ৰেবেকা ল'ল'ছ'লি

ৰেবেকা ল'ল'ছ'লি(Rebecca Lolosoli; জন্ম: ১৯৬২) কেনিয়াৰ চাম্বুৰু কাউণ্টিৰ উমোজা গাঁৱৰ প্ৰতিষ্ঠাপক আৰু মেট্ৰিয়াৰ্ক।^১২ যৌন নিৰ্যাতনৰ পৰা পলায়ন কৰা মহিলাসকলৰ বাবে এই গাঁওখন আশ্ৰয়স্থল আৰু পুৰুষসকলক গাঁওখনত প্ৰৱেশ নিষিদ্ধ কৰা হৈছে।^৩ তেওঁ স্থানীয় কাৰ্যালয়ৰ নিৰ্বাচনত প্ৰতিদ্বন্দ্বিতা কৰাৰ পৰিকল্পনা কৰিছে আৰু এনেদৰে প্ৰতিদ্বন্দ্বিতা কৰা তেওঁ হ'ব প্ৰথমগৰাকী ছাম্বুৰু মহিলা।^৪

জীৱনী

১৯৬২ চনত ৱাম্বা গাঁৱত জন্মগ্ৰহণ কৰা ল'ল'ছ'লি আছিল ছয়জন ভাই-ভনীৰ ভিতৰত এগৰাকী। ১৯৭১ চনত তেওঁ ৱাম্বা ছোৱালী প্ৰাথমিক বিদ্যালয়ত পঢ়িছিল যদিও শিক্ষা সমাপ্ত কৰাৰ আগতেই গুচি যায়।^৫ পিছলৈ তেওঁ কেথলিক নাৰ্চিং প্ৰশিক্ষণ কেন্দ্ৰত নামভৰ্তি কৰে যদিও আৰ্থিক অসুবিধাৰ বাবে শেষ কৰাৰ ছমাহ আগতে শিক্ষা এৰিবলগীয়া হয়।^৫ ১৮ বছৰ বয়সত তেওঁ ফেবিয়ানো ডেভিদ ল'ল'ছ'লিক বিয়া কৰায়৷ ১৭টা গৰু যৌতুকত দিয়া হয়৷^{৬ ৫} তেওঁ নিজাকৈ গাঁৱৰ ব্যৱসায় প্ৰতিষ্ঠা কৰিছিল আৰু মহিলাৰ অধিকাৰৰ পোষকতা কৰিছিল।^১ সেইসময়তে তেওঁক আক্ৰমণ আৰু ডকাইতি কৰা হৈছিল, তেতিয়া তেওঁৰ স্বামীয়ে হস্তক্ষেপ কৰা নাছিল, যাৰ ফলত তেওঁ গিৰিয়েকক এৰি থৈ গৈছিল।^৭ ১৯৯০ চনত তেওঁ আন চাৰিগৰাকী মহিলাৰ সৈতে উমোজা গাঁওখন প্ৰতিষ্ঠা কৰে আৰু ইয়াক কেৱল মহিলাসকলৰ গাঁও হিচাপে প্ৰতিষ্ঠা কৰে।^৮

১৯৯৫ চনত উমোজাৰ মহিলাসকলে তেওঁক মহিলাৰ উন্নতিৰ বাবে সংস্থা মেণ্ডেলিঅ’ ইয়া ৱানাৱাকে অৰ্গেনাইজেচন (MYWO)ৰ অধ্যক্ষ হিচাপে নিৰ্বাচিত কৰে। দহ বছৰ ধৰি এই পদত অধিষ্ঠিত আছিল।^৫

২০০৫ চনত লোলোছলিয়ে নিউয়ৰ্কত ৰাষ্ট্ৰসংঘৰ এখন সন্মিলনত অংশগ্ৰহণ কৰে।^৯ নিউয়ৰ্কলৈ যোৱাৰ ঠিক আগতেই মহিলাৰ অধিকাৰৰ ওপৰত তেওঁৰ স্থিতিৰ বাবে স্থানীয় পুৰুষৰ পৰা তেওঁক হত্যাৰ ভাবুকি দিয়া হৈছিল।^১০

২০০৯ চনত বন্দুক লৈ উমোজাক তেওঁৰ প্ৰাক্তন স্বামীয়ে আক্ৰমণ কৰিছিল। তেওঁ মহিলাসকলক ঘৰৰ পৰা খেদি পঠিয়াইছিল আৰু অভিযোগ অনুসৰি সেই সময়ত ঘৰত নথকা ৰেবেকাক বিচাৰি আছিল।^৬ ২০১০ চনত তেওঁক ভিটাল ভইচেছৰ পৰা গ্ল'বেল লিডাৰশ্বিপ বঁটাৰে সন্মানিত কৰা হয়।^১