ছাফিয়া জৰ্জ

ছাফিয়া জৰ্জ (পূৰ্বৰ নাম: ডালমিডা) এগৰাকী আমেৰিকাৰ ভাৰ্জিন দ্বীপপুঞ্জৰ নাৰ্ছ প্ৰেকটিচনাৰ আৰু সামগ্ৰিক স্বাস্থ্য, আধ্যাত্মিকতা আৰু এইচ আই ভিৰ বিশেষজ্ঞ একাডেমিক প্ৰশাসক। ভাৰ্জিন দ্বীপপুঞ্জ বিশ্ববিদ্যালয়ৰ সভানেত্ৰী। জৰ্জে ২০১৯ চনৰপৰা ২০২৪ চনলৈকে ফ্ল'ৰিডা আটলাণ্টিক বিশ্ববিদ্যালয়ৰ ক্ৰীষ্টিন ই লিন কলেজ অৱ নাৰ্চিঙৰ ডীন হিচাপে কাৰ্যনিৰ্বাহ কৰিছিল।

জীৱন

জৰ্জে এ.এছ. (১৯৯৭) আৰু বি. (১৯৯৯) ভাৰ্জিন দ্বীপপুঞ্জ বিশ্ববিদ্যালয়ৰপৰা নাৰ্চিং ডিগ্ৰী লাভ কৰিছে।^১২ তেওঁ এম.এছ. (২০০১) এইচ আই ভি/এইডছ আৰু অংক’লজীত একাগ্ৰতাৰে নাৰ্চিংত পি.এইচ.ডি. (২০০৬) নাৰ্চিং গৱেষণাত, আৰু ইমোৰী বিশ্ববিদ্যালয়ৰপৰা মহিলা অধ্যয়নত প্ৰমাণ-পত্ৰ (২০০৬) লাভ কৰে।^১৩২ তেওঁৰ গৱেষণা পত্ৰখনৰ শিৰোনাম আছিল, এইচ আই ভি ৰোগী মহিলাৰ আধ্যাত্মিকতা, হতাশা, প্ৰতিৰোধৰ অৱস্থা আৰু স্বাস্থ্য সম্পৰ্কীয় জীৱনৰ মানদণ্ডৰ মাজৰ সম্পৰ্ক।^৪ মাৰ্চিয়া মেকডনেল হোলষ্টাড তেওঁৰ ডক্টৰেট উপদেষ্টা আছিল।^৪ ২০০৭ চনত জৰ্জে ড্যুক বিশ্ববিদ্যালয়ত ধৰ্ম আৰু স্বাস্থ্যৰ পোষ্ট ডক্টৰেট ফেল'শ্বিপ চলায়।^৩

জৰ্জ এগৰাকী নাৰ্ছ প্ৰেকটিচনাৰ যিয়ে সামগ্ৰিক স্বাস্থ্য, আধ্যাত্মিকতা আৰু এইচ আই ভিৰ ক্ষেত্ৰত বিশেষজ্ঞ।^৫ ২০০৮ চনৰপৰা ২০১৫ চনলৈকে তেওঁ ইমোৰী বিশ্ববিদ্যালয়ৰ সহকাৰী অধ্যাপিকা আছিল।^১২ ২০১৫ চনৰ আগষ্ট মাহত তেওঁ আলাবামা বিশ্ববিদ্যালয়ত সহযোগী অধ্যাপিকা আৰু কেপষ্টোন কলেজ অৱ নাৰ্চিঙৰ গৱেষণাৰ সহকাৰী ডীন আৰু বিদ্বান বিষয়ৰ সঞ্চালিকা হিচাপে যোগদান কৰে।^১৬২ ২০১৮ চনত জৰ্জে আমেৰিকান এছ'চিয়েচন অৱ নাৰ্ছ প্ৰেকটিচনাৰৰ ফেলো হিচাপে নিযুক্তি লাভ কৰে।^৬ ২০১৮ চনৰ ৮ জুলাইত তেওঁ ফ্ল’ৰিডা আটলাণ্টিক বিশ্ববিদ্যালয়ৰ ক্ৰীষ্টিন ই লিন কলেজ অৱ নাৰ্চিঙৰ হলি ৰকৱেল ট্ৰুবিনস্কি বিশিষ্ট ডীন আৰু অধ্যাপিকা হয়।^১৭ তেওঁ ফ্ল’ৰিডা আটলাণ্টিক বিশ্ববিদ্যালয় লুই আৰু এন্নে গ্ৰীণ মেম’ৰী এণ্ড ৱেলনেছ চেণ্টাৰৰ মুখ্য কাৰ্যবাহীও আছিল।^৮ ২০২০ চনত তেওঁ নেচনেল একাডেমী অৱ প্ৰেকটিছৰ বিশিষ্ট ফেলো হিচাপে আৰু ২০২২ চনত আমেৰিকান একাডেমী অৱ নাৰ্চিঙৰ ফেলো হিচাপে নিযুক্তি লাভ কৰে।^৫ ২০২৩ চনৰ ফেব্ৰুৱাৰী মাহত তেওঁ অলাভজনক সংস্থা বোকা হেল্পিং হেণ্ডছৰ পৰিচালনা সমিতিত যোগদান কৰে।^৫ ২০২৪ চনৰ ফেব্ৰুৱাৰী মাহত তেওঁক ভাৰ্জিন দ্বীপপুঞ্জ বিশ্ববিদ্যালয়ৰ ষষ্ঠ সভানেত্ৰী হিচাপে নিযুক্তি দিয়া হয়।^১ ২০২৪ চনৰ ১ আগষ্টত ডেভিদ হলৰ পিছত তেওঁ কাৰ্যনিৰ্বাহ কৰে।^৯