বিমলা সুদ

বিমলা সুদ(উচ্চাৰণ: ছুদ) (১৯২২ – ১ আগষ্ট ২০২১) অবিভক্ত ভাৰতত দন্ত চিকিৎসক হোৱা তৃতীয়গৰাকী মহিলা। ১৯৪৪ চনত ডিমণ্টম’ৰেন্সি কলেজ অৱ ডেণ্টিষ্ট্ৰিৰপৰা স্নাতক ডিগ্ৰী লাভ কৰে।^১

শিক্ষা

লাহোৰৰ ডিমণ্টম’ৰেন্সি কলেজ অৱ ডেণ্টিষ্ট্ৰিৰ শ্ৰেণীত ৩০ জন ছাত্ৰ-ছাত্ৰীৰ ভিতৰত সুদ আছিল একমাত্ৰ মহিলা।^২ ১৯৪৪ চনত পঞ্জাৱ বিশ্ববিদ্যালয়ৰপৰা তেওঁ স্নাতক ডিগ্ৰী লাভ কৰে।^২৩তেওঁৰ পৰিয়ালটো সকলোৱেই ডক্টৰ আছিল, আৰু তেওঁক দন্ত চিকিৎসক হ’বলৈ উৎসাহিত কৰিছিল। ইণ্টাৰ্ণশ্বিপৰ বাবে তেওঁ নিউয়ৰ্কলৈ গুচি যায় আৰু আমেৰিকা ভ্ৰমণ কৰে আৰু ১৯৫৫ চনত মিনেছ'টা বিশ্ববিদ্যালয়ৰপৰা শিশু দন্ত চিকিৎসাত স্নাতকোত্তৰ ডিগ্ৰী সম্পূৰ্ণ কৰে।^৪ ভাৰত বিভাজনৰ পিছত সুদ চণ্ডীগড়লৈ গুচি যায়।^৪

কেৰিয়াৰ আৰু পিছৰ জীৱন

বিমলা সুদে ৱেলিংডন হাস্পতালত (বৰ্তমান ৰাম মনোহৰ লোহিয়া) কাম কৰিছিল, য'ত তেওঁ আগতে এখন চিকিৎসাৰ সুবিধা থকা মোবাইল ভ্যানত গাঁও ভ্ৰমণ কৰিছিল।^৪ পিছলৈ তেওঁ জৱাহৰলাল স্নাতকোত্তৰ চিকিৎসা শিক্ষা আৰু গৱেষণা প্ৰতিষ্ঠানত যোগদান কৰে।^৪

২০১৬ চনৰ নৱেম্বৰ মাহত তেওঁ ডেণ্টেল কলেজৰ ছাত্ৰ-ছাত্ৰীসকলৰ বাবে তেওঁলোকৰ পেছাদাৰী শপত গ্ৰহণৰ বাবে বগা কোট অনুষ্ঠানৰ ব্যৱস্থা কৰে।^৫

২০২১ চনৰ ১ আগষ্টত ৯৯ বছৰ বয়সত সুদৰ মৃত্যু হয়।^৬

স্বীকৃতি আৰু বঁটা

সুদক ভাৰতীয় দন্ত চিকিৎসা সংস্থাই জ্যেষ্ঠ সন্মানীয় অধ্যাপক হিচাপে স্বীকৃতি দিছিল; ৫ ছেপ্টেম্বৰ ২০২০ তাৰিখে শিক্ষক দিৱসত আই ডি এ চণ্ডীগড়ে তেওঁক সন্মান জনায়।^৭ ড° হৰবংশ সিং জজ ইনষ্টিটিউট অৱ ডেণ্টেল চাইন্সেছ এণ্ড হস্পিতালৰ অধ্যাপকেও তেওঁক স্বীকৃতি দিয়ে আৰু তেওঁৰ জীৱন কাহিনী এটা ভিডিঅ'ৰ জৰিয়তে এটা অনুষ্ঠানত উদ্‌যাপন কৰা হয়।^৮৪২