনিক জিনীয় পৰামৰ্শ আৰু ৰোগৰ তীব্ৰতাৰ উন্নত ভৱিষ্যদ্বাণীৰ জৰিয়তে ৰোগীৰ ব্যৱস্থাপনা উন্নত কৰিবলৈ সক্ষম হ’ব। এই চিকিৎসা পদ্ধতিসমূহৰ ভিতৰত BCL11A জিন সক্ৰিয় কৰাৰ পদ্ধতি থাকিব পাৰে।^৬ জিন প্ৰকাৰ আৰু ফেন'টাইপৰ মাজৰ সম্পৰ্ক বিচাৰি উলিয়াবলৈ চেষ্টা কৰি থেইনে হিম'গ্ল'বিনোপেথীত ডি এন এ নিদানত সহায় কৰিছে।^১

ৰক্তকণিকাৰ ভিতৰত কঠিন ডাল গঠন হোৱাৰ বাবেই ছিকেল চেল ৰোগ হয়, যাৰ ফলত ইহঁতৰ গঠন ধ্বংস হয় আৰু ফলত ছিকেল চেল আকৃতিৰ সৃষ্টি হয়।

থেইনে এই পলিমাৰাইজেচনৰ বিৰুদ্ধে কাম কৰিব পৰা চিকিৎসামূলক এজেণ্টৰ ওপৰত কাম কৰি আছে, কোষৰ আকৃতি সলনি হোৱা বন্ধ কৰি দিব পাৰে।^৬ থেইনে ইউৰোপীয় ৰক্তবিজ্ঞান সংস্থাৰ ৰক্তকণিকাৰ ওপৰত কৰ্মগোটৰ অধ্যক্ষ হিচাপে কাৰ্যনিৰ্বাহ কৰি আহিছে।^৮ ৰক্তবিজ্ঞানৰ ওপৰত তেওঁলোকৰ কাৰ্যসূচীৰ পাঠদানৰ সৈতে তেওঁ জড়িত হৈ আছে।^৮

২০১৫ চনত তেওঁ নেচনেল ইনষ্টিটিউট অৱ হেল্থলৈ জ্যেষ্ঠ অনুসন্ধানকাৰী আৰু নতুন এন আই এইচ চিকেল চেল শাখাৰ মুৰব্বী হিচাপে স্থানান্তৰিত হয়।^৯

সন্মান

• ৰয়েল কলেজ পেথ’লোজীৰ নিৰ্বাচিত ফেলো ২০০১^১০
• ৰয়েল কলেজ অফ ফিজিচিয়ানৰ নিৰ্বাচিত ফেলো ২০০১^১১
• একাডেমী অফ মেডিকেল চায়েন্সৰ নিৰ্বাচিত ফেলো ২০০৩ ^১২
• চীন আৰু আমেৰিকাৰ একাডামী অফ লাইফ চায়েন্স নিৰ্বাচিত ফেলো ^১৩
• শ্ব প্ৰাইজ অফ মেডিচিন ২০২৪ 2024
• ৰয়েল ছ’চাইটিৰ নিৰ্বাচিত ফেলো ২০২৫ ^১৪