কোকেইন

কোকেইন বা কোক(Cocaine), হৈছে এক শক্তিশালী উদ্দীপক আৰু ইয়াক বিনোদনমূলক ঔষধ হিচাপে বেছিকৈ ব্যৱহাৰ কৰা হয়।^১ ইয়াক সাধাৰণতে ধোঁৱাৰ দৰে হিচাপে উশাহ লোৱা, বা গলিত অৱস্থাত বেজীৰ সহায়ত শিৰাত ভৰাই দিয়া হয়।^২ ইয়াৰ মানসিক প্ৰভাৱৰ ভিতৰত বাস্তৱিকতাৰ সৈতে সম্পৰ্ক হেৰুওৱাৰ লগতে সুখৰ এক তীব্ৰ অনুভূতি বা উত্তেজনা অন্তৰ্ভুক্ত হৈ আছে।^২ কোকেইন ব্যৱহাৰৰ ফলত হোৱা শাৰীৰিক লক্ষণসমূহৰ ভিতৰত দ্ৰুত হৃদস্পন্দন, ঘাম ওলোৱাৰ লগতে চকুৰ পিউপিলচৰ আকাৰ বৃহৎ হৈ পৰা দেখা যায়।^২ উচ্চ মাত্ৰাত সেৱনৰ ফলত অতি মাত্ৰাৰ উচ্চ ৰক্তচাপ বা শৰীৰৰ উষ্ণতা বৃদ্ধি হ 'ব পাৰে।^৩ ব্যৱহাৰৰ কেইচেকেণ্ডৰ পৰা মিনিটৰ ভিতৰতে প্ৰভাৱ আৰম্ভ হয় আৰু পাঁচৰ পৰা নব্বৈ মিনিটলৈকে এয়া বৰ্তি থাকে।^২ নাকৰ অস্ত্ৰোপচাৰ আৰু ৰক্তক্ষৰণ হ্ৰাস হোৱাৰ দৰে কম সংখ্যক স্বীকৃত চিকিৎসাৰ বাবে ইয়াৰ ব্যৱহাৰ অনুমতি আছে।^৪

মস্তিষ্কৰ যি অংশৰ ক্ৰিয়াৰ বাবে মানুহে প্ৰেৰিত অনুভৱ কৰে ইয়াৰ ওপৰত কোকেইনৰ প্ৰভাৱৰ বাবেই ই আসক্তিযুক্ত।^১ ব্যৱহাৰৰ খুৱ কম সময়ৰ ভিতৰতে মানুহ ইয়াৰ প্ৰতি নিৰ্ভৰশীলহৈ পৰাৰ উচ্চ বিপদাশংকা আছে।^১ ইয়াৰ ব্যৱহাৰে ষ্ট্ৰ 'ক, মায়' কাৰ্ডিয়েল ইনফাৰ্কশ্যন, ধূমপায়ীৰ হাঁওফাঁওৰ সমস্যা, তেজৰ সংক্ৰমণ আৰু আকস্মিক হৃদযন্ত্ৰৰ বিকলতাৰ আশংকাও বৃদ্ধি কৰে।^১৫ পদপথত বিক্ৰী কৰা কোকেইন সাধাৰণতে স্থানীয় এনেস্থেটিক্স, কৰ্ণষ্টাৰ্ক, কুইনাইন বা চেনিৰ সৈতে মিহলি কৰা হয়, যাৰ ফলত ই অতিৰিক্ত ভাৱে বিষাক্ত হৈ পৰিব পাৰে।^৬ বাৰে বাৰে কোকেইনৰ পালি ব্যৱহাৰৰ পিছত এজন ব্যক্তিৰ ইয়াৰ জড়িয়তে আনন্দ অনুভৱ কৰাৰ ক্ষমতা হ্ৰাস হ 'ব পাৰে আৰু শাৰীৰিকভাৱে অতি ভাগৰুৱা হৈ পৰিব পাৰে।^১

কোকেইনে চেৰোটোনিন, ন 'ৰেপিনেফ্ৰিন আৰু ডোপামাইনৰ পুনৰ গ্ৰহণ প্ৰতিহত কৰি কাম কৰে।^১ ইয়াৰ ফলত মগজুৰ এই তিনিটা নিউৰ 'ট্ৰান্সমিটাৰৰ ঘনত্বতা অধিক হয়।^১ ই সহজে তেজ-মস্তিষ্কৰ বাধা অতিক্ৰম কৰিব পাৰে আৰু এই বাধাক ধ্বংস কৰিব পাৰে।^৭৮ ২০১৩ চনত ৪১৯ কিলোগ্ৰাম কোকেইন আইনীভাৱে উৎপাদন কৰা হৈছিল।^৯ অনুমান কৰা হৈছে যে কোকেইনৰ অবৈধ বজাৰৰ পৰা প্ৰতি বছৰে ১০০ৰ পৰা ৫০০ বিলিয়ন আমেৰিকান ডলাৰৰ আয় হয়।^১ অধিক প্ৰক্ৰিয়াকৰণৰ দ্বাৰা কোকেইনৰ পৰা ক্ৰেক কোকেইন উৎপাদন কৰিব পাৰি। ^১

কোকেইন হৈছে বিশ্বব্যাপী দ্বিতীয় সৰ্বাধিক ব্যৱহৃত অবৈধ ড্ৰাগ। ইয়াৰ পিছতে আছে ভাং।^১০ প্ৰতি বছৰে ১৪ৰ পৰা ২১ নিযুত লোকে এই ঔষধ ব্যৱহাৰ কৰে।^১ উত্তৰ আমেৰিকাত ইয়াৰ ব্যৱহাৰ সৰ্বাধিক, তাৰ পিছতে আছে ইউৰোপ আৰু দক্ষিণ আমেৰিকা।^১ উন্নত বিশ্বতএকৰ পৰা তিনি শতাংশ লোকে জীৱনৰ কোনো এটা সময়ত কোকেইন ব্যৱহাৰ কৰিছে।^১ ২০১৩ চনত কোকেইনৰ ব্যৱহাৰৰ ফলত প্ৰত্যক্ষভাৱে ৪,৩০০ জন লোকৰ মৃত্যু হৈছিল, ১৯৯০ চনত এই সংখ্যা আছিল ২,৪০০।^১১ ইয়াৰ উৎপাদনৰ বাবে ব্যৱহৃত কোকা উদ্ভিদৰ নামেৰে নামকৰণ কৰা হৈছে।^২ এই উদ্ভিদৰ পাতসমূহ প্ৰাচীন কালৰে পৰা পেৰুৱীয়সকলে ব্যৱহাৰ কৰি আহিছে।^৬ ১৮৬০ চনত প্ৰথমবাৰৰ বাবে এই উদ্ভিদৰ পাতৰ পৰা কোকেইন পৃথক কৰা হৈছিল।^১ ১৯৬১ চনৰ পৰা নাৰ্ক'টিক ড্ৰাগছৰ ওপৰত আন্তঃৰাষ্ট্ৰীয় একক চুক্তিয়ে দেশসমূহক কোকেইনৰ বিনোদনমূলক ব্যৱহাৰক অপৰাধ হিচাপে গঢ়ি তোলাৰ প্ৰয়োজনবোধ কৰিছে।^১২