কুফি

কুফি বা কুফি টুপী হৈছে উত্তৰ আফ্ৰিকা, পূব আফ্ৰিকা, পশ্চিম আফ্ৰিকা আৰু দক্ষিণ এছিয়াৰ পুৰুষে পিন্ধা এটা নিৰ্দিষ্ট ডাঠ কাষ নথকা, চুটি আৰু ঘূৰণীয়া টুপী। এই টুপী আফ্ৰিকান প্ৰব্ৰজনকাৰীসকলেও পিন্ধে। ভাৰতীয় উপমহাদেশত ইয়াক সাধাৰণতে "টুপি" বুলিয়ে কোৱা হয়।

আফ্ৰিকান আৰু আফ্ৰিকান-আমেৰিকান ব্যৱহাৰ

পশ্চিম আফ্ৰিকাত কুফি কেপ পুৰুষৰ বাবে পৰম্পৰাগত টুপী, আৰু ই অঞ্চলটোৰ বেছিভাগ জাতীয় সাজ-পোছাকৰ অংশ। ইয়াক মুছলমান, আৰু আফ্ৰিকান খ্ৰীষ্টানসকলে পিন্ধে। সাধাৰণ লোকৰ বাদেও জ্ঞানী বয়োজ্যেষ্ঠ, ধৰ্মীয় বা পৰিয়ালৰ পিতৃপুৰুষ হিচাপে নিজৰ মৰ্যাদাৰ প্ৰতীক হিচাপেও বহুতে প্ৰতিদিনে কুফি পিন্ধে।^১

আমেৰিকাৰ ভিতৰত ইয়াক মূলতঃ পশ্চিম আফ্ৰিকান ঐতিহ্যৰ ব্যক্তিসকলৰ সৈতে চিনাক্ত কৰা হৈছে, যিসকলে ইয়াক নিজৰ সংস্কৃতি, ইতিহাস আৰু ধৰ্মৰ প্ৰতি গৌৰৱ দেখুৱাবলৈ পিন্ধে (সেয়া খ্ৰীষ্টান ধৰ্মই হওক, ইছলাম ধৰ্মই হওক বা পৰম্পৰাগত আফ্ৰিকান ধৰ্মই হওক)। এই টুপী প্ৰায়ে হাতেবোৱা কেণ্টে কাপোৰ, মাড্ কাপোৰেৰে তৈয়াৰ কৰা হয় বা বিভিন্ন ধৰণৰ সূতাৰে গুঠি তৈয়াৰ কৰা হয়।

মুকুট আৰ্হিৰ কুফি হৈছে আনুষ্ঠানিক পশ্চিম আফ্ৰিকান সাজ-পোছাকৰ সৈতে পিন্ধা পৰম্পৰাগত টুপী।^১ আনুষ্ঠানিক ডাছিকি ছুটত সদায় মুকুট ষ্টাইলৰ কুফি থাকে, আনহাতে গুঠি বনোৱা আৰ্হিটো অনানুষ্ঠানিক অনুষ্ঠানৰ বাবে আটাইতকৈ উপযুক্ত বুলি ধৰা হয়।

• নাইজেৰিয়াৰ এছ’ অকে টুপী বা ফিলা
• ফেজ বা টাৰবুছ হৈছে উত্তৰ আফ্ৰিকা আৰু তুৰ্কিয়াৰ টুপী
• নাইজেৰিয়াৰ আন এক প্ৰকাৰৰ টুপী হৈছে আবেটি-আজা, ত্ৰিকোণীয় ইয়োৰুবা টুপী, যাৰ নামৰ অৰ্থ হৈছে "কুকুৰৰ কাণৰ দৰে"

আমেৰিকাত বহু আফ্ৰিকান-আমেৰিকান লোকে বিয়া, অন্ত্যেষ্টিক্ৰিয়া, কোৱানজা আদি উদযাপনৰ সময়ত কুফি পিন্ধে। তদুপৰি, সকলো ধৰ্মৰ মূলতঃ পশ্চিম আফ্ৰিকান ঐতিহ্যৰ লোকসকলে কুফি পিন্ধে, যদিও ই ইছলামিক ধৰ্মৰ সদস্যসকলৰ সৈতে অধিক জড়িত।

