মেছ’পজ

মেছ’পজ হৈছে মেছ’স্ফিয়াৰ আৰু তাপমণ্ডলৰ বায়ুমণ্ডলীয় অঞ্চলৰ মাজৰ সীমাত থকা ন্যূনতম উষ্ণতাৰ বিন্দু। সৌৰ উত্তাপৰ অভাৱ আৰু কাৰ্বন ডাই অক্সাইডৰপৰা অতি শক্তিশালী বিকিৰণীয় শীতলতাৰ বাবে মেছ’স্ফিয়াৰ পৃথিৱীৰ আটাইতকৈ ঠাণ্ডা অঞ্চল যাৰ উষ্ণতা -১০০ ডিগ্ৰী চেলছিয়াছ (-১৪৮ ডিগ্ৰী ফাৰেনহাইট বা ১৭৩ কেলভিন) পৰ্যন্ত।^১ বহু বছৰলৈ মেছ’পজৰ উচ্চতা প্ৰায় ৮৫ কিলোমিটাৰ (৫৩ মাইল) বুলি ধৰা হৈছিল, কিন্তু যোৱা ১০ বছৰত অধিক উচ্চতালৈ পৰ্যবেক্ষণ আৰু মডেলিং অধ্যয়নত দেখা গৈছে যে প্ৰকৃততে দুটা মেছ’প’জ আছে - এটা প্ৰায় ৮৫ কিলোমিটাৰ আৰু এটা শক্তিশালী প্ৰায় ১০০ কিলোমিটাৰ (৬২ মাইল), ইয়াৰ মাজত অলপ উষ্ণ বায়ুৰ স্তৰ থাকে।^২

আন এটা বৈশিষ্ট্য হ’ল গ্ৰীষ্মকালীন মেছ’প’জ শীতকালতকৈ ঠাণ্ডা (কেতিয়াবা মেছ’প’জ এনোমেলি বুলিও কোৱা হয়)। ইয়াৰ কাৰণ হ’ল গ্ৰীষ্মৰপৰা শীতকাললৈ চলাচলৰ ফলত গ্ৰীষ্মকালীন মেৰুত উৰ্ধগতি (আপৱেলিং) আৰু শীতকালীন মেৰুত অধোগতি (ডাউনৱেলিং) হয়। বায়ু বৃদ্ধিয়ে প্ৰসাৰিত আৰু ঠাণ্ডা কৰিব যাৰ ফলত গ্ৰীষ্মকালীন মেছ’পজ শীতল হ’ব আৰু ইয়াৰ বিপৰীতে অধোগতি বায়ুৰ ফলত শীতকালীন মেছ’পজত সংকোচন আৰু ইয়াৰ লগত জড়িত উষ্ণতা বৃদ্ধি হ’ব। মেছ’স্ফিয়াৰত গ্ৰীষ্মৰপৰা শীতকাললৈ পৰিসঞ্চালন মাধ্যাকৰ্ষণ তৰংগৰ অপচয়ৰ বাবে হয়, যিয়ে গড় পূব-পশ্চিম প্ৰৱাহৰ বিপৰীতে গতিবেগ জমা কৰে, যাৰ ফলত উত্তৰ-দক্ষিণ পৰিভ্ৰমণ সৰু হয়।^৩

শেহতীয়া বছৰবোৰত মেছ’প’জ CO2 বৃদ্ধিৰ সৈতে জড়িত বিশ্ব জলবায়ু পৰিৱৰ্তনৰ ওপৰত কৰা অধ্যয়নৰ কেন্দ্ৰবিন্দু হৈ পৰিছে। ট্ৰ’প’স্ফিয়াৰত সেউজ গৃহ গেছৰ ফলত বায়ুমণ্ডল গৰম হোৱাৰ বিপৰীতে মেছ’স্ফিয়াৰত বৃদ্ধি পোৱা CO2-এ বৃদ্ধি পোৱা বিকিৰণ নিৰ্গমনৰ বাবে বায়ুমণ্ডল ঠাণ্ডা কৰাৰ কাম কৰে। ইয়াৰ ফলত জুখিব পৰা প্ৰভাৱ পৰে - CO2 বৃদ্ধিৰ লগে লগে মেছ’প’জ ঠাণ্ডা হ’ব লাগে। পৰ্যবেক্ষণসমূহে মেছ’পজৰ উষ্ণতা হ্ৰাস হোৱা দেখা যায় যদিও এই হ্ৰাসৰ পৰিমাণ ভিন্ন হয় আৰু ইয়াক অধিক অধ্যয়নৰ বিষয়।^৪ এই পৰিঘটনাৰ মডেলিং অধ্যয়নও কৰা হৈছে।^৫৬৭