জেমছ পিচ

কেনেথ জেমছ পিচ (ইংৰাজী ভাষা: Kenneth James Peace) ১৯৬৩ চনৰ ২৮ ছেপ্টেম্বৰত পেইছলীত জন্মগ্ৰহণ কৰিছিল। তেওঁ এজন স্কটিছ সুৰকাৰ, সংগীতানুষ্ঠানৰ পিয়ানোবাদক আৰু দৃশ্যশিল্পী।

জীৱনী

জেমছ পিচৰ জন্ম ১৯৬৩ চনৰ ২৮ ছেপ্টেম্বৰত স্কটলেণ্ডৰ পেইছলীত হৈছিল।^১২ তেওঁ তেওঁৰ শৈশৱৰ সৰহভাগ সময় স্কটলেণ্ডৰ পশ্চিমৰ সমুদ্ৰতীৰৰ ৰিজৰ্ট হেলেনচবাৰ্গত অতিবাহিত কৰিছিল। তেওঁৰ পৰিয়ালত বহুতো শিল্পী আছে (যেনে জন মেকঘি, John McGhie), আৰু তেওঁ বিংশ শতিকাৰ প্ৰথমাৰ্ধত নৃত্য সংগীতৰ জনপ্ৰিয় ৰচয়িতা ফেলিক্স বাৰ্ণছৰ (Felix Burns) সৈতেও জড়িত।^১৩ তেওঁ আঠ বছৰ বয়সৰ পৰা পিয়ানো টিউচন লাভ কৰিছিল আৰু তেওঁৰ প্ৰথমবাৰৰ বাবে ৰাজহুৱা প্ৰদৰ্শন চৈধ্য বছৰ বয়সত হৈছিল, স্কট জোপলিনৰ (Scott Joplin) সংগীত পৰিৱেশন কৰিছিল। ষোল্ল বছৰ বয়সত তেওঁক ৰয়েল স্কটিছ একাডেমী অফ মিউজিক এণ্ড ড্ৰামাত (বৰ্তমান এই নামেৰে জনাজাত: ৰয়েল কনজাৰ্ভেট'য়াৰ অফ স্কটলেণ্ড, Royal Conservatoire of Scotland) সৰ্বকনিষ্ঠ পূৰ্ণ-সময়ৰ শিক্ষাৰ্থী হিচাপে ভৰ্তি কৰোৱা হয়।^১২৩৪ ১৯৮৩ চনত তেওঁ গ্লাছগো বিশ্ববিদ্যালয়ৰ পৰা পিয়ানো শিক্ষণত বিএ ডিগ্ৰী লাভ কৰে।^৪৫ পৰৱৰ্তী বছৰত তেওঁ আৰএছএএমডি অৰ্কেষ্ট্ৰাৰ সৈতে মেণ্ডেলছহ'নৰ পিয়ানো কনচাৰ্টো নং ১ বজোৱাৰ পিছত সংগীত প্ৰদৰ্শনত ডিপ্লোমা লাভ কৰে।^১৬ আনুষ্ঠানিক অধ্যয়ন এৰি যোৱাৰ পিছত তেওঁ এজন পিয়ানোবাদক হিচাপে যথেষ্ট জনপ্ৰিয়তাত আছিল, আৰু তেওঁ ১৯৮৮-১৯৯১ চনত এডিনবাৰ্গত বাস কৰিছিল।^১২

জেমছ পিচে ১৯৯১-২০০৯ চনলৈ জাৰ্মানীৰ বেড নাওহেইমত বাস কৰিছিল।^৬৭৮ ১৯৯৮ চনৰ পৰা তেওঁ টেংগোৰ অধ্যয়ন কৰে, তেওঁৰ নিজৰ টেংগো-অনুপ্ৰেৰিত পিয়ানো ৰচনাসমূহৰ চিডি Tango escocés (স্কটিছ টেংগো) প্ৰস্তুত কৰে,^৩৮৯ আৰু ২০০২ চনত তেওঁ ভিক্টোৰিয়া কলেজ অফ মিউজিকৰ সন্মানীয় সদস্য হয়।^৩৮ একে বছৰতে তেওঁ ছেপ্টেম্বৰ/অক্টোবৰত উত্তৰ জাৰ্মানীৰ একক কনচাৰ্ট ভ্ৰমণলৈ যায় আৰু নৱেম্বৰত দূৰৰ প্ৰাচ্যলৈ যায় আৰু হংকঙত তেওঁৰ Tango XVII ৰ প্ৰথম প্ৰদৰ্শন কৰে।^{৮৯১০১১১২}

