উৰুগুৱেৰ নাৰী

উৰুগুৱেৰ নাৰীসকল (Women in Uruguay) হ’ল উৰুগুৱেত জন্মগ্ৰহণ কৰা, বাস কৰা আৰু উৰুগুৱেৰ পৰা অহা মহিলা। উৰুগুৱেৰ আইন অনুসৰি উৰুগুৱেৰ মহিলাসকলৰ ক্ষমতা, কৰ্তৃত্ব আৰু বিশেষাধিকাৰৰ সমান অধিকাৰ আছে।" কিন্তু বাস্তৱত মহিলাসকলে এতিয়াও "উচ্চ অৰ্থনৈতিক, পেছাদাৰী, ৰাজনৈতিক, সামাজিক আৰু ধৰ্মীয় পদবী" দখল কৰা নাই।^১ ৰাজনৈতিক ক্ষেত্ৰখনৰ সৈতে সম্পৰ্কিতভাৱে ৰাষ্ট্ৰসংঘৰ মহিলাসকলে প্ৰতিবেদন দাখিল কৰিছে যে ২০১২ চনত আন্তঃসংসদীয় সংঘই (আই পি ইউ) কৰা এক অধ্যয়নত উৰুগুৱেক "সংসদত মহিলাৰ প্ৰতিনিধিত্বৰ ক্ষেত্ৰত ১৮৯খন দেশৰ ভিতৰত ১০৩ নম্বৰ" স্থানত উল্লেখ কৰা হৈছে।^২ উৰুগুৱেৰ নিম্ন ৰেংকিঙৰ কাৰণ হৈছে আংশিকভাৱে মহিলাৰ ৰাজনৈতিক অংশগ্ৰহণ কম৷ ২০১৪ চনৰ হিচাপত সংসদৰ সদস্যসকলৰ মাত্ৰ ১৬%হে মহিলা।^৩

উল্লেখযোগ্য নাৰী

উৰুগুৱেৰ এগৰাকী বিশিষ্ট মহিলা হৈছে প’লিনা লুইচি। উৰুগুৱে দেশৰ নাৰীবাদী আন্দোলনৰ এগৰাকী নেত্ৰী আছিল লুইছি। তেওঁ ১৯০৯ চনত চিকিৎসা বিজ্ঞানৰ ডিগ্ৰী লাভ কৰা প্ৰথমগৰাকী মহিলা হিচাপে পৰিগণিত হয় আৰু অতি সন্মান লাভ কৰে। তেওঁ আন্তঃৰাষ্ট্ৰীয় মহিলা সন্মিলনত উৰুগুৱেক প্ৰতিনিধিত্ব কৰিছিল আৰু সমগ্ৰ ইউৰোপ ভ্ৰমণ কৰিছিল। মহিলাৰ অধিকাৰৰ ওপৰত তেওঁৰ মতামত প্ৰকাশ কৰে আৰু ১৯১৯ চনত পৌলিনাই উৰুগুৱেত মহিলাৰ অধিকাৰৰ বাবে বাহিনী আৰম্ভ কৰে। ১৯২২ চনৰ ভিতৰত প্যান-আমেৰিকান কনফাৰেন্স অৱ উইমেনে পৌলিনা লুইছিক এই সভাৰ সন্মানীয় উপ-সভানেত্ৰী হিচাপে নিযুক্তি দিয়ে আৰু উৰুগুৱেই মহিলাসকলক ভোটাধিকাৰ নিদিয়ালৈকে তেওঁ এগৰাকী কৰ্মী হৈয়েই থাকে।

ঘৰুৱা হিংসা

উৰুগুৱেত ঘৰুৱা হিংসা এটা অতি গুৰুতৰ সমস্যা,^৪বিশেষকৈ তথাকথিত আৱেগৰ অপৰাধ, যিবোৰ ২০১৭ চনলৈকে দণ্ডবিধিৰ ৩৬ নং অনুচ্ছেদৰ অধীনত সহ্য কৰা হৈছিল (ব্যভিচাৰৰ দ্বাৰা উত্তেজিত আবেগ) – Artículo 36. (La pasión provocada por el adulterio) .^৫ ২০১৭ চনৰ ২২ ডিচেম্বৰত ফৌজদাৰী আইনৰ ৩৬ নং অনুচ্ছেদ সংশোধন কৰি আৱেগৰ অপৰাধ আঁতৰোৱা হয়।^৬২০১৩ চনৰ পৰাই এই ব্যৱস্থাটো ফৌজদাৰী আইনৰ পৰা আঁতৰোৱাৰ বাবে ৰাজনৈতিক প্ৰচেষ্টা চলি আছিল।^৭৮৯

২০০৬ চনৰ আগতে ধৰ্ষণৰ অপৰাধীসকলে যদি আক্ৰমণৰ পিছত ভুক্তভোগীক বিয়া কৰায় তেন্তে শাস্তিৰ পৰা হাত সাৰিব পাৰিছিল।^১০ ঘৰুৱা হিংসাৰ বিৰুদ্ধে উৰুগুৱেৰ আইন হৈছে ২০০২ চনত প্ৰণয়ন কৰা লে নং ১৭.৫১৪।^১১

২০১৮ চনৰ ৰাষ্ট্ৰসংঘৰ এক অধ্যয়ন অনুসৰি লেটিন আমেৰিকাত বৰ্তমান বা পূৰ্বৰ সংগীয়ে মহিলাক হত্যা কৰাৰ হাৰ ডমিনিকান ৰিপাব্লিকৰ পিছতে উৰুগুৱেৰ স্থান।^১২

গৰ্ভপাত

আন লেটিন আমেৰিকাৰ দেশৰ তুলনাত উৰুগুৱেৰ গৰ্ভপাত আইন অতি উদাৰ। ২০১২ চনত উৰুগুৱেই কিউবাৰ পিছত লেটিন আমেৰিকাৰ দ্বিতীয়খন দেশ হিচাপে পৰিগণিত হয় যিয়ে ঐচ্ছিক গৰ্ভপাতক বৈধতা প্ৰদান কৰে (গৰ্ভাৱস্থাৰ প্ৰথম ১২ সপ্তাহত)।^১৩

ৰাজনীতিত নাৰী

লেটিন আমেৰিকাৰ আন বেছিভাগ দেশৰ দৰে ৰাজনীতিত মহিলাৰ বিশেষ উপস্থিতি নাই। লেটিন আমেৰিকাৰ ৰাজনীতিত মহিলাৰ শতকৰা হাৰৰ তালিকাত উৰুগুৱে অন্যতম।^১৪