ভিভিয়ান অনানো

ভিভিয়ান অনানো (Vivian Onano)(জন্ম-১৯৯১) কেনিয়াৰ এগৰাকী আফ্ৰিকান সমাজকৰ্মী আৰু সামাজিক উদ্যোগী যি আফ্ৰিকাত ছোৱালীৰ শিক্ষা আৰু বাল্যবিবাহৰ অন্ত পেলোৱাৰ পোষকতা কৰে। যুৱক-যুৱতী, মহিলা আৰু অক্ষম ব্যক্তিৰ বাবে উপযুক্ত সুযোগ প্ৰদান কৰি দৰিদ্ৰতা দূৰ কৰাৰ লক্ষ্যৰে লিডিং লাইট ইনিচিয়েটিভৰ প্ৰতিষ্ঠাপক আৰু পৰিচালক।^১২৩৪

শিক্ষা

ভিভিয়ানে উইচকনচিনৰ কেনোছাৰ কাৰ্থেজ কলেজত উচ্চ শিক্ষা গ্ৰহণ কৰে^৫ য'ত তেওঁ ডিগ্ৰী লাভ কৰে আৰু পেৰিছৰ বিজ্ঞান প'ৰ পৰা জনসংযোগত স্নাতকোত্তৰ ডিগ্ৰী লাভ কৰি শৈক্ষিক সাধনা আগবঢ়ায়।^৬ তেওঁৰ শৈক্ষিক পটভূমিয়ে তেওঁক জটিল সামাজিক আৰু উন্নয়নমূলক প্ৰত্যাহ্বানসমূহৰ সৈতে মোকাবিলা কৰিবলৈ প্ৰয়োজনীয় জ্ঞান আৰু দক্ষতাৰে সজ্জিত কৰিছিল।^৭৮

কৰ্মজীৱন

ভিভিয়ানক ২০১৪ চনৰ পৰা ২০১৬ চনলৈকে ৰাষ্ট্ৰসংঘৰ মহিলা গ্ল’বেল চিভিল ছ’চাইটি এডভাইজাৰী গ্ৰুপৰ যুৱ উপদেষ্টা হিচাপে নিযুক্তি দিয়া হয়৷ ২০১৯ চনত তেওঁ ইউনেস্ক’ৰ বাবে গ্ল’বেল এডুকেশ্যন মনিটৰিং ৰিপ’ৰ্টৰ যুৱ উপদেষ্টা হিচাপে নিযুক্তি লাভ কৰে,^{৯১০১১} তেওঁ বিশ্ব মানৱীয় মঞ্চ যুৱ পৰিষদৰ সদস্য, কনকৰ্ডিয়া আফ্ৰিকাৰ উপদেষ্টা, আৰু উপ-সভাপতি গ্ল’বেল যুৱ সবলীকৰণ পুঁজি। ^১২১৩

তেওঁৰ বিশেষজ্ঞতা শিক্ষা, লিংগ সমতা, যুৱ সবলীকৰণ, আৰু আন্তঃৰাষ্ট্ৰীয় উন্নয়নৰ দৰে গুৰুত্বপূৰ্ণ বিশ্বব্যাপী বিষয়সমূহৰ ওপৰত ৰাজহুৱা ভাষণ দিয়ালৈকে বিস্তৃত। ৰাষ্ট্ৰসংঘৰ সাধাৰণ পৰিষদ, বিশ্ব মানৱীয় মঞ্চ, আফ্ৰেক্সিমবাংক বাৰ্ষিক মঞ্চ, ৰেইকজাভিক গ্ল’বেল ফ’ৰাম, আফ্ৰিকা বিজনেছ ফ’ৰাম, ফৰ্বছ মহিলা আফ্ৰিকা আঞ্চলিক মঞ্চ, শিক্ষাৰ বাবে বিশ্ব উদ্ভাৱন সন্মিলন, কনকৰ্ডিয়া সন্মিলন, ইউৰআফ্ৰিকান মঞ্চ আৰু ক্লিণ্টন গ্ল’বেল ইনিচিয়েটিভত তেওঁ প্ৰভাৱশালী ভাষণ প্ৰদান কৰিছে।. ^{১৪১৫১৬১৭১৮১৯২০}