কুশনাভ

কুশনাভ হিন্দু ধৰ্ম গ্ৰন্থত উল্লেখ কৰা এগৰাকী ৰজা। তেওঁক অমাৱসু বংশৰ ৰজা আৰু চন্দ্ৰবংশ বংশৰ অন্তৰ্গত বুলি বৰ্ণনা কৰা হৈছে। তেওঁক কুশৰ পুত্ৰ বুলি কোৱা হৈছে।^১ কুশনাভক মহোদয়া চহৰৰ প্ৰতিষ্ঠাপক বুলি বিশ্বাস কৰা হয় (বৰ্তমানৰ কনৌজ বুলি গণ্য কৰা হয়)।^২

কিংবদন্তি

বিবাহ

ঘৃতাচী আছিল এগৰাকী নিপুণ নৃত্যশিল্পী। তেওঁৰ নৃত্য দেখি কুশনাভ তেওঁৰ প্ৰতি মোহিত হৈ পৰিছিল। তেওঁ ঘৃতাচীক বিয়া কৰাইছিল আৰু তেওঁৰ লগত কুশনাভে ১০০ গৰাকী কন্যা সন্তান জন্ম দিছিল।^৩৪ তেওঁ ১০০ গৰাকী ভগ্নীক কাম্পিল্যৰ প্ৰতিষ্থাপক আৰু শূলি ঋষি আৰু অপ্সৰা উৰ্মিলাৰ কন্যা সোমদাৰ পুত্ৰ ব্ৰহ্মদত্তলৈ বিয়া দিছিল।

গাধীৰ জন্ম

কুশনাভৰ ১০০ গৰাকী কন্যা আছিল যদিও তেওঁৰ সিংহাসনত কোনো পুৰুষ উত্তৰাধিকাৰী নাছিল। গতিকে, ইন্দ্ৰ দেৱতাক পূজা কৰিবলৈ আৰম্ভ কৰিলে আৰু ইন্দ্ৰৰ দৰে পুত্ৰ লাভ কৰাৰ কামনা কৰি তপস্যা কৰিলে। অৱশেষত ইন্দ্ৰই সন্মতি দিলে আৰু অৱতাৰৰদ্বাৰা গাধী নামে জন্ম লৈ তেওঁৰ পুত্ৰ হৈ পৰিল।^৫