পশ্চিম আফ্ৰিকাৰ এজন ৰজা বা জনজাতীয় প্ৰধানৰ কুফিৰ ওপৰত ৰাজকীয় বা সম্ভ্ৰান্ততাক বুজাবলৈ এম্ব্ৰয়ডাৰী কৰা থাকে।

খ্ৰীষ্টান ধৰ্মৰ সদস্যসকলৰ বাবে কুফি লিংগবিহীন, আৰু মহিলাসকলেও ইয়াক পিন্ধে। ক্ৰ'চেট আৰু গুঠা শৈলী সৰু ছোৱালী আৰু কেঁচুৱাৰ বাবে উপযুক্ত।

পৰম্পৰাগতভাৱে পুৰুষে পিন্ধিলে কুফি শান্তি, শোক, নবীকৰণ বা মনৰ সুৰক্ষাৰ চিন বুলি ধৰা হয়।

ব্যুৎপত্তি

ইয়োৰুবা ভাষাত আদে মানে মুকুট আৰু ফিলা মানে টুপি। ইবাদানৰ ওচৰৰ ইয়োৰুবালেণ্ডৰ কুফি চহৰ। পশ্চিম আফ্ৰিকাৰ আন আন নামসমূহৰ ভিতৰত আছে ফুলা, ফিলা আৰু মালো টুপী।^২ এই টুপীটোক পূব আফ্ৰিকাৰ শ্বাহিলি ভাষাত কফিয়া বুলি কোৱা হয়^৩। আমেৰিকাত পশ্চিম আফ্ৰিকান নাম কুফি বেছিকৈ ব্যৱহাৰ কৰা হয়।

আন্তঃৰাষ্ট্ৰীয় ব্যৱহাৰ

জাজ ৰক/জাজ ফিউজন ৱেদাৰ ৰিপ'ৰ্টৰ ফ্ৰণ্টমেন আৰু কিবৰ্ডবাদক জো জাভিনুলে দীৰ্ঘদিন ধৰি বেণ্ডটোৰ সৈতে মঞ্চত আৰু ইয়াৰ বাহিৰত, নিজৰ ব্যক্তিগত জীৱনতো কুফি পিন্ধিছিল। তেখেতে সময়ৰ লগে লগে বিভিন্ন কুফি মডেল সলনি কৰাৰ বাবেও পৰিচিত। ১৯৭০ আৰু ১৯৮০ চনৰ ৱেদাৰ ৰিপৰ্টৰ লাইভ প্ৰদৰ্শনত এই সম্পৰ্কে দেখুওৱা হৈছে। প্ৰগ্ৰেছিভ ৰক ডাচ কিংবদন্তি থিজছ ভান লিয়াৰেও ১৯৭০ চনত বেণ্ডটোৰ সৈতে প্ৰথম কেৰিয়াৰৰ সময়ছোৱাত কুফি কেপ পিন্ধিছিল। হাউচ অৱ দ্য কিং (ব্ৰিটিছ টিভি শ্ব’ চেক্সনডেলৰ থিম গীতো)ৰ মিউজিক ভিডিঅ’ত তেওঁক এটা কুফি পিন্ধা দেখা গৈছিল।

১৯৮৮ চনত চাইকেলেৰে কেমেৰুণ ভ্ৰমণ কৰাৰ পিছত ৰুছ ড্ৰামবাদক নীল পিয়াৰ্টে পৰিবেশনৰ সময়ত কুফি পিন্ধিবলৈ লৈছিল।

২০১৮ চনত শিল্পী কেণ্ড্ৰিক লামাৰৰ মিউজিক ভিডিঅ' অল দ্য ষ্টাৰছত নৃত্যশিল্পীসকলৰ ওপৰত এই কেপসমূহ প্ৰদৰ্শিত কৰা হৈছিল।^৪৫

নামাজৰ সময়ত এজন মুছলমানৰ বাবে মূৰ ঢাকিব পৰাকৈ কুফি টুপী পৰিধান কৰা বাধ্যতামূলক। পবিত্ৰ ৰমজান মাহ আৰু আনকি অনিয়মিত উপাসকসকলেও মছজিদলৈ নামাজৰ বাবে এই কুফি পিন্ধি যায়। টুপী নিপিন্ধাকৈ নামাজ কৰিলে নবীৰ পৰম্পৰা উলংঘা কৰা বুলি কোৱা হয়।