মাৰ্গাৰেট একপো

মুখ্য মাৰ্গাৰেট একপো (Chief Margaret Ekpo,২৭ জুলাই ১৯১৪ – ২১ ছেপ্টেম্বৰ ২০০৬) এগৰাকী নাইজেৰিয়ান মহিলা অধিকাৰ কৰ্মী আৰু সামাজিক সংগঠক আছিল যি দেশৰ প্ৰথম গণৰাজ্যৰ এগৰাকী অগ্ৰণী মহিলা ৰাজনীতিবিদ আৰু পৰম্পৰাগত নাইজেৰিয়ান মহিলা কৰ্মীসকলৰ এটা শ্ৰেণীৰ আগশাৰীৰ সদস্য আছিল, যিসকলে সদস্যৰ বহুতেই জাতিগত সংহতিৰ ধাৰণাসমূহৰ বাহিৰত মহিলাসকলক একত্ৰিত কৰিছিল।^১Sস্বাধীনতাৰ দিশত স্তৰভিত্তিক আৰু পুৰুষ প্ৰধান আন্দোলনৰ যুগত পূব নাইজেৰিয়াৰ আবা চহৰত তৃণমূল পৰ্যায়ৰ আৰু জাতীয়তাবাদী ৰাজনীতিবিদ হিচাপে মুখ্য ভূমিকা পালন কৰিছিল।^২৩

জীৱন

ক্ৰছ ৰিভাৰ ৰাজ্যৰ ক্ৰিক টাউনত মাৰ্গাৰেট একপোৰ পৰিয়ালত একপোৱে জন্মগ্ৰহণ কৰিছিল৷ মাকৰ জৰিয়তে তেওঁ ক্ৰিক টাউনৰ ৰজা ইয়ো হনেষ্টী দ্বিতীয়ৰ ৰাজকীয় পৰিয়ালৰ সদস্য আছিল।^৪ ১৯৩৪ চনত তেওঁ হাইস্কুলীয়া পৰ্যায়ৰ ষষ্ঠ শ্ৰেণীত উপনীত হয়৷ কিন্তু ১৯৩৪ চনত পিতৃৰ মৃত্যুৰ পিছত শিক্ষক প্ৰশিক্ষণৰ অধিক শিক্ষাৰ লক্ষ্য স্থগিত ৰখা হয়। তাৰ পিছত প্ৰাথমিক বিদ্যালয়ত ছাত্ৰ-শিক্ষক হিচাপে তেওঁ কাম কৰিবলৈ আৰম্ভ কৰে। ১৯৩৮ চনত তেওঁ জন উডো একপো নামৰ এজন চিকিৎসকৰ সৈতে বিবাহপাশত আবদ্ধ হয়।^৫

তেওঁৰ স্বামী ইবিবিঅ’ জনগোষ্ঠীৰ, আনহাতে একপো আছিল ইগবো আৰু এফিক ঐতিহ্যৰ। পিছলৈ তেওঁলোকে আবালৈ গুচি যায়।^৬

১৯৪৬ চনত ডাবলিন আয়াৰলেণ্ডৰ বৰ্তমানৰ ডাবলিন ইনষ্টিটিউট অৱ টেকন’লজিত বিদেশত অধ্যয়নৰ সুযোগ পায়। ঘৰুৱা বিজ্ঞানত ডিপ্লমা লাভ কৰি নাইজেৰিয়ালৈ উভতি অহাৰ লগে লগে আবাত ঘৰুৱা বিজ্ঞান আৰু চিলাই প্ৰতিষ্ঠান স্থাপন কৰে। ^৭৮

বিশ্বজুৰি নাৰীৰ নাগৰিক অধিকাৰৰ বাবে ক্ৰমাৎ বৃদ্ধি পোৱা আন্দোলনৰ প্ৰতি একপোৰ সচেতনতাই তেওঁক নিজৰ দেশৰ মহিলাসকলৰ বাবেও একেধৰণৰ দাবী কৰিবলৈ আৰু নাৰীক বশ কৰাত ঔপনিৱেশিকতাবাদে লোৱা বৈষম্যমূলক আৰু নিপীড়নমূলক ৰাজনৈতিক আৰু নাগৰিক ভূমিকাৰ বিৰুদ্ধে যুঁজিবলৈ প্ৰেৰণা যোগাইছিল। তেওঁ অনুভৱ কৰিছিল যে ব্ৰিটেইনৰ মহিলাকে ধৰি বিদেশৰ মহিলাসকলে ইতিমধ্যে নাগৰিক অধিকাৰৰ বাবে যুঁজি আছে আৰু নাইজেৰিয়াৰ সমকক্ষসকলতকৈ ৰাজনৈতিক আৰু নাগৰিক বিষয়ত তেওঁলোকৰ কণ্ঠ বেছি। পিছলৈ তেওঁ বিঔপনিৱেশিকৰণৰ অগ্ৰণী নেচনেল কাউন্সিল অৱ নাইজেৰিয়া এণ্ড কেমেৰুন্স (এনচিএনচি)ত যোগদান কৰে, যিটো এটা প্ৰান্তীয় গোটক প্ৰতিনিধিত্ব কৰাৰ মঞ্চ হিচাপে প্ৰতিষ্ঠিত হয়।^৯

সামৰিক অভ্যুত্থানে প্ৰথম গণৰাজ্যৰ অন্ত পেলোৱাৰ পিছত তেওঁ ৰাজনীতিৰ ক্ষেত্ৰত কম বিশিষ্ট পন্থা গ্ৰহণ কৰে। ২০০১ চনত কালাবাৰ বিমানবন্দৰৰ নাম তেওঁৰ প্ৰতি শ্ৰদ্ধাঞ্জলি জনাই মাৰ্গাৰেট একপো আন্তঃৰাষ্ট্ৰীয় বিমানবন্দৰলৈ সলনি কৰা হয়।^১০তাৰ ঠিক ৫ বছৰৰ পিছত তেওঁৰ মৃত্যু হয়^১১