কেজাৰ জেকবচন

কেজাৰ জেকৱচন (চিনাকি নাম: চাৰ্লি জেকৱচন) ^১ (জন্ম: ৮ নৱেম্বৰ ১৯৮৫) এগৰাকী কানাডিয়ান অভিনেত্ৰী, ৰাষ্ট্ৰসংঘৰ বিশেষভাৱে সক্ষম লোকৰ অধিকাৰ প্ৰচাৰক আৰু এগৰাকী প্ৰাক্তন সৌন্দৰ্য প্ৰতিযোগিতাৰ খিতাপ বিজয়ী।^২৩ আলবাৰ্টাৰ কেলগেৰীৰ নিবাসী জেকৱচন এগৰাকী অক্ষমতা, সমতা আৰু লিংগ অধিকাৰ কৰ্মী।^{২৩৪৫৬} তেওঁ সৌন্দৰ্য প্ৰতিযোগিতাতো সফলতা লাভ কৰিছে আৰু মিছ কানাডা গ্ল’ব খিতাপ অৰ্জন কৰিছে।^৭৮

প্ৰাৰম্ভিক জীৱন আৰু শিক্ষা

কেজাৰ জেকৱচনৰ জন্ম ১৯৮৫ চনত হৈছিল আৰু তেওঁ এখন ফাৰ্মত ডাঙৰ-দীঘল হৈছিল।^৯ কিশোৰ অৱস্থাতে তেওঁৰ শ্ৰৱণ শক্তিৰ গুৰুতৰ সমস্যা দেখা দিছিল আৰু ২০ বছৰ বয়সত তেওঁ সম্পূৰ্ণৰূপে বধিৰ হৈ পৰিছিল। পৰৱৰ্তী সময়ত তেওঁ এটা কক্লিয়াৰ ইমপ্লাণ্ট গ্ৰহণ কৰিছিল।^১০

জেকৱচন আলবাৰ্টাৰ ইৰিকানাত ডাঙৰ-দীঘল হৈছিল আৰু ২০০৪ চনত বেইচেকাৰ স্কুলৰপৰা স্নাতক ডিগ্ৰী লাভ কৰিছিল। তেওঁৰ এজন সৰু ভাই আছে যাৰ নাম জেমি "দ্য ক্ল" জেকৱচন। এক গাড়ী দুৰ্ঘটনাৰ বাবে তেওঁৰ আঙুলিবোৰ কেঁকোৰাৰ হাতোৰাৰ দৰে দেখা যোৱাৰ বাবে তেওঁ এই নামেৰে পৰিচিত।^১১ তেওঁৰ মাতৃ হৈছে লেখিকা চেণ্ডি জেকৱচন।

কেৰিয়াৰ

কেজাৰে ২০০৮ চনত মডেলিং আৰু সৌন্দৰ্য প্ৰতিযোগিতাত অংশগ্ৰহণ কৰিবলৈ আৰম্ভ কৰে আৰু ২০১২ চনত ইয়াৰ বসন্ত/গ্ৰীষ্মকালীন অভিযানৰ বাবে 'বেল্লিছিমা ষ্টাইল'ৰ মুখ্য মুখচ্ছবি হিচাপে নিৰ্বাচিত হয়।^১২ তেওঁ মিছ ছান এণ্ড ছালছা, মিছ কেলগেৰী আৰু কানাডাৰ আটাইতকৈ আকৰ্ষণীয় ছোৱালী প্ৰতিযোগিতাত অংশ লৈছিল। ২০১১ চনত ব্যৰ্থ হোৱাৰ পিছত ২০১২ চনত তেওঁ মিছ ইউনিভাৰ্ছ কানাডাৰ দৰ্শকৰ পছন্দৰ শিতানত জয়ী হয় আৰু শীৰ্ষ ২০ গৰাকীৰ ভিতৰত স্থান লাভ কৰে।^{১৩১৪১৫} ২০১৩ চনত তেওঁ মিছ ব্ৰিটিছ কলম্বিয়া গ্ল’ব ২০১২/২০১৩ খিতাপ জয় কৰে।^১৬ ইয়াৰ পিছত তেওঁ মিছ কানাডা গ্ল’ব ২০১৩ নিৰ্বাচিত হয়।^৭ তেওঁ আলবেনিয়ালৈ গৈ মিছ গ্ল’ব প্ৰতিযোগিতাত অংশ লয় আৰু তাত তেওঁক "মিছ পিছ" উপাধি প্ৰদান কৰা হয়।^১৭

জেকৱচন 'কিয়ানি' নামৰ প্ৰতিষ্ঠানটোৰ এগৰাকী সক্ৰিয় প্ৰতিনিধিও আছিল আৰু প্ৰতিষ্ঠানটোৰ জৰিয়তে বিএমডব্লিউ গাড়ী এখনৰ বাবেও যোগ্যতা অৰ্জন কৰিছিল।^১৮

অভিনয়ৰ ক্ষেত্ৰত জেকৱচনে এবিচিৰ ধাৰাবাহিক দ্য গুড ডক্টৰ, বোম্ব চিটি, টক টু দ্য হেণ্ডছ আৰু দ্য মাৰ্ডাৰছৰ লগতে এটা চুটি ছবি 'কেম উইথ কাফছ'ত অভিনয় কৰিছে।^১৯

তেওঁ ৰাষ্ট্ৰীয় সংঘৰ গ্ল’ব চিষ্টেম ক’ম্পেক্ট কানাডাৰ এগৰাকী অক্ষমতা বিষয়ক কৰ্মী আৰু লিংগ সমতাৰ মুখপাত্ৰ হিচাপে কাম কৰিছে।^২০ ২০১৭ চনৰ মাৰ্চ মাহত আন্তঃৰাষ্ট্ৰীয় মহিলা দিৱসত তেওঁৰ অক্ষমতা সম্পৰ্কীয় সক্ৰিয়তাৰ বিষয়ে এক পেনেল আলোচনাত অংশ লৈছিল।^২১ তেওঁ কানাডাৰ 'ছেইণ্ট এলিজাবেথ হোম হেল্থ কেয়াৰ এছিষ্টেণ্ট' পাঠ্যক্ৰমৰ এগৰাকী সফল বধিৰ স্নাতক আৰু ভৱিষ্যতে এজন চিকিৎসক হোৱাৰ প্ৰতি তেওঁ প্ৰায়ে ইচ্ছা প্ৰকাশ কৰে।^২২

ক’ভিড মহামাৰীৰ সময়ত ভ্যানকুভাৰৰ 'হিউমেন্স অৱ চাপোৰ্ট' নামৰ এক প্ৰবন্ধত নেষ্টাৰ্ছ গ্ৰোচাৰী ষ্ট’ৰ সম্পৰ্কে জেকৱচনক আলোকপাত কৰা হৈছিল।^২৩

বাহ্যিক সংযোগ

• Official website