নমিতা থাপাৰ

নমিতা থাপাৰ ( জন্ম:২১ মাৰ্চ,১৯৭৭) এগৰাকী ভাৰতীয় মহিলা উদ্যোগী, ব্যৱসায়িক কাৰ্যবাহী আৰু এঞ্জেল বিনিয়োগকাৰী।^১ তেওঁ এমকিউৰ ফাৰ্মাচিউটিকেলছৰ কাৰ্যবাহী সঞ্চালক। ^২তেওঁ ১০০ তকৈও অধিক কোম্পানীত বিনিয়োগ কৰা চাৰ্ক টেংক ইণ্ডিয়াৰ এগৰাকী বিশিষ্ট বিনিয়োগকাৰী। নমিতা 'থাপাৰ এনট্ৰেনাৰ একাডেমী'ৰ প্ৰতিষ্ঠাপক।

প্ৰাৰম্ভিক জীৱন আৰু শিক্ষা

নমিতা ব্যৱসায়ী সতীশ ৰমনলাল মেহতাৰ জীয়ৰী।^৩৪ নমিতাই ২০০১ চনত ডিউক বিশ্ববিদ্যালয়ৰ ফুকুয়া স্কুল অফ বিজনেছৰ পৰা এমবিএ সম্পূৰ্ণ কৰিছিল আৰু আইচিএআইৰ(ICAI) এগৰাকী চাৰ্টাৰ্ড একাউণ্টেণ্ট।^৫

কৰ্মজীৱন

এম.বি.এ. সম্পূৰ্ণ কৰাৰ পিছত তেওঁ গুইডাণ্ট কৰ্পোৰেচনত বিজনেছ ফাইনেন্সৰ মুৰব্বীৰ ভূমিকা ল'বলৈ আমেৰিকা লৈ গৈছিল। পিছত তেওঁ ভাৰতলৈ স্থানান্তৰিত হয় আৰু এমকিউৰ ফাৰ্মাচিউটিকেলছত মুখ্য কাৰ্যবাহী বিষয়াৰ ভূমিকা গ্ৰহণ কৰে। ^৬পিছলৈ তেওঁ কোম্পানীৰ কাৰ্যবাহী সঞ্চালক হিচাপে নিযুক্ত হয়।

দূৰদৰ্শন

থাপাৰ 1, 2, 3 আৰু 4 চিজনৰ চনী এণ্টাৰটেইনমেণ্ট টেলিভিছনৰ ৰিয়েলিটি প্ৰ'গ্ৰাম চাৰ্ক টেংক ইণ্ডিয়াত এজন এঞ্জেল বিনিয়োগকাৰী "চাৰ্ক" আছিল।

ব্যক্তিগত জীৱন

নমিতা বিকাশ থাপাৰৰ ^৭সৈতে বিবাহপাশত আৱদ্ধ হৈছে। তেওঁলোক দুটা ল'ৰা সন্তানৰ পিতৃ-মাতৃ। সন্তান দুটাৰ নাম হ'ল জয় আৰু বীৰ।^৮