আৰবুছকুলা

আৰবুছকুলা (লেটিন: Arbuscŭla; মৃত্যু: খ্ৰী. পূ. ৫৪ - ৩৫) এগৰাকী প্ৰাচীন ৰোমৰ মঞ্চ শিল্পী আছিল। খ্ৰী. পূ. ১ম শতিকাত তেওঁ পেণ্ট'মাইম নাটকত জনপ্ৰিয় অভিনেত্ৰী আছিল। সেই সময়ত নাটকৰ অধিকাংশ মহিলা চৰিত্ৰ পুৰুষ অভিনেতাসকলে অভিনয় কৰিছিল, বিশেষকৈ শোকান্ত নাটকত।^১

খ্ৰী. পূ. ৫৪ চনত চিচেৰোয়ে তেওঁৰ সফলতাৰ উল্লেখ কৰিছিল আৰু কৈছিল যে তেওঁ তেওঁৰ নাট্যাভিনয়ত অধিক আনন্দ লাভ কৰিছিল।^২৩ হৰাচেয়ে উল্লেখ কৰিছিল যে, কোনোবাৰ তেওঁৰ প্ৰদৰ্শনত দৰ্শকে তেওঁৰ প্ৰতি অসন্তুষ্টি প্ৰকাশ কৰি তেওঁক হাঁহি-ঠাট্টা কৰিছিল।^৪ যদিও, তেওঁৰ দৰ্শকৰ একাংশৰ বিদ্ৰূপক গম্ভীৰভাৱে গ্ৰহণ নকৰি, তেওঁ কৈছিল, "যদিহে অশ্বাৰোহীসকলে মোক প্ৰশংসা কৰে, তেন্তে সাধাৰণ জনগণে মোক বিদ্ৰূপ কৰাটো কোনো কথা নহয়।" ^৫