কুশৰাম দেৱ

কুশৰাম দেৱ (১৭৮০ - ১৮৩৮) আউনীআটী সত্ৰৰ ডেকা অধিকাৰ আছিল। সত্ৰাধিকাৰ পদ্মপাণিদেৱৰ মৃত্যুৰ পাছত ডেকা অধিকাৰ হৈছিল। এখেতৰ দিনতে মানৰ অসম আক্ৰমণত সত্ৰ দাহ হৈছিল। পলাই গৈ প্ৰথমে বালিসত্ৰত আছিলগৈ। ৰংপুৰলৈ গৈ মান সেনাপতি মিঙিমাহা তিলোৱাক দেখা কৰাত তেখেতে যথাযোগ্য সন্মানসহ সত্ৰলৈ ফিৰাই পঠিয়ায়। পাছত ইংৰাজে মানক খেদি পঠিওৱাত কুশৰাম দেৱে ইংৰাজ কমিছনাৰ মেথি চাহাবক দেখা কৰে আৰু সত্ৰৰ প্ৰতি সুবিচাৰৰ আশ্বাস লয়। গুৱাহাটীতে ভৰলুমুখত আমনি সত্ৰ পাতি বহু কাল আছিল। ইয়াতেই তেখেতৰ মৃত্যু হয়। দেশৰ দুৰ্দশাৰ সময়ত কৃতিত্বৰে সত্ৰ পৰিচালনা কৰিছিল।^১