মাঞ্জা

মাঞ্জা (বা মাঞ্জা) হৈছে মূলতঃ দক্ষিণ এছিয়াৰ দেশসমূহত যুঁজাৰু চিলা উৰুৱাবলৈ ব্যৱহাৰ কৰা এবিধ ৰছী। কপাহৰ ৰছীত গুড়ি কাঁচ বা তেনেধৰণৰ ঘৰ্ষণকাৰী বস্তুৰে আৱৰণ দি ইয়াক তৈয়াৰ কৰা হয়। চিলিত ইয়াক হিলো কুৰাডো (নিমজ কৰা সূতা) বুলি কোৱা হয়।

গঠন

পৰম্পৰাগতভাৱে ইয়াক চাউলৰ আঠা, গছৰ আঠা বা অনুৰূপ প্ৰাকৃতিক উপাদানৰ মিশ্ৰণ আৰু ঘৰ্ষণৰ বাবে মিহি গুড়ি কৰা কাঁচ, এলুমিনিয়াম অক্সাইড বা জিৰকনিয়া এলুমিনাৰ মিশ্ৰণেৰে মিহি বিশুদ্ধ কপাহী সূতাৰ ওপৰত আৱৰণ দি তৈয়াৰ কৰা হয়।^১

তুলনামূলকভাৱে শেহতীয়াকৈ প্ৰৱৰ্তিত চীন মাঞ্জা জৈৱ-বিঘ্নিত নোহোৱা কৃত্ৰিম আঁহৰ ওপৰত ভিত্তি কৰি তৈয়াৰ কৰা হৈছে।^২

সুৰক্ষা

ছাদৰ ওপৰত থকা

মানুহে প্ৰায়ে ছাদৰপৰা চিলা উৰুৱাই দিয়ে, যাৰ ফলত তেওঁলোকৰ সুৰক্ষাৰ প্ৰতি শংকাৰ সৃষ্টি কৰে।^৩

চিলা বিশাৰদ

কিছুমান ঠাইত চিলা বিশাৰদসকলে চিলা খেদি খেদি চাৰিওফালৰ বস্তুৰ প্ৰতি গুৰুত্ব নিদিয়াকৈ দৌৰি ফুৰে, যাৰ ফলত দুৰ্ঘটনা সংঘটিত হয়।^৪৫

দৰ্শকৰ আঘাত

বহু সময়ত মাঞ্জাই মটৰ চাইকেল আৰোহী আৰু আনৰ ডিঙিত আঘাত লগোৱাৰ বহু বাতৰি প্ৰকাশ পাইছে - বিশেষকৈ ওলমি থকা ৰছীৰ মাজেৰে গাড়ী চলোৱাৰ সময়ত।^{৬৭৮৯১০১১}

চৰাইৰ প্ৰতি ভাবুকি

চৰাইৰ আঘাতৰ বাবেও ই দায়ী।^১২ নতুন দিল্লীৰ এহাল স্বেচ্ছাসেৱী চৰাই চিকিৎসকে প্ৰতি বছৰে প্ৰায় ১০০০টা চিলনীৰ চিকিৎসা কৰে, ইয়াৰে ৯০% চিলনী মাঞ্জাৰ ফলত আঘাতপ্ৰাপ্ত হয় আৰু ইয়াৰে আধা চিলনী মৃত্যুমুখত পৰে।^১৩

উত্তৰায়ণ উৎসৱত পশু চিকিৎসকে বাৰে বাৰে চৰাই আঘাতপ্ৰাপ্ত হোৱা পৰিস্থিতিৰ প্ৰতি জনসজাগতা সৃষ্টি কৰিবলগীয়া হৈছিল।^১৪

নিষেধাজ্ঞা

ভাৰত

চৰকাৰ আৰু কৰ্তৃপক্ষই কেইবাটাও প্ৰচেষ্টা আৰম্ভ কৰিছিল যদিও কোনোটোৱেই সফল হোৱা যেন নালাগে।^১৫

পাকিস্তান

২০০৬ চনৰপৰা লাহোৰত ইয়াক নিষিদ্ধ কৰা হৈছিল।^১৬