দুগ্ধনলী বন্ধ হোৱা

দুগ্ধনলী বন্ধ হোৱা (কেতিয়াবা গাখীৰৰ নলী বন্ধ হোৱা বা বন্ধ হোৱা বুলিও কোৱা হয়) হ’ল শিশুক স্তন্যপান কৰাবলৈ স্তনবৃন্তলৈ গাখীৰ কঢ়িয়াই নিয়া এটা বা ততোধিক নলী বন্ধ হৈ পৰা যাৰ ফলত মেষ্টিটিছ হ’ব পাৰে। লক্ষণসমূহ হ’ল, এটা স্তনত কোমল, স্থানীয় টেমুনা, টেমুনাটোৰ ওপৰৰ ছালত ৰঙা পৰা। দুগ্ধ নলী বন্ধ হোৱাৰ কাৰণ হ’ল স্তনৰ এটা অংশৰ পৰা গাখীৰ নিঃসৰণ নোহোৱা। ইয়াৰ কাৰণ হ’ব পাৰে সঘনাই স্তন্যপান কৰা, শিশুৰ সৈতে বেয়াকৈ সংলগ্ন হোৱা, টান কাপোৰ পিন্ধা বা স্তনত আঘাত পোৱা। কেতিয়াবা স্তনৰ এটা অংশলৈ যোৱা নলীডাল ঘন হোৱা গাখীৰৰ ফলত বন্ধ হৈ পৰে। গাখীৰৰ নলী বন্ধ হৈ থকাটো গাখীৰ নিঃসৰণৰ উন্নতি কৰি আৰু ইয়াৰ অন্তৰ্নিহিত কাৰণটো শুধৰাই পৰিচালনা কৰিব পাৰি।^১

লক্ষণ

দুগ্ধ নলী বন্ধ হৈ গ’লে তলত দিয়া সাধাৰণ লক্ষণসমূহ দেখা যায়:^২৩

• কম জ্বৰ আৰু স্তনৰ সংক্ৰমণ
• স্তনৰ এটা বিশেষ ফালে বিষ হোৱা
• স্তন ফুলা বা কোমল গোট
• গাখীৰৰ প্ৰবাহ কম হোৱা
• নিপলত এটা সৰু বগা ফোঁহা যাক গাখীৰৰ ব্লেব বুলি কোৱা হয়
• স্তন ফুলা বা ৰঙা পৰা
• স্তনৰ অংশবোৰ স্পৰ্শ কৰিলে গৰম পোৱা
• আক্ৰান্ত স্তনৰ পৰা খাদ্য খোৱাৰ সময়ত শিশুৱে অশান্তি দিয়া

কাৰণ

দুগ্ধ নলী বন্ধ হোৱাটো মহিলাৰ এটা সাধাৰণ স্তনপানৰ সমস্যা আৰু ইয়াৰ কাৰণ কেইবাটাও হ’ব পাৰে।^২৪ তাৰ ভিতৰত:

স্তন্যপানৰ সময়ত যেতিয়া কেঁচুৱাটোৱে সঠিকভাৱে নধৰে, টাইট ব্ৰা বা টাইট কাপোৰ পিন্ধিলে স্তনবোৰক হেঁচা দিব পাৰে আৰু স্তনবোৰৰ ওপৰত হেঁচা প্ৰয়োগ কৰিলে গাখীৰৰ নলী বন্ধ হৈ যাব পাৰে, বেয়া বা দুৰ্বল পাম্প এটাই পানী নিষ্কাশনৰ সমস্যাৰ সৃষ্টি কৰিব পাৰে, যেতিয়া মাতৃদুগ্ধ নিয়মিতভাৱে আঁতৰাই পেলোৱা নহয় তেতিয়া গাখীৰ জমা হৈ গোট মাৰি বাধাৰ সৃষ্টি কৰিব পাৰে, নিপলৰ ব্লেবেও গাখীৰৰ নলী বন্ধ কৰিব পাৰে, যেতিয়া শৰীৰে অতিমাত্ৰা গাখীৰ উৎপাদন কৰে, তেতিয়া ই স্তনক আগুৰি ধৰিব পাৰে আৰু সেয়েহে বন্ধ হৈ যাব পাৰে। তদুপৰি আন কাৰণসমূহ হ’ল ক্লান্তি, অতিমাত্ৰা ব্যায়াম, পানীলগা আৰু গাখীৰ এৰা।

নিৰাময়ৰ উপায়

দুগ্ধ নলী বন্ধ হোৱাৰ বিৰুদ্ধে আটাইতকৈ ফলপ্ৰসূ চিকিৎসা হ’ল সঘনাই স্তন্যপান কৰাই বা পাম্প কৰি দুগ্ধ ভৰ্তি স্তন খালী কৰা।^৫ আন বহুতো চিকিৎসা পদ্ধতিৰ পৰামৰ্শ দিয়া হৈছে যদিও ইয়াৰ ফলপ্ৰসূতা নিৰ্ণয় কৰিবলৈ পৰ্যাপ্ত ক্লিনিকেল গৱেষণা কৰা হোৱা নাই। যিবোৰ চিকিৎসাৰ ওপৰত অধ্যয়ন কৰা হৈছে কিন্তু ইয়াৰ ব্যৱহাৰৰ পক্ষত বা বিপক্ষত কোনো শক্তিশালী প্ৰমাণ নাই:-

• আক্ৰান্ত স্তনৰ কোমল মালিচ^৬ কেতিয়াবা গোটটোৰ ওপৰত কোমল মালিচ কৰাৰ পিছত স্তনবৃন্তৰ মাজেৰে ঘন গাখীৰৰ এটা টোপাল ওলাই আহে, তাৰ পিছত গাখীৰৰ ধাৰা ওলায় আৰু বন্ধ নলীডাল দ্ৰুতভাৱে সকাহ পায়।^১
• শিশুৰ সঠিক অৱস্থান আৰু স্তনত সঠিকভাৱে ধৰাটো নিশ্চিত কৰা^৬
• স্তন বান্ধি নোলোৱা ঢিলা কাপোৰ পিন্ধা^৭
• উষ্ণ কম্প্ৰেছ প্ৰয়োগ কৰা^৬
• বিশেষ বনৌষধি চাহ খোৱা^৭
• আকুপাংচাৰ^৬
• গুয়া-শা^৬
• প্ৰটিঅ'লাইটিক এনজাইম^৬

নিপলৰ ব্লেবৰ ফলত গাখীৰৰ নলী বন্ধ হৈ যাব পাৰে। এই দুয়োটাৰে ফলত মেষ্টিটিছ হ’ব পাৰে।^৮