ৰুছ-ইউক্ৰেনীয় যুদ্ধ

ৰুছ-ইউক্ৰেনীয় যুদ্ধ^১ হৈছে ৰাছিয়া আৰু ইউক্ৰেইনৰ মাজত চলিত এক যুদ্ধ য'ত মুখ্যতঃ ৰাছিয়া, ৰাছিয়া-পন্থী বাহিনী আৰু এফালে বেলাৰুছ আৰু আনফালে ইউক্ৰেইন আৰু ইয়াৰ আন্তঃৰাষ্ট্ৰীয় সমৰ্থক সকল জড়িত হৈ আছে। মৰ্য্যদাৰ বিপ্লৱৰ পিছত ২০১৪ চনৰ ফেব্ৰুৱাৰীমাহত এই সংঘৰ্ষ আৰম্ভ হয়। ক্ৰিমিয়া আৰু ডনবাছৰ কিছু অংশৰ ৰাজনৈতিক স্থিতিৰ ওপৰত থকা মতানৈক্যৰ ফলত এই যুদ্ধৰ সূত্ৰপাত ঘটে, যাক আন্তৰ্জাতিকভাৱে ইউক্ৰেইনৰ অংশ হিচাপে স্বীকৃতি দিয়া হয়।

ইতিহাস

২০১৪ চনৰ ২০ ফেব্ৰুৱাৰী তাৰিখে ৰাছিয়াই ক্ৰিমিয়াক ৰাছিয়াৰ সৈতে সংযোজন কৰাৰ সিদ্ধান্ত লয়।^২৩৪৫ ২২ আৰু ২৩ ফেব্ৰুৱাৰী তাৰিখে ৰাছিয়ান সৈন্য বাহিনী আৰু স্পেচিয়েল ফৰ্চে নভোৰোচিস্কৰ মাজেৰে ক্ৰিমিয়ালৈ যোৱা আৰম্ভ কৰে।^৪ ২৭ ফেব্ৰুৱাৰীত মুখা পৰিহিত ৰাছিয়ান সৈন্য বাহিনীয়ে ক্ৰিমিয়া উপদ্বীপক নিজৰ নিয়ন্ত্ৰণলৈ আনে^৬ আৰু তেওঁলোকে কৌশলগতভাৱে ক্ৰিমিয়াৰ সংসদ দখল কৰে আৰু ৰাছিয়ান পতাকা উত্তোলন কৰে। ক্ৰিমিয়া উপদ্বীপক ইউক্ৰেইনৰ বাকী অংশৰ পৰা বিচ্ছিন্ন কৰি ৰাখিবলৈ আৰু অঞ্চলটোৰ ভিতৰত চলাচল সীমিত কৰিবলৈ নিৰাপত্তাৰ বাবে চেকপইণ্ট ব্যৱহাৰ কৰিছিল৷^{৭৮৯১০}