ক্ৰিষ্টেন ষ্টালকনেক্ট (ইংৰাজী ভাষা: Kirsten Stallknecht; জন্ম: ১৯৩৭ – ৪ মে' ২০২১)১ এগৰাকী ডেনিছ নাৰ্ছ আছিল যিয়ে আন্তঃৰাষ্ট্ৰীয় নাৰ্ছ পৰিষদৰ সভাপতি হিচাপে কাৰ্যনিৰ্বাহ কৰিছিল। তেওঁ ২০১৩ চনত আই চি এনৰ পৰা খ্ৰীষ্টিয়ান ৰেইমেন বঁটা লাভ কৰিছিল। ষ্টালকনেক্টক অৰ্ডাৰ অৱ দ্য ডেনব্ৰগৰ নাইট আৰু প্ৰথম ডিগ্ৰীৰ নাইট হিচাপে সন্মানিত কৰা হৈছিল। তেওঁৰ নামত প্ৰদান কৰা এটা বঁটাই বাক-স্বাধীনতাৰ সৈতে জড়িত নাৰ্ছসকলক পুৰস্কৃত কৰে।
প্ৰাৰম্ভিক জীৱন আৰু শিক্ষা
কোপেনহেগেনৰ বাসিন্দা ষ্টালকনেক্টৰ জন্ম হৈছিল ১৯৩৭ চনত আৰু তেওঁ হুচুম স্কুলত শিক্ষা লাভ কৰিছিল। তেওঁ আৰম্ভণিতে চুইজাৰলেণ্ডত এগৰাকী নেনি হিচাপে কাম কৰিছিল।২ তেওঁ ১৯৫৬ চনত হোলবেকত নাৰ্ছিং শিক্ষা আৰম্ভ কৰে আৰু তাৰ পিছত ১৯৬০ চনত ৰিগচ হস্পিটেলৰ পৰা এগৰাকী নাৰ্ছ হিচাপে অৰ্হতা অৰ্জন কৰে।১ ১৯৬৫ চনত তেওঁ আৰহাছ বিশ্ববিদ্যালয়ৰ ডেনিছ কলেজ অৱ নাৰ্ছিঙত শিক্ষকতা আৰু ব্যৱস্থাপনা অধ্যয়ন কৰে।২
নাৰ্ছিং কেৰিয়াৰ
ষ্টালকনেক্টে ৰিগচ হস্পিটেলত কাম কৰিছিল আৰু ১৯৬৬ চনত ডেনিছ নাৰ্ছ অৰ্গেনাইজেচনৰ (ডি এছ আৰ) কাৰ্যবাহী সদস্য হিচাপে নিৰ্বাচিত হৈছিল। ১৯৬৭ চনত দীৰ্ঘদিন ধৰি নেতৃত্ব দি থকা মাৰিয়া মেডচেনৰ পদত্যাগৰ পিছত তেওঁ ইয়াৰ অধ্যক্ষ হয়। ষ্টালকনেক্ট ২৮ বছৰ ধৰি অধ্যক্ষ হৈ আছিল।২ নিজৰ কাৰ্যকালত তেওঁ পেছাদাৰী সংস্থাটোক নাৰ্ছসকলৰ ইউনিয়ন হিচাপে কাম কৰিবলৈ পুনৰ সংগঠিত কৰিছিল আৰু বিবাদৰ অধিকাৰ তথা নাৰ্ছ নিবনুৱা পুঁজিক চৰকাৰী স্বীকৃতি প্ৰদানৰ ক্ষেত্ৰত সফলতা লাভ কৰিছিল। ১৯৮০ চনত ষ্টালকনেক্টে ডেনিছ ইনষ্টিটিউট ফৰ হেল্থ এণ্ড নাৰ্ছিং ৰিচাৰ্চ প্ৰতিষ্ঠা কৰে।২ ষ্টালকনেক্টে ১৯৯৭ চনৰ পৰা ২০০১ চনলৈ আন্তঃৰাষ্ট্ৰীয় নাৰ্ছ পৰিষদৰ সভাপতি হিচাপে কাৰ্যনিৰ্বাহ কৰিছিল।৩৪
দীৰ্ঘদিনীয়া অসুস্থতাৰ অন্তত ৮৩ বছৰ বয়সত ২০২১ চনৰ ৪ মে’ত ষ্টালকনেক্টৰ মৃত্যু হয়।২৩৫
স্বীকৃতি
ষ্টালকনেক্টক আই চি এনৰ ফালৰ পৰা ২০১৩ চনৰ খ্ৰীষ্টিয়ান ৰেইমেন বঁটা প্ৰদান কৰা হয়।৬
ষ্টালকনেক্টক ১৯৯০ চনত অৰ্ডাৰ অৱ দ্য ডেনব্ৰগৰ নাইট আৰু ১৯৯৬ চনত প্ৰথম ডিগ্ৰীৰ নাইট সন্মানেৰে বিভূষিত কৰা হয়।২
২০০১ চনত ক্ৰিষ্টেন ষ্টালকনেক্ট বঁটা প্ৰতিষ্ঠা কৰা হয় যাতে নাৰ্ছিং, সাংবাদিকতা আৰু মত প্ৰকাশৰ স্বাধীনতাৰ মাজত এক সেতু গঢ়ি তুলিব পৰা যায়। এই বঁটাৰ উদ্দেশ্য হৈছে নাৰ্ছসকলক পৰিণামৰ ভয় নকৰাকৈ নিজৰ সাংবিধানিকভাৱে গেৰাণ্টিযুক্ত বাক-স্বাধীনতা ব্যৱহাৰ কৰিবলৈ উৎসাহিত কৰা।৭
তথ্যসূত্ৰ
- ↑ (2021-05-04). Sygeplejerskernes tidligere formand Kirsten Stallknecht er død. Politiken
- ↑ (2023-04-22). Kirsten Stallknecht, sygeplejerske · lex.dk. Dansk Kvindebiografisk Leksikon · Lex
- ↑ In Memoriam: ICN remembers former President Kirsten Stallknecht. ICN - International Council of Nurses
- ↑ Beth Houser; Kathy Player. (2007). Pivotal Moments in Nursing: Leaders Who Changed the Path of a Profession. Sigma Theta Tau. পৃ. 337–366. ISBN 978-1-930538-19-1
- ↑ (2021-05-05). The former President of the Danish Nurses’ Organization, Kirsten Stallknecht, has passed away. European Federation of Nurses Associations
- ↑ Christiane Reimann Prize. ICN - International Council of Nurses
- ↑ Kirsten Stallknecht Prisen: De nominerede er ... dsr.dk
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ক্ৰিষ্টেন ষ্টালকনেক্ট” প্ৰবন্ধৰ সংশোধন ৫৮৮০০৬ (১৪ মাৰ্চ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।