বেলা নিছান

বেলা আলেকজেণ্ডাৰভনা নিছান এগৰাকী ৰাছিয়ান চকু বিশেষজ্ঞ,^১২ দৃষ্টিশক্তি বিকাৰ সংশোধনৰ আধুনিক পদ্ধতিৰ প্ৰতিষ্ঠাপক। তেখেত আমেৰিকান একাডেমী অৱ অফথালম'লজিৰ সদস্য^৩৪৫ আৰু চিকিৎসা বিজ্ঞানত জেট-ইনজেকচন যন্ত্ৰৰ ব্যৱহাৰৰ এগৰাকী সুপৰিচিত সমৰ্থক।^৬

জীৱনী

১৯৭৬ চনত বেলা নিছানে স্কুল এৰি ১৯৮২ চনত দ্য ছেকেণ্ড পিৰ’গভ মেডিকেল ইউনিভাৰ্চিটি অৱ অৰ্ডাৰ অৱ লেনিন (বৰ্তমান পিৰোগভ নেচনেল মেডিকেল ৰিচাৰ্চ ইউনিভাৰ্চিটি)ৰ পৰা স্নাতক ডিগ্ৰী লাভ কৰে। ১৯৮৫-১৯৮৭ চনৰ ভিতৰত নিছান মস্কো স্বাস্থ্যসেৱা বিভাগৰ কমপ্লেক্স এণ্ড স্পেচিয়েল ভিজন কাৰেকচন লেবৰেটৰীৰ মুৰব্বী আছিল। ১৯৮৭ চনৰ পৰা ১৯৯১ চনলৈকে তেওঁ চকুৰ মাইক্ৰ’চাৰ্জাৰী কমপ্লেক্স (বৰ্তমান ফ্য’ড’ৰভ আই মাইক্ৰ’চাৰ্জাৰী কমপ্লেক্স)ৰ অপটিকেল চেলুনৰ এগৰাকী মুখ্য চিকিৎসক আছিল।

১৯৯১ চনৰ পৰা ১৯৯৫ চনলৈকে নিছানে টেল আভিভ (ইজৰাইল)ৰ অধ্যাপক আই এলয়াকিমৰ তত্বাৱধানত কন্টাক্ট, কমপ্লেক্স আৰু স্পেচিয়েল ভিজন কাৰেকচন চেণ্টাৰত কাম কৰে;^৭ ১৯৯৫ চনৰ পৰা ১৯৯৮ চনলৈকে তেওঁ বাউচ এণ্ড লম্ব কোম্পানীৰ পেছাদাৰী সেৱাৰ (পূৰ্বৰ ইউ এছ এছ আৰ বিভাগ) মুৰব্বী আছিল। ২০০০ চনত ৰেটিনা আৰু চকুৰ স্নায়ুৰ ৰোগৰ দৃষ্টিশক্তি সংশোধনৰ ক্লিনিকেল আৰু শাৰীৰিক পদ্ধতিৰ ওপৰত নিবেদিত নিছানৰ কাম শৈক্ষিক সমাজত বহুলভাৱে পৰিচিত হয়। সেই সময়ছোৱাত নিছানে চিকিৎসা বিজ্ঞানত পি এইচ ডি লাভ কৰে।^৮১৯

১৯৯৮ চনৰ পৰা ২০০১ চনলৈকে নিছান ৰাছিয়ান ফেডাৰেচনৰ স্বাস্থ্যসেৱা মন্ত্ৰালয়ৰ ফেডাৰেচন ইনষ্টিটিউট ফৰ বায়'মেডিকেল প্ৰব্লেমছৰ দৃষ্টিশক্তিৰ ৰোগ বিভাগৰ অপ্টোমেট্ৰি আৰু কন্টাক্ট ভিজন কাৰেকচন কোৰ্চৰ মুখ্য প্ৰবক্তা আছিল।^১০১১

২০০১ চনত নিছান সহযোগী অধ্যাপক হয়।^১১২ ২০০১ চনৰ পৰা ২০১১ চনলৈকে তেওঁ ৰাছিয়ান ষ্টেট মেডিকেল ইউনিভাৰ্চিটি (বৰ্তমান পিৰ'গভ নেচনেল মেডিকেল ৰিচাৰ্চ ইউনিভাৰ্চিটি)ৰ চকুৰ ৰোগ শিশু চিকিৎসা বিভাগৰ মুৰব্বী আছিল।^১৩১৪

২০১১ চনৰ পৰা নিছান মস্কো স্বাস্থ্যসেৱা বিভাগৰ আগশাৰীৰ বিশেষজ্ঞ। আজিকালি তেওঁ ইণ্টাৰনেশ্যনেল এছ'চিয়েচন অৱ কন্টাক্ট লেন্স এডুকেটৰছ[13] আৰু ইউৰোপিয়ান একাডেমী অৱ নেচাৰেল ছায়েন্সৰ^{১৫১৬১৭১} ফেলো আৰু আন্তঃৰাষ্ট্ৰীয় চিকিৎসা সম্পদৰ ৫০টাতকৈও অধিক প্ৰকাশনৰ লেখিকা।^{১৮১৯২০২১২২২৩২৪}

উল্লেখযোগ্য কৰ্ম

• শিশু আৰু কনটেক্ট লেন্স। ২০০৫ চনত
• কোমল ট’ৰিক কনটেক্ট লেন্স ব্যৱহাৰ কৰি সামান্য দৃষ্টিশক্তিৰ সংশোধন। ২০১১ চন
• দৃষ্টিশক্তিৰ অক্ষমতাৰ আন্তঃৰাষ্ট্ৰীয় দিশসমূহ — সামাজিকভাৱে উল্লেখযোগ্য ৰোগবিজ্ঞান — প্ৰতিৰোধমূলক ব্যৱস্থা। ২০১২ চন