সেউজ গৃহ গেছ পৰ্যবেক্ষণ উপগ্ৰহ

সেউজ গৃহ গেছ পৰ্যবেক্ষণ উপগ্ৰহ (GOSAT), ইবুক (জাপানী: いぶき, হেপবাৰ্ন: ইবুকি; অৰ্থাৎ "উশাহ"^১) নামেৰেও জনাজাত, হৈছে পৃথিৱী পৰ্যবেক্ষণ উপগ্ৰহ আৰু সেউজ গৃহ গেছ নিৰীক্ষণৰ বাবে নিবেদিত বিশ্বৰ প্ৰথম উপগ্ৰহ।^২ ই পৃথিৱীৰ বায়ুমণ্ডলৰ ৫৬,০০০ স্থানৰপৰা কাৰ্বন ডাই অক্সাইড আৰু মিথেনৰ ঘনত্ব জুখিব পাৰে।^৩ জাপান মহাকাশ অন্বেষণ সংস্থা (JAXA)দ্বাৰা GOSAT বিকশিত কৰা হৈছিল আৰু উৎক্ষেপণ কৰা হৈছিল ২০০৯ চনৰ ২৩ জানুৱাৰীত টানেগাছিমা মহাকাশ কেন্দ্ৰৰপৰা।^৩ জাপানৰ পৰিৱেশ মন্ত্ৰ্যালয়, আৰু নেচনেল ইনষ্টিটিউট ফৰ এনভাইৰনমেণ্টেল ষ্টাডিজ (NIES)^৪ এ এই তথ্যসমূহ ব্যৱহাৰ কৰি সেউজ গৃহ প্ৰভাৱৰ কাৰণ হোৱা গেছসমূহ অনুসৰণ কৰে আৰু তথ্যসমূহ নাছা আৰু অন্যান্য আন্তঃৰাষ্ট্ৰীয় বৈজ্ঞানিক সংস্থাসমূহৰ সৈতে ভাগ-বতৰা কৰে।^২

উৎক্ষেপণ

জাপানৰ প্ৰাথমিক বৃহৎ পৰিসৰৰ ব্যয়যোগ্য উৎক্ষেপণ ব্যৱস্থা H-IIA ব্যৱহাৰ কৰি আন সাতটা পিগিবেক প্ৰ'বৰ সৈতে GOSATক ২০০৯ চনৰ ২৩ জানুৱাৰী UTC তাৰিখে পুৱা ৩:৫৪ বজাত দক্ষিণ জাপানৰ এটা সৰু দ্বীপ Tanegashima ত প্ৰতিকূল বতৰৰ বাবে দুদিনীয়া পলম হোৱাৰ পিছত উৎক্ষেপণ কৰা হয়।^৩২ উৰণৰ প্ৰায় ১৬ মিনিটৰ পিছত ইবুক উৎক্ষেপণ ৰকেটৰপৰা পৃথক হোৱাটো নিশ্চিত কৰা হয়।^৫

সঁজুলি

JAXA ৰ মতে ইবুক উপগ্ৰহটোত সেউজ গৃহ গেছ পৰ্যবেক্ষণ চেন্সৰ (TANSO-FTS) আৰু TANSO-FTS ৰ পৰিপূৰক ক্লাউড/এৰ’ছল চেন্সৰ (TANSO-CAI) আছে। ইবুকিৰ সেউজ গৃহ গেছ পৰ্যবেক্ষণ সংবেদকে পৰ্যবেক্ষণৰ সঠিকতা বৃদ্ধি কৰিবলৈ অতি ৰঙা বেণ্ডৰ ভিতৰত বহুতো তৰংগদৈৰ্ঘ্য (নিকট অতি ৰঙা অঞ্চল–তাপীয় অতি ৰঙা অঞ্চল) পৰ্যবেক্ষণ কৰে।^৫ উপগ্ৰহটোৱে স্পেকট্ৰ’মিটাৰ ব্যৱহাৰ কৰি বিভিন্ন মৌল আৰু যৌগবোৰ কিছুমান বিশেষ ধৰণৰ পোহৰৰ প্ৰতি সঁহাৰিৰ ভিত্তিত জুখিব পাৰে। এই প্ৰযুক্তিয়ে উপগ্ৰহটোক "বায়ুমণ্ডলত সেউজ গৃহ গেছৰ ঘনত্ব অতি উচ্চ ৰিজ'লিউচনত" জুখিব পাৰে।^৬

গোছাট-২

সেউজ গৃহ গেছ পৰ্যবেক্ষণকাৰী উপগ্ৰহ-২ টানেগাছিমা মহাকাশ কেন্দ্ৰৰ পৰা এইচ-আই আই এ ৰকেটৰ দ্বাৰা ২০১৮ চনৰ ২৯ অক্টোবৰত উৎক্ষেপণ কৰা হৈছিল।^৭