জীয়াৰী

জীয়াৰী, জীয়ৰী বা কন্যা (:Daughter) এগৰাকী স্ত্ৰীলিংগৰ সন্তান; পিতৃ-মাতৃৰ সম্পৰ্কত এগৰাকী ছোৱালী বা মহিলা। কন্যা হ’বলৈ কাৰোবাৰ কন্যা সন্তান হিচাপে পৰিচিত অৱস্থা। সমকক্ষ পুৰুষবাচক শব্দ পুত্ৰ। বিভিন্ন উপাদানৰ মাজৰ সম্পৰ্ক দেখুৱাবলৈ কেইবাটাও ক্ষেত্ৰত এই নামটো ব্যৱহাৰ কৰা হয়। জৈৱিক দৃষ্টিকোণৰ পৰা জীয়ৰী বা কন্যা ব্যক্তিৰ আত্মীয়তাৰ প্ৰথম স্তৰ। কন্যা শব্দটোৰ লগত আন কেইবাটাও অৰ্থও জড়িত হৈ আছে, ইয়াৰে এটা স্ত্ৰী বংশ বা বংশধৰক বুজাবলৈ ব্যৱহাৰ কৰা হৈছে। ইয়াক এজন বয়োজ্যেষ্ঠৰ পৰা অহা মৰমৰ শব্দ হিচাপেও ব্যৱহাৰ কৰিব পাৰি। কন্যা শব্দৰ সমাৰ্থক শব্দ হৈছে দুহিতা,তনয়া,নন্দিনী,আত্মজা,আপী ইত্যাদি।

পিতৃতান্ত্ৰিক সমাজত পুত্ৰতকৈ কন্যাৰ পাৰিবাৰিক অধিকাৰ প্ৰায়ে বেলেগ বা কম। এটা পৰিয়ালে জীয়ৰী বা কন্যাতকৈ পুত্ৰ সন্তান জন্ম দিয়াটো পছন্দ কৰিব পাৰে আৰু কন্যাক মহিলা শিশু হত্যাৰ বলি কৰাব পাৰে।^১ কিছুমান সমাজত কন্যা সন্তানক স্বামীক ‘বিক্ৰী’ কৰা এটা প্ৰথা, যিয়ে কইনাৰ মূল্য দিব লাগে। এই প্ৰথাৰ ওলোটা, য’ত পিতৃ-মাতৃয়ে স্বামীক নাৰীৰ আৰ্থিক বোজাৰ ক্ষতিপূৰণৰ বাবে ধনৰ ৰাশি দিয়ে আৰু ইয়াক যৌতুক বুলি জনা যায়। যৌতুক দিয়াটো এনে সমাজত পোৱা যায় য’ত মহিলাই ঘৰৰ বাহিৰত শ্ৰম নকৰে।

ধাৰণা

আমেৰিকাত জন্মৰ হাৰ ১০৫ পুত্ৰৰ পৰা ১০০ কন্যা, যিটো ১৮ শতিকাৰ পৰাই প্ৰাকৃতিক জন্মৰ হাৰ। আমেৰিকাত সন্তান দত্তক ল'ব বিচৰা সম্ভাৱ্য পিতৃ-মাতৃয়ে ল'ৰাতকৈ ছোৱালীক সামান্য পছন্দ কৰে।^২ লিংগ পছন্দ সক্ষম কৰা প্ৰজনন ক্লিনিকত সাধাৰণতে পুত্ৰতকৈ কন্যাক পছন্দ কৰা হয়।^৩ বিভিন্ন আব্ৰাহামী ধৰ্মৰ পৰম্পৰাত লুলুৱাক প্ৰথম কন্যা হিচাপে গণ্য কৰা হয়।^৪

প্ৰতি বছৰে ছেপ্টেম্বৰৰ চতুৰ্থ দেওবাৰে কন্যা সন্তানৰ গুৰুত্ব সমাজক বুজাবলৈ কন্যা দিৱস পালন কৰা হয়৷^৫ ২০০১ চনৰ লোকপিয়ল তথ্য অনুযায়ী, ভাৰতৰ শিশুৰ লিংগৰ অনুপাত(০-৬বছৰ) প্ৰতি ১০০০ জন ল'ৰাৰ বিপৰীতে মাত্ৰ ৯৩৩ জনী ছোৱালী।^৬ ভাৰত চৰকাৰে কন্যা সন্তানক সমাজত প্ৰাধান্য দিবৰ বাবে বৰ্তমান বেটি বচাও, বেটি পঢ়াও আন্দোলন গঢ়ি তুলিছে৷^৭