চিণ্ডী আমাইজা

চিণ্ডী আমাইজা (Cindy Amaiza) কেনিয়াৰ এগৰাকী এইচ আই ভি/এইডছ কৰ্মী। তেওঁ নাইৰোবিত বাস কৰা এম পি এইচৰ ছাত্ৰী। তেওঁ^১ এইচ আই ভি ৰেচপন্সক অনুপ্ৰাণিত, ৰূপান্তৰ আৰু সংযোগ কৰিবলৈ অংশীদাৰিত্ব (PITCH)^২ অংশীদাৰ সংস্থা^১ যুৱ আৰু কিশোৰ-কিশোৰী প্ৰজনন স্বাস্থ্য কাৰ্যসূচীৰ বাবে এম্বেছাদৰ (AYARHEP)ৰ সৈতে জড়িত।^৩ তেখেতে ৱাই+ কেনিয়াৰ প্ৰতিষ্ঠাপকো, যি তেওঁৰ দৰে এইচ আই ভি ৰোগত আক্ৰান্ত যুৱক-যুৱতীসকলক ছটা পৃথক কেনিয়া সংস্থাৰ পৰা একত্ৰিত কৰি ৰাষ্ট্ৰীয় এ ৱাই পি এল এইচ আই ভি নেটৱৰ্কত একত্ৰিত কৰিছিল।^১

সক্ৰিয়তা

এইচ আই ভি আৰু এইডছৰ দ্বাৰা অসমতাপূৰ্ণভাৱে প্ৰভাৱিত যুৱক-যুৱতীসকলে সন্মুখীন হোৱা প্ৰত্যাহ্বান আৰু সমস্যাসমূহ ভালদৰে মোকাবিলা কৰিবলৈ এইচ আই ভি ৰোগত আক্ৰান্ত যুৱক-যুৱতীসকলৰ এক ঐক্যবদ্ধ কণ্ঠৰ কল্পনা কৰিছোঁ।
— Cindy Amaiza^১

২০১৭ চনৰ শেষৰ ফালে ৱাই+ কেনিয়া প্ৰতিষ্ঠা কৰাৰ কিছু সময়ৰ পিছতে আমাইজাই ৰাষ্ট্ৰীয় সমন্বয়ক হিচাপে গম পায় যে তেওঁৰ বহু সতীৰ্থই ম্যাদ উকলি যোৱা এণ্টিৰেট্ৰ’ভাইৰেল ঔষধ গ্ৰহণ কৰি আছে। Y+ কেনিয়াই এই বিষয়টো কেনিয়াৰ স্বাস্থ্য মন্ত্ৰালয়ৰ ওচৰলৈ লৈ আহিছিল, যিয়ে প্ৰথমে কোনো সমস্যাৰ অস্তিত্ব অস্বীকাৰ কৰিছিল। নেটৱৰ্কে প্ৰায় ৪০ জন যুৱকৰ সাক্ষ্য দাখিল কৰাৰ পিছত মন্ত্ৰালয়ে কয় যে এণ্টিৰেট্ৰ'ভাইৰেলৰ ছেল্ফ লাইফ ম্যাদ উকলি যোৱাৰ তিনি মাহৰ পিছত থাকে, কিন্তু আমাইজাৰ গোটৰ অধিক হেঁচাত মন্ত্ৰালয়ে জড়িত স্বাস্থ্য কেন্দ্ৰসমূহৰ সৈতে যোগাযোগ কৰি আক্ৰান্তসকলক সতেজ ঔষধ দিয়াৰ ব্যৱস্থা কৰে।^৪ এই গোটটোৱে স্বাস্থ্য মন্ত্ৰালয় আৰু নেচনেল চিণ্ডেমিক ডিজিজ কণ্ট্ৰল কাউন্সিলৰ সিদ্ধান্তত অধিক এইচ আই ভি পজিটিভ লোকৰ পৰামৰ্শ লোৱাৰ বাবেও অভিযান চলাইছিল।.^৪

২০১৯ চনলৈকে ৱাই+ কেনিয়াৰ ছটা সদস্য সংগঠন আছিল৷ সকলোবোৰেই ১০–৩০ বছৰ বয়সৰ লোকৰ নেতৃত্বত আৰু সেৱা আগবঢ়াইছিল। প্ৰত্যেকেই বিভিন্ন বিষয়ৰ ওপৰত গুৰুত্ব আৰোপ কৰে, যেনে- লেনদেনমূলক যৌনতা, কিশোৰ-কিশোৰীৰ যৌন আৰু প্ৰজনন স্বাস্থ্য আৰু অধিকাৰ, মানসিক স্বাস্থ্য, যুৱতী মহিলা যৌনকৰ্মী আৰু মহিলা ড্ৰাগছ সেৱনকাৰী।^৪

আমাইজাই কেনিয়াৰ পৰিকল্পিত ইউনিভাৰ্চেল হেল্থ ক'ভাৰেজ (ইউ এইচ চি) উন্নত কৰাৰ বাবেও কাম কৰিছিল। এইচআইভি ৰোগী যুৱক-যুৱতীসকলে ইয়াৰ আৰম্ভণিৰ বিৰুদ্ধে অভিযান চলাইছিল, কিয়নো ৰাষ্ট্ৰীয় স্বাস্থ্য বীমা পুঁজিয়ে স্বাস্থ্যসেৱাৰ সুবিধা লাভ কৰাৰ আগতে ৬ৰ পৰা ১২ মাহৰ বাবে ধন পৰিশোধ কৰিব লাগিব, আৰু ইয়াৰ কভাৰেজ কম আছিল। তেওঁৰ সম্প্ৰদায়ৰ জৰীপ কৰি আমাইজাৰ গোটে ইউ এইচ চি পৰিকল্পনা উন্নত কৰাৰ বিষয়ে মতামত সংগ্ৰহ কৰে আৰু সেই ধাৰণাসমূহৰ কিছুমানক নিয়া এইডছ কৌশলগত কাঠামো (KASF)ত অন্তৰ্ভুক্ত কৰাৰ পোষকতা কৰে। ^৫