ব্ৰেণ্ডা বেনৱেল স্নায়ুবিজ্ঞান বিভাগৰ মুৰব্বী আৰু স্নায়ুবিজ্ঞান কেন্দ্ৰৰ সহ-সঞ্চালক, আৰু ফিলাডেলফিয়াৰ শিশু চিকিৎসালয়ৰ স্নায়ুবিজ্ঞানৰ অধ্যাপিকা আৰু স্নায়ুবিজ্ঞানৰ গ্ৰেচ আৰ ল’ব এনডাউড চেয়াৰচ্ ধাৰী। ইয়াৰ উপৰি পেনচিলভেনিয়া বিশ্ববিদ্যালয়ৰ পেৰেলমেন স্কুল অৱ মেডিচিনৰ শিশু আৰু স্নায়ুবিজ্ঞানৰ অধ্যাপিকা উপাধি লাভ কৰিছে।
বেনৱেল ফিলাডেলফিয়াৰ শিশু চিকিৎসালয়ৰ শিশু চিকিৎসা মাল্টিপল স্ক্লেৰ’ছিছ আৰু নিউৰ’ইনফ্লেমেটৰী ডিছঅৰ্ডাৰ ক্লিনিকৰ সহ-পৰিচালক। মাল্টিপল স্ক্লেৰচিছ, নিউৰ’মাইলাইটিছ অপটিকা আৰু এম অ’ জি এণ্টিব’ডি ৰোগকে ধৰি শিশুৰ ডিমাইলিনেটিং ৰোগৰ ওপৰত তেওঁ বহু পৰিমাণে প্ৰকাশ কৰিছে। বেনৱেল কানাডিয়ান পেডিয়াট্ৰিক ডিমাইলিনেটিং ডিজিজ নেটৱৰ্কৰ সহ-পৰিচালক,১ আন্তৰ্জাতিক শিশু চিকিৎসা মাল্টিপল স্ক্লেৰোচিছ অধ্যয়ন গোটৰ অধ্যক্ষ,২ আৰু এম এছ আন্তৰ্জাতিক ফেডাৰেচনৰ আন্তৰ্জাতিক চিকিৎসা আৰু বৈজ্ঞানিক ব'ৰ্ডৰ অধ্যক্ষ।৩ বেনৱেলে মাল্টিপল স্ক্লেৰচিছত নতুন ঔষধৰ ক্লিনিকেল ট্ৰায়েলৰ আন্তৰ্জাতিক পৰামৰ্শদাতা সমিতিতো বহে।৪
বেনৱেল আমেৰিকান একাডেমী অৱ নিউৰ’লজিৰ ফেলো,৫ আৰু একাডেমিক নিউৰ’লজী কমিটিৰ ভাইচ চেয়াৰ হিচাপে কাম কৰে।৬ ইউৰোপীয় কমিটি ফৰ ট্ৰিটমেণ্ট এণ্ড ৰিচাৰ্চ ইন মাল্টিপল স্ক্লেৰচিছ (ECTRIMS)ত তেওঁ ২০২২ চনৰ ECTRIMS বক্তৃতা প্ৰদান কৰি সক্ৰিয় হৈ আছে।৭
প্ৰাথমিক জীৱন আৰু শিক্ষা
বেনৱেলৰ জন্ম হৈছিল কানাডাৰ ৱিনিপেগত।৮ ইউনিভাৰ্চিটি অৱ ৱেষ্টাৰ্ণ অণ্টাৰিঅ’ত স্নাতক প্ৰশিক্ষণ লৈছিল, য’ত তেওঁ এম ডি আৰু শিশু চিকিৎসাৰ ৰেচিডেন্সিৰ বাবে থাকিছিল। ইউনিভাৰ্চিটি অৱ টৰণ্টো হস্পিতাল ফৰ ছিক চিলড্ৰেনত শিশু স্নায়ুবিজ্ঞানৰ ৰেচিডেন্সি সম্পূৰ্ণ কৰিছিল, য’ত তেওঁ মুখ্য আৱাসী আছিল। তাৰ পিছত তেওঁ নিউৰ'মাস্কুলাৰ ডিজিজৰ দুবছৰীয়া ফেল'শ্বিপৰ বাবে মেয়' ক্লিনিকলৈ যায়।৯
কেৰিয়াৰ আৰু গৱেষণা
১৯৯৯ চনত বেনৱেলে ইউনিভাৰ্চিটি অৱ টৰণ্টো হাস্পতাল ফৰ ছিক চিলড্ৰেনলৈ সহকাৰী অধ্যাপক হিচাপে উভতি আহে। ২০১২ চনত টৰণ্টো বিশ্ববিদ্যালয়ৰ পূৰ্ণ অধ্যাপিকা হৈছিল। ২০১২ চনৰ জুলাই মাহত তেওঁ ফিলাডেলফিয়াৰ শিশু চিকিৎসালয়ত স্নায়ুবিজ্ঞান আৰু শিশু চিকিৎসাৰ পূৰ্ণ অধ্যাপিকা আৰু স্নায়ুবিজ্ঞানৰ মুৰব্বী হিচাপে পদ গ্ৰহণ কৰে।১০
তথ্যসূত্ৰ
- ↑ Canadian Pediatric Demyelinating Disease Network. Maelstrom
- ↑ (31 October 2014). INTERNATIONAL PEDIATRIC MULTIPLE SCLEROSIS STUDY GROUP (IPMSSG) FOR MEDICAL PROFESSIONALS. International Pediatric Multiple Sclerosis Study Group
- ↑ International Medical and Scientific Board. MS International Federation
- ↑ Dr. Brenda Banwell. MS Canada
- ↑ The American Academy of Neurology for Pediatric Neurologists. SAGE Neuroscience and Neurology
- ↑ Academic Neurology Committee. American Academy of Neurology
- ↑ Banwell, Brenda. European Committee for Treatment and Research in Multiple Sclerosis. Multiple Sclerosis Journal
- ↑ Ashwal, Stephen. (2021). Child Neurology: Its Origins, Founders, Growth and Evolution. Elsevier Science. পৃ. 609. ISBN 978-0128216354
- ↑ 02/09/2018 Brenda Louise Banwell, MD Address. eCTRIMS 2021
- ↑ Medical Advisory Board: Brenda L. Banwell, MD. MS Cure Fund
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ব্ৰেণ্ডা বেনৱেল” প্ৰবন্ধৰ সংশোধন ৬০৩৪৯০ (২৯ এপ্ৰিল ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।