জাস্প

জাস্প (JASP) হৈছে পৰিসংখ্যা বিশ্লেষণৰ বাবে ব্যৱহৃত এক মুক্ত উৎস কম্পিউটাৰ ছফ্টৱেৰ। ইয়াক আমষ্টাৰডাম বিশ্ববিদ্যালয়ত বিকাশ কৰা হৈছে। জাস্প সহজে ব্যৱহাৰ কৰিব পৰা ধৰণে নিৰ্মাণ কৰা হৈছে আৰু ইয়াৰ আন্তঃপৃষ্ঠ এছ পি এছ এছ ব্যৱহাৰকাৰীসকলৰ বাবে চিনাকি যেন অনুভৱ হয়। ই পৰম্পৰাগত পৰিসংখ্যাগত পদ্ধতিৰ লগতে বেইজীয়ান পৰিসংখ্যাভিত্তিক বিশ্লেষণো সমৰ্থন কৰে।

জাস্প সাধাৰণতে এ পি এ শৈলী অনুসৰি ফলাফলৰ তালিকা আৰু চিত্ৰ প্ৰস্তুত কৰে, যাৰ ফলত গৱেষণা প্ৰকাশৰ বাবে ফলাফল উপস্থাপন সহজ হয়। ইয়াত মুক্ত বিজ্ঞান-ৰ সৈতে সংযোগৰ সুবিধা আছে, যাৰ জৰিয়তে মুক্ত বিজ্ঞানক উৎসাহিত কৰা হয়। লগতে, বিশ্লেষণৰ ছেটিংসমূহ ফলাফলৰ সৈতে সংযুক্ত কৰি ৰাখাৰ বাবে ই পুনৰুৎপাদনযোগ্যতা বৃদ্ধি কৰে।

জাস্পৰ বিকাশ বিভিন্ন পৃষ্ঠপোষক, কেইবাখনো বিশ্ববিদ্যালয় আৰু গৱেষণা তহবিলৰ আৰ্থিক সহায়ত চলি আছে।^১২৩

বৈশিষ্ট্য

জাস্পত বহুলভাৱে ব্যৱহৃত পৰিসংখ্যাগত বিশ্লেষণৰ সুবিধা আছে, যেনে বৰ্ণনামূলক পৰিসংখ্যা, টি টেষ্ট (t-test), এনোভা (ANOVA), সহ-সম্বন্ধ (পৰিসংখ্যা) (Correlation), ৰিগ্ৰেচন (regression), ফেক্টৰ এনালিছিছ (factor analysis) আৰু বেইজীয়ান পৰিসংখ্যা (Bayesian analysis)।^৪ ইয়াৰ ফলাফলসমূহ ব্যৱহাৰকাৰীয়ে বিশ্লেষণ ছেটিং সলনি কৰাৰ লগে লগে স্বয়ংক্ৰিয়ভাৱে আপডেট হয়।

উদ্দেশ্য

জাস্পৰ এটা মূল উদ্দেশ্য হৈছে পৰিসংখ্যাগত বিশ্লেষণক সহজ, স্বচ্ছ আৰু পুনৰুৎপাদনযোগ্য কৰা। বিশেষকৈ মনোবিজ্ঞান, সমাজবিজ্ঞান, শিক্ষা, স্বাস্থ্যবিজ্ঞান আৰু অন্যান্য সামাজিক-বিজ্ঞান গৱেষণাত ইয়াৰ ব্যৱহাৰ দেখা যায়।

লগতে চাওক

• SPSS
• R
• বেইজীয়ান পৰিসংখ্যা
• মুক্ত বিজ্ঞান
• পুনৰুৎপাদনযোগ্যতা

বাহ্যিক সংযোগ

• JASP GitHub repository