শিৱিনী

শিৱিনী (উৰাৰ্টিয়ান: 𒀭𒅆𒄿𒌑𒄿𒉌, ৰোমানী ভাষাত: dši-i-u2-i-ni), যাক ছিউইনি, আৰ্টিনিছ, আৰ্ডিনিছ বুলিও কোৱা হয়, আৰ্মেনিয়াৰ উচ্চভূমিৰ লৌহ যুগৰ এখন ৰাজ্য উৰাৰ্টুৰ পৌৰাণিক কাহিনীত এজন সৌৰ দেৱতা আছিল।^১ খালদী আৰু থিছপাছৰ সৈতে ত্ৰয়ী দেৱতাৰ তেওঁ তৃতীয় দেৱতা। আচিৰিয়ান দেৱতা শ্বমাছ শিৱিনীৰ প্ৰতিৰূপ। তেওঁক আঁঠু কাঢ়ি সৌৰ থাল এখন ওপৰলৈ তুলি লোৱা মানুহ হিচাপে চিত্ৰিত কৰা হৈছিল। তেওঁৰ পত্নী সম্ভৱতঃ টুছপুয়া নামৰ দেৱী আছিল যিগৰাকীক ম্হেৰি-ডুৰ শিলালিপিত তৃতীয় দেৱী হিচাপে তালিকাভুক্ত কৰা হৈছে।^২

আৰ্মেন পেট্ৰ'ছিয়ান আৰু অন্যান্য পণ্ডিতসকলে যুক্তি আগবঢ়ায় যে তেওঁৰ নামটো হিট্টী উৎসৰ পৰা আহিছে, আৰু সেয়েহে ই প্ৰাচীন গ্ৰীক জিউছ আৰু ৰোমান বৃহস্পতিৰ নামৰ সৈতে একে ভাৰত-ইউৰোপীয় মূলৰ।^৩