পৰৱৰ্তী বছৰবোৰত তেওঁৰ প্ৰদৰ্শন ইউৰোপত কেন্দ্ৰীভূত হৈছিল। তেওঁ এইবোৰ ৰাজধানী চহৰসমূহত নিজৰ টেংগো প্ৰদৰ্শন কৰিছে: আমষ্টাৰডাম, এথেন্স,^১৩ বাৰ্লিন,^১৪ ব্ৰাছেলছ, হেলচিঙ্কি,^১৫ লিছবন,^১৬ লণ্ডন, মাদ্ৰিদ,^১৭ অছলো,^১৮ ৰেইকজাতিক^১৯ আৰু ভিয়েনা।^২০

২০০৮ চনত তেওঁ টেংগোৰ প্ৰতি তেওঁৰ সেৱাৰ স্বীকৃতিস্বৰূপে লণ্ডন কলেজ অৱ মিউজিকৰ সন্মানীয় সদস্য হয়।^{২১২২২৩}

এডিনবাৰ্গত অলপ সময় কটোৱাৰ পিছত তেওঁ ২০১০ চনৰ ফেব্ৰুৱাৰীত ৱিচবাডেনত থাকিবলৈ জাৰ্মানীলৈ উভতি আহে।^১৩ ইয়াৰ ফলত নতুন সৃষ্টিশীল আৱেগৰ সৃষ্টি হৈছিল আৰু তেওঁ নিজৰ কিছুমান ৰচনাৰ চুটি চলচ্চিত্ৰ নিৰ্মাণ কৰিছিল। ৱিচবাডেনততথ্যচিত্ৰজেমছ পিচ (K. James Peace in Wiesbaden) তেওঁৰ এই ধাৰাৰ কামসমূহৰ ভিতৰত আছে।^{২১২২২৩}

পুৰস্কাৰ আৰু বঁটাসমূহ

● প্ৰথম পুৰস্কাৰ, এগ্নেছ মিলাৰ প্ৰতিযোগিতা। গ্লাছগো, ১৯৮৩^৪

● প্ৰথম পুৰস্কাৰ, EIS প্ৰতিযোগিতা, গ্লাছগো, ১৯৮৪^৪

● চিবেলিয়াছ প্ৰবন্ধ পুৰস্কাৰ। গ্লাছগো, ১৯৯৫^৪

● সন্মানীয় ডিপ্লোমা, TIMআন্তৰ্জাতিক ৰচনা প্ৰতিযোগিতা। ৰোম, ২০০০^১২৫

● সন্মানীয় ডিপ্লোমা, IBLA ফাউণ্ডেচন। নিউয়ৰ্ক, ২০০২^১২৫

● স্মাৰক পদক, আন্তৰ্জাতিক পিয়ানো ডুঅ এছ'চিয়েচন। টকিঅꞌ, ২০০২^{১২৫২১২২২৩২৪}

● সোণৰ পদক, ꞌꞌLutèceꞌꞌৰ আন্তৰ্জাতিক একাডেমী। পেৰিছ, ২০০৫^১২

প্ৰধান ৰচনাসমূহ

● দ্যা ৱাটাৰফ’ল (জলপ্ৰপাত)^২৫

● আইডিলচ (অতিপাত সুখী)

● মৰ্ণিং চেৰেনেড (ৰাতিপুৱাৰ প্ৰেমগীত)

● চাইলেণ্ট টিয়েৰ (নীৰৱ চকুপানী)

● ফ’ৰগ’টেন লিভ(পাহৰি যোৱা পাত)

● সোনাটা ফ’ৰ ওবো আৰু পিয়ানো (ওবো আৰু পিয়ানোৰ বাবে সোনাটা)

● বালাডে

● চেৰেম’নিয়েল মাৰ্চ নং. ১ (আনুষ্ঠানিক শোভাযাত্ৰা নং ১)

● চেৰেম’নিয়েল মাৰ্চ নং. ২ (আনুষ্ঠানিক শোভাযাত্ৰা নং ২)

● অট’ম গ’ল্ড (শৰতৰ সোণ)^২৬

● ইটাৰনেল চংগ (চিৰন্তন গীত)^১

● ꞌꞌফ’ৰ জৰ্জিয়াꞌꞌ (ꞌꞌজৰ্জিয়াৰ বাবেꞌꞌ) (জৰ্জিয়ান ভাষা: საქართველოსთვის)

(গীত: তামাৰি চিকভাইডজে, জুৰাবি চিকভাইডজে আৰু জেমছ পিচ)

● ২৪ টেংগো ফ’ৰ চ’ল’ পিয়ানো (২৪ একক পিয়ানোৰ বাবে টেংগো নৃত্য)^{১৯২১২২২৩২৭}

বাহ্যিক সংযোগসমূহ

Lento Lacrimoso: www.youtube.com

Autumn Gold: www.youtube.com

Souvenir de Buenos Aires: www.youtube.com