মেৰিনা বাৰাম্পামা

মেৰিনা বাৰাম্পামা (জন্ম ১৯৬৯) এগৰাকী বুৰুণ্ডিয়ান ৰাজনীতিবিদ। ২০০৬ চনৰ ৮ ছেপ্টেম্বৰত এলিছ এঞ্জোমুকুণ্ডাৰ ঠাইত দ্বিতীয় উপ-ৰাষ্ট্ৰপতি নিৰ্বাচিত হয়। হুছেইন ৰাজাবুক সমৰ্থন কৰাৰ বাবে তেওঁক বৰ্খাস্ত কৰাৰ সময়লৈ ছমাহ ধৰি সেই পদত থাকিল। পূৰ্বে নেচনেল কাউন্সিল ফৰ দ্য ডিফেন্স অৱ ডেম’ক্ৰেচি-ফৰ্চেছ ফৰ দ্য ডিফেন্স অৱ ডেম’ক্ৰেচি (চিএনডিডি–এফডিডি)ৰ সদস্য হিচাপে তেওঁ এতিয়া শান্তি আৰু উন্নয়ন সংঘৰ সাধাৰণ সম্পাদিকা।

ৰাজনৈতিক কেৰিয়াৰ

দুৰ্নীতি আৰু মানৱ অধিকাৰ উলংঘাৰ বাবে উপ-ৰাষ্ট্ৰপতি এলিছ এঞ্জোমুকুণ্ডাই পদত্যাগ কৰাৰ পাছত ২০০৬ চনৰ ৮ ছেপ্টেম্বৰত ৰাষ্ট্ৰপতি পিয়েৰ উঙ্কুৰুঞ্জিজাই বাৰাম্পামাক এই ভূমিকাত মনোনীত কৰে। তেওঁৰ সকলোৰে বাবে প্ৰায় অচিনাকি আছিল, আৰু বিৰোধী দল ইউনিয়ন ফৰ নেচনেল প্ৰগ্ৰেছ (ইউপ্ৰ’না)ৰ সদস্যসকলে তেওৰ বিষয়ে তথ্যৰ অভাৱৰ প্ৰতিবাদত ভোটৰপৰা ওলাই আহিছিল। পৰৱৰ্তী সময়ত তেওঁলোকে যুক্তি দিছিল যে বাৰাম্পামাৰ নিৰ্বাচন অবৈধ, কিয়নো তেওঁলোকৰ সদস্য অবিহনে কোৰাম গঠন কৰিবলৈ ভোট দিয়া পৰ্যাপ্ত সদস্য নাছিল।^১

২০০৭ চনৰ ৮ ফেব্ৰুৱাৰীত উংকুৰুঞ্জিজাই তেওঁক বৰ্খাস্ত কৰে; তেওঁ ইয়াৰ কাৰণ অবজ্ঞা আৰু দায়িত্বহীনতা বুলি কয়। কাৰণ বাৰাম্পামাই তেওঁক বৰ্খাস্ত কৰাৰ কিছুসময়ৰ আগলৈ ৰাষ্ট্ৰপতিয়ে অধ্যক্ষ পদৰপৰা উচ্ছেদ কৰা নেচনেল কাউন্সিল ফৰ দ্য ডিফেন্স অৱ ডেম'ক্ৰেচি – ফৰ্চেছ ফৰ দ্য ডিফেন্স অৱ ডেম'ক্ৰেচি (চিএনডিডি–এফডিডি)ৰ প্ৰাক্তন অধ্যক্ষ হুছেইন ৰাজাবুৰ সমৰ্থক আছিল।^২ তাৰ পিছত ৰাজাবুক বিধ্বংসী কাৰ্য্যৰ অপৰাধত গ্ৰেপ্তাৰ কৰি ১৩ বছৰৰ কাৰাদণ্ড দিয়া হয়।^৩

ইয়াৰ পিছত তেওঁ ইউনিয়ন ফৰ পিছ এণ্ড ডেভেলপমেণ্ট (ইউপিডি)ৰ প্ৰতি আনুগত্য সলনি কৰে, আৰু ২০১৫ চনলৈকে দলটোৰ সাধাৰণ সম্পাদিকা হয়। বুৰুণ্ডিয়াৰ অশান্তিত দেখা পোৱা হিংসা বৃদ্ধিৰ পিছত, আৰু দলৰ মুখপাত্ৰ পেট্ৰিছ গাহংগুৰ হত্যাকাণ্ডৰ পিছত, বাৰাম্পমাই নিজৰ জীৱনৰ বাবে আশংকা কৰিছিল কাৰণ তেওঁ কৈছিল যে ইউ পি এনক চৰকাৰৰ বাবে ভাবুকি হিচাপে গণ্য কৰা হয়।^৪