গ্লিলা (বস্ত্ৰ)

গ্লিলা হৈছে আলজেৰিয়াত প্ৰচলিত এটা পৰম্পৰাগত আলজেৰিয়ান জেকেট, ই মুগা বা ব্ৰকেড নিৰ্মিত ট্ৰেপেজ’ইডাল জেকেট যাৰ গভীৰ অণ্ডাকাৰ নেকলাইন, সজ্জাগত বুটাম আৰু বিশেষকৈ সোণালী সূতাৰে কৰা এম্ব্ৰয়ডাৰীৰে সমৃদ্ধ।

ডিয়েগো ডি হাইডোৱে ১৫৭৮ চনৰপৰা ১৫৮১ চনলৈকে আলজিয়াৰ্ছত থকা সময়ছোৱাত গ্লিলা নামৰ পোছাকবিধৰ ওপৰত তেওঁৰ পৰ্যবেক্ষণসমূহ প্ৰথম লিপিবদ্ধ কৰিছিল। ডিয়েগো ডি হাইডোৱে ডাঙৰ ডাঙৰ ব্লাউজ আৰু দীঘল কছাক পিন্ধা মহিলাৰ বৰ্ণনা দিছিল যিবোৰক তেওঁ “গোলেইলা” (ঘ্লিলা) বুলি চিনাক্ত কৰিছিল। ডি হাইডোৱে ঘ্লিলাক মুগা, চেটিন বা ডামাস্কৰপৰা নিৰ্মিত বুলি বৰ্ণনা কৰিছে, ৰূপালী বা সোণৰ বুটামেৰে সুৰক্ষিত কৰা বহল নেকলাইন আৰু মাজত দীঘলীয়াকৈ থাকে।

১৯ শতিকাৰ আৰম্ভণিতে আলজেৰিয়ানসকলে চুটি হাতৰ আঁচল, এটা বুটাম আৰু সোণৰ সূতাৰে গঠিত নিতম্বৰ উচ্চতাত থকা ঘ্লিলা পিন্ধিছিল। ঘ্লিলা ড্জাবাডুলি হৈছে দীঘল হাতৰ ঘ্লিলা আৰু ইয়াক পুৰুষেও পিন্ধে।^১

গ্লিলা আলজেৰিয়াৰ ফেশ্বনৰ পিছৰ স্তৰৰ বিকাশৰ উৎস আছিল কাৰণ ইয়াৰপৰাই কাৰাকৌৰ লগতে আলজিয়াৰ্ছৰ কাফটানো সৃষ্টি হৈছিল।^২

ফ্ৰিমলা হৈছে ১৯ শতিকাৰ ভিতৰত উৎপত্তি হোৱা এটা হাতৰ অংশ নথকা এক ভিন্ন সাজ। ফ্ৰান্সৰ উপস্থিতিৰ পূৰ্বে আলজেৰিয়াত ইয়াৰ বিকাশ হোৱা বুলি কোৱা হয়। বুকুৰ পৰা তললৈ ওলমি থকা ফ্ৰিমলাত সোণৰ সূতা আৰু ডাঙৰ পেচমেণ্টেৰী বুটাম থাকে।^৩